الأربعاء، ١٥ أكتوبر ٢٠٠٨

متفرقات





كل سنة وانتم طيبين

بما انى بقالى قرابه الشهر والنصف مكتبتش فى المدونة .. فحبيت اقولكم الاول

كل سنة وانتو طيبين  بمناسبة رمضان والعيد
و6 و9 اكتوبر وببمناسبة الدراسة وبمناسبة بداية عام جديد .. ( دراسى يعنى ) :D

..

الحكم العطائية

انتى لسه فاكراها  .. والله فيكى الخير 

ده كان ردى على حد قالى انى ارجع اكمل حكم تانى

بس على فكرة انا مبيعجبنيش شرحى للحكم .. بحسى بكروتها  بالنسبة للى مكتوب فى الكتاب  ..
بس عموما هنحاول باذن الله نرجع نكملها  ..

..

الجامعة

عندما تُذكر كلمة الجامعة ..  تُذكر اسماء

عارفين الاعلان بتاع رايحة فين يا فاطمة .. رايحة اجيب اومو .. هو بالظبط المثل ينطبق عليا فى الجامعة  

رايحة فين يا اسماء .. رايحة الجامعة .. جاية منين يا اسماء .. جاية من الجامعة

ليس عشقا فى الجامعة ولكن زى ما بيقولو كده  امر القوى ..
بس والله بشتقالها فى الصيف  .. وبشتاق للبيت اوى فى الشتا :(

..

دموع

كنت اتناقش  مع صديقة لى اننا سوف ننزل الى صلاة التهجد فما زال متبقى خمسة ايام من رمضان
وكانت نبرتى تملأها السعادة

ولكن للاسف كان مجرد حلم ..  فغلبتنى دموع الفراق

فاللهم اجعل ايامنا كلها كرمضان  .. ويتقبل مننا رمضان

..

ارهاق

هذا ما اشعره الان من تعب وارهاق .. احتاج الى نوم مطول .. وبدون اى ازعاج ..

واحتاج الى العزلة قليلا .. لانى لا اتحملها كثيرا

..

سعادة

عندما تنجح بعض خطواتك .. عندما تجد ثمرة عمل .. فانك اذا سعيد .. فرغم الارهاق فانا سعيدة

..

فرح

لى اكثر من صديقة وقريبة عندهم افراح ومناسبات سعيدة .. فانا سعيدة لفرحهم ..
واتمنى من الله ان يبارك لهم ويحفظهم

..

دمتم بخير

:)


هناك ١٤ تعليقًا:

امنية يقول...

سبحان الله
لسه كاتبه تعليق فى البوست اللى قبله

حلم جميل نسأل الله انه يكون خييير

ربنا يسعد ايامك كلها :)

أنا مسلم يقول...

الاخت الفاضله
أهلا بعودتك اللي مدونتك
وده حال معظم المدونيين من الاخوان من قبل رمضان لغاية العيد لا نراهم ...
آملين ان نري ونتعلم منكي كل ماهو جديد
دمتي ف رعاية الله
حفظك الله من سوء

walaa rizk يقول...

حبيبتى سمسمه

بوركت تدوينه جميله

بصى مش لاقيه تعليق اقوله لكى غير جزاكى الله خيرا

وعلى فكره اجرى روحى مدونتى

هتلاقى هتعجبك ممكن يعنى

دعواتك

AHMED SAMIR يقول...

العود احمد يا فندم
بس ايه 9 اكتوبر دة؟؟؟؟؟؟؟؟؟؟
حمدا لله ع السلامة

اسماء العريــان يقول...

امنية .. علشان انتى فى الحلم بس .. هيبقى خير ان شاء الله .. ربنا يكرمك ويسعدك

..

بكل فخر انا اخوان .. ربنا يكرمك يا فندم ويجزيك خير .. فى حفظ الله

..

عاشقة الاقصى .. عُلم وسينفذ يا فندم

..

اخ احمد سمير .. الله يسلم حضرتك يا فندم

Hosam Yahia حسام يحيى يقول...

صياغه بشكل اكثر من رائع

ماشاء الله


ربنا ينول حضرتك اللى عايزاه يافندم

غير معرف يقول...

ياااااااااااااه

أنا كنت يئست آجي هنا :D

حمد الله ع السلامة حضرتك


وحضرتك طيبة بمناسبة كل المناسبات اللي أسعد من بعض دول خصوصاً 2 أكتوبر

:)

----

نفس الإحساس بخصوص رمضان

ربنا يتقبل منكم

----

تعب، وإرهاق، ونوم، وإزعاج، وعزلة

.......

وسعادة


معادلة مش بطالة، لكن تقلِق في اللحظة ده :)

----

ربنا يبارك لكل الأقارب والأصدقاء والأحباب

والعقبى لكم

آمين


:)

مللت الصمت يقول...

انا فرحانه قوى يا مؤة

انا مبسوطة قوى

عايزة اقعد جمب نور على طول

ربنا يختى يسعدك كمان و كمان

بس حلو قوى يوم 9 اكتوبر ده

ده كان عيد تحرير وسط البلد صح؟؟

انا فاكرة اليوم ده كويس جدا

يوم ماخدنا الجيش و روحنا شارع شهاب

و جالنا انهيار عصبى قمام بلاتنيوم مول

و الحمد لله انتصرنا

بفضل ربنا ثم بفضل اللونين الموف و التركوازي

اسماء العريــان يقول...

اخ حسام ... جزاكم الله خيرا .. امين

..

تركوازى .. الله يسلم حضرتك يا فندم .. وحضرتك طيب يا فندم

يتقبل منا ومنكم ان شاء الله

اشمعنى المعادلة مقلقة فى هذا الوقت ؟؟

لا بجد عايزة افهم

...

مللت الصمت يا فُضحية .. اولا الحرب مكنتش فى وسط البلد كانت فى المهندسين .. وامام مش قمام .. والموف ده هو الى هيخسرنا يا اوختشى والله :D:D

والله ليكى يوم يا سمية يا بدر

غير معرف يقول...

:)

أنا قلت في اللحظة دِه مش في الوقت دَه

عشان أنا كتبت التعليق قبل المغرب قبل ما أنزل علىطول

فقلقت :)

بس الحمد لله

Mounir يقول...

و تبقي آثار رمضان باقية في النفس إن شاء الله

حتي لو فارقنا ...فهو لا يزال حي في قلوبنا...و إستمرارنا علي الطاعات بعدها هو خير وفاء لهذا الشهر الكريم
و خير عهد نجدده مع مالك الملوك عز
و جل

نسأل الله أن يبلغكم رمضان أعواما
و أعواما..

اسماء العريــان يقول...

:D

الحمدلله عدت سالما الى البيت بدون اى خدش او تعاوير :):):)

..

سيف الاسلام .. ربنا يتقبل منا ومنكم رمضان وامين على دعائك

همسة قلم يقول...

هههههههههههههههههههههه

طيب ...D:

كل سنة وانتي وكل الاسماءات طيبين

P:

اسماء العريــان يقول...

كل سنة وانتى طيبة يا سماسم :):)