ما بعد المؤتمر

السلام عليكم

المفترض انى اغطى تغطيه كويسة للمؤتمر .. بس انا للاسف اكتشفت انى فاشلة فى التغطيات

ما بعد المؤتمر .. إرهاق وتعب

ما بعد المؤتمر .. ملل وعودة الى المذاكرة وحضور المحاضرات لان الامتحانات فيما يقرب الشهر

ما بعد المؤتمر .. من منعى نزول مواعيدى  والمواعيد اصلا بتفنش خلاص

ما بعد المؤتمر .. المفروض انى ابقى فايقة ورايقة  للمذاكرة ولكن يبدو الموضوع قالب معايا بكأبة  

حصل كام موقف فى المؤتمر نرفزنى .. وانا مش مبسوط اوى من المؤتمر السنة دى ..
رغم انه ماشاء الله كان منظم اكتر من السنين الى فاتت
وكانت الندوة بتاعتنا بجد جميلة انا شايفاها من وجهه نظرى انها نجحت ولله الحمد والفضل طبعا

بس انا تقييمى لنفسى مش تمام اوى .. او حاسة انى ما استفدتش كتيبر السنه دى.. خير يتعوض المرة القادمة

حاجة اخيرة .. المفترض انى كنت اتكلم عن المواعيد الاخوانية .. انا استخرت فعلا بس مفيش نتيجة حتى الان للاستخارة ..
فمعذرة مش هاتكلم عن الموضوع دلوقتى

ندوة عن التأثير الغربى

يُعقد يوم الجمعة (28-3) الساعه الواحدة والنصف بقاعة رقم 5 بنقابة الصحفيين
الدور الرابع
ندوة عن التاثير الغربى على الشباب العربى

من ضمن فاعليات مؤتمر القاهرة الدولى السادس بعنوان "جدل الهوية "

القائم على هذة الندوة طالبات الاخوان المسلمين

واجبار كل من يقرا هذا الاعلان ان يحضر للندوة .... مش اجبار طبعا لكن رجاء هتبقى حلوة اوى ان شاء الله

ومن الضيوف الحاضرين .. الدكتور احمد عبدالله والنائب البرلمانى محسن راضى والدكتورة منال ابو الحسن

صور الندوة

حكم ابن عطاء الله

السلام عليكم

عادت الدراسة وعادت معها الكثير من المسؤليات

ومنتظرين النتيجة ومخططين لحاجات كتير يارب تحصل .. دعواتكم

الاجازة فاتت وياليتها كانت سعيدة عليكم... انا بالنسبة لى اسعد حاجه فى الاجازة حصلتلى
انى شفت البحر وكفى

ندخل فى الموضوع

حكم ابن عطاء الله دى ليها قصة كبيرة اوى معايا .. بابا ايام ما كنا اسرة كبيرة وفيها افراد كتير
كنا بنقعد كل اسبوع بناخد درس مصغر من ضمنه كتاب الحكم بتاع ابن عطاء الله

كنت انا غالبا ساعتها فى خمسة ابتدائى وكنا المفروض بنحفظ الحكم ..
وانا لغاية دلوقتى فيه حكم حفظاها من الذاكرة

وانا حاليا رجعت اقرا فيها من تانى وقلت مينفعش اقرا لوحدى لازم اشاركو معايا ..
يمكن مش هبقى جيدة فى الشرح زى بابا
لكن لعلها توصل معنى او خاطرة لاى حد

باذن الله هحاول انزلها اسبوعيا كل اسبوع حكمة

وهنزلكم دلوقتى حكمة من اكتر الحكم الى بتاثر فيا ومن اكتر الحكم العالقة بذهنى

" لا يكن تأخر أمد العطاء مع الإلحاح فى الدعاء موجباً ليأسك ،
فهو الذى ضمن لك الاجابة فيما يختار لك لا فيما تختار لنفسك ،
وفى الوقت الذى يريد لا فى الوقت الذى تريد "



الحكمة بتتكلم عن الرضا بقضاء واختيار الله وده طبعا بعد ما اخد بالاسباب واعمل الى عليا

اظن الحكمة مفهومة ولو محتاجة شرح ياريت حد يقولى فى التعليقات

جزاكم الله خيرا

وقفة من أجل غزة

سلام عليكم

وغدا ان شاء الله يوجد وقفة من أجل رفع الحصار عن غزة فى دار الحكمة شارع القصر العيني ( نقابة الاطباء )
الساعة 11.30 صباحا.. نرجو ان نتفاعل لو حتى بمشاركه وجدانية


وقفة من أجل غزة..

تخاريف مذاكرة

معلش يا زوارى الكرام فى تعديلات بتتعمل فى المدونة فاستحملونى بقى شوية


فيه  بعض التدوينات  اتشالت  .. بس متخافوش هرجعها تانى  هى متسيفة




وقت امتحانات  ولازم الواحد يطلع الكبت فى اى حاجه  :D

وبعدين لما واحدة  زيي  بتذاكر مادة اسمها مراهقة .. عايزينها تبقى عاملة ازاى ...  

علم نفس بقى تقولو ايه  :S

ـــــــــــــــــــــ

ادعولى الله يكرمكم  عشان هبدا الامتحانات يوم 1-1 ..
هبدا السنة الجديدة بامتحان  (  يا خسارة مش هاعرف اقضى ليلة راس السنة براحتى :D )

غالبا كده زيي  ما بيقولو  كده انى مضغوطة ضغطة محترمة فى المذاكرة .. فدعواتكم الله يكرمكم

مهرجان انشوده

مهرجان انشودة باتحاد الاطباء العرب ثاني ايام عيد الفطر


ينظم اتحاد الاطباء العرب مهرجانه السنوى للانشودة فى السادسة من مساء الاحد
14-10-2007م بمقر الاتحاد بدار الحكمة .بشارع القصر العينى
وقال الدكتور جمال عبد السلام مدير لجنة الاغاثة والطوارىء بالاتحاد(غوث)
ان المهرجان هذا العام سيشهد برنامجا متميزا اضافة الى برنامج الاناشيد التقليدي
حيث سيتم عرض فيلم (مفتاح)
وهو اول فيلم كارتون عربي عن النكبة وقضية اللاجئين
كما سيتم تكريم فنانة الكاريكاتير الفلسطينية التى رسمت الفيلم وانتجته امية جحا .
يذكر ان اتحاد الاطباء العرب ينظم مهرجانات للانشودة فى المناسبات الاسلامية الكبرى
كالاسراء والمعراج والاعياد .

كل عام وانتم بخير ابائى

اولا كل عام وانتم بخير وصحه وسلامة

ثانيا : بابا ما زال ماسور وكلنا ماسورين لان كل ابائى واساتذتى داخل المعتقل والسجن اللعين

الى ابائى الذين اكن لهم كامل التقدير والاحترام والحب الى من عاشرتهم ولو دقائق قليلة

واحسست انكم ابائى فما بال اهلكم بكم

كل عام وانتم شرفاء

كل عام وانتم عظماء

كل عام وانتم سعداء

كل عام واهلكم بجواركم

كل عام وانتم الى الله اقرب

اخص بتهنئتى عمو خيرت الشاطر الذى استقبلنى بابتسامته الهادئه وذوقه الرفيع ووجهه البشوش
 ووعدنى بمناقشة مطوله وانا فى انتظار الوعد... كل عام وانت بخير ابى

واخص بتهنئتى عمو حسن مالك الذى اراه دائما مبتمسما
 وهو من شجعنى على تكملة المسيرة فى التدوين واعتز برايه .. كل عام وانت بخير ابى

واخص بتهنئتى عمو عصام عبدالمحسن الذى قام ورحب بى وعرفنى على باقى 
الاسر وباقى المعتقلين .. 
الاب الذى اعتز ان اسمه مثل اسم ابى... كل عام وانت بخير ابى

واخص بتهنئتى وكامل شكرى واحترامى لعمو محمود المرسى
 الذى ذكرنى فى مقالاته وشكرنى على زيارتى لهم 
ونحن لا نستحق كل ذلك وواجب عليا انى انا
 اشكر حضرتك على استضافتك لى واستقبالك لى بوجهك البشوش... شكرا ابى وكل عام وانت بخير

واخص تهنئتى لعمو عصام حشيش الذى حقا اكن له كل الاحترام والتقدير
والذى كان يرسل معى بطاقات تهنئة لابى ..
كل عام وانت بخير يا ابى كل عام وانت تعلو فى نظرى اكتر 

واخص تهنئتى لعمو عبدالرحمن سعودى الذى ان كتبت عليه بوست كاملا
 لن تكفى كلماتى للتعبير عن جوده وكرمه واحترامى ليه 
جزاك الله عنا خيرا يا عمو عبدالرحمن .. كل عام وانت بخير يا ابى

اخص بتهنئتى لعمو صادق الشرقاوى وعمو امير بسام وعمو محمد عبدالجواد
وعمو ممدوح الحسينى وعمو احمد اشرف وعمو ياسر عبدو
كل عام وانتم بخير ابائى

اريد ان اكتب نبذة عن كل من قابلته فى زيارتى لهم
ولكن االبوست لن يقدر على حمل كل هذة العظمة

بس اكيد ان شاء الله هاكتب بوست عن زيارتى ليهم


 

الحمد لله

الحمدلله رب العالمين بابا وصل البيت بحمدالله وفضله سالما غانما
واول يوم يفطر معانا  من اول رمضان
ويارب دايما

الحمدلله  
الحمدلله
الحمدلله

ياربى لك الحمد كما ينبغى لجلال وجهك وعظيم سلطانك

انا مازال النت والكمبيوتر فى حالة يرسى لها وجارى تصليحهما
سنوافيكم بالتفاصيل لاحقالانى بعلق الزينة

اخلاء سبيل

الحمدلله الحمدلله تم اخلاء سبيل ابى والمجموعة الى معاه

ياربى لك الحمد كما ينبغى لجلال وجهك وعظيم سلطانك 

تانى استئناف

غدا الخميس 5-10 تانى استئناف مقدم من المحامى عبدالمنعم عبدالمقصود لقرار تجديد 15 يوم لعشرة من قيادين الاخوان

سينعقد الاستئناف غدا فى محكمة جنوب القاهرة بالتجمع الخامس