الخميس، 22 مارس، 2007

كلاكيت تالت مرة .. بقيت خاااااااله

كلاكيت تالت مرة .. بقيت خاله لتالت مولود عندنا فى العائله
العائله ازدادت فردا
يعنى الزن زاد .. يعنى كركبه البيت زادت .. يعنى الكوافيل زادت :بس الحمدلله خرجناD
من فصيله البنات وذهبنا الى الجنس الذكرى
بس لسه لم نستقر على اسمه
ابوه عايز يسميه زيد .. وباب بيقول زياد .. ونحب نسمع اقتراحتكم :)
وهما بيقولو ان هو شبه بابا .. ولو طلع امور اكيد هيبقى شبهى انا :D
يالا عقبالكم كلكم

هناك 26 تعليقًا:

مصراوي أوي يقول...

الحمد لله علي وصوله بالسلامه اخيرا رضخ للامر الواقع ورضي ييجي.........كنت هقترح نسميه عصام بس بما ان الدكتور عصام اقترح زياد يبقي انا هرفع ايدي مواااااااااااافقة زياد زياد زياد

AbdElRaHmaN يقول...

:D ألف الف مبروووووووووووووك
انا رأيي من رأي عمو عصام
زياااد
رائع اوي زياااد
:D ولو شبه عمو يبقى عليه العوض في أمن الدولة
هيقولوا عصام العريان عاوز يورث الحكم اللي الناس بتحلم تديهوله لحفيده زياد :D
ربنا يحميك يا زياد
بورك في الموهوب
وشكرتم الواهب
ورزقتم بره
وبلغ أشده
سلام
عبدالرحمن

ارحم دماغك! يقول...

مممممممممم
نسميه إييييييه..اقتراحات يا اخوانا..
اقتراحات..اقتراحات..اقتراحات..نقول مصعب؟
دي مش فكرتي..يللا ربنا يسهل..

عموما عايزين نعرف اسمه في العقيقة بقى ان شاء الله :)

بورك في الموهوب وشكرتم الواهب ورزقتم بره وبلغ أشده، وحرر الله به مصر وفلسطين..

بنــات العـــــــريان يقول...

اخ مصراوى .. جزاكم الله خيرا

ويبدو ان ابن اختى الى ما يستمى لسه .. رضخ للامر الواقع .. ربنا يكون فى عونه لسه قدامه مسيرة طويله بدايه من التعليم المصرى الفاشل .. الى حال البلد .. ربنا يكون فى عونك يا ابن اختى

اخ عبدالرحمن .. ضحكت اوى لما شفت تعليق حضرتك

ربنا يستر وميرفعوش على الولد قضيه تعطيل المرور .. ويقولو طالع لجدة

ارحم دماغك .. هو اسم مصعب مكرر فى العائله

بس هى فكرة مين امال ؟؟

اسماء العريان

أحلى ما في الدنيا يقول...

ألف مبرووووووووووك ....بركه لساره
عقبال لما اطلع اسلم عليها

وطبعا لوكان بنت مكنش في نقاش
شروق طبعا
بس بما انه ولد
هفكر لكم في اسم

elfagreya يقول...

ما شاء الله..أخيييييييييرا

بورك لكم فى الموهوب
وشكرتم الواهب
وبلغ أشده
ورزقت بره

بحب "زيد" اكتر من "زياد"..معلش يا عمو عصام..هيه دى حرية الرأى

ولو هتقبلوا اقتراحات غير دول خدوا عندكم..

أجمل اسم وما أحلم به لابنى المستقبلى ان شاء الله.. عمر
وفيه كمان يحيى
وفيه عاصم
وكمان سلمان

بنــات العـــــــريان يقول...

شروق .. الله يبارك فيكى .. ومستنينك

اسماء .. منورة المدونه والله واكيد بابا هيتقبل رايك

بس الخوف من اسم زيد .. ان الناس هتناديه وتقوله زيت

وبصراحه انا بقولهم زيت وسمنه

اسماء العريان

بنــات العـــــــريان يقول...

وبعدين يا اسماء باباه اسمه عمر مش ينفع عمر

والمشكله فى باباه عمر .. انه عايز يسمى كل اولادة على اسماء اولاد سيدنا عمر فده حاططنا فى اطار مش عافين نخرج منه

اسماء العريان

ارحم دماغك! يقول...

تصدقوا فكرة؟
وده فعلا حاصل من أخ تاني اعرفه هنا اسمه عمر، عنده عبدالله، وعاصم..

خلاص بقى عبدالله، خدوهم بالترتيب، ربنا يرزقه بعاصم بقى :)

بنــات العـــــــريان يقول...

هما اقترحو عاصم .. بس انا رفضت

وانا قترح عبد الرحمن .. ما هو ابن سيدنا عمر برضو

اسماء العريان

bedo يقول...

أولا : بورك لكم فى الموهوب
وشكرتم الواهب
وبلغ أشده
ورزقت بره

أما بقه موضوع الأسامي ده اذا كان ولابد
ممكن تسميه على اسم عمو عصام
أو زياد زي ما قال عمو عصام

أو عبدالله

طبعا خير الأسماء

Abdulrahman Mansour يقول...

السلام عليكم

مبروك لوالد المولود وللدكتور عصام

انا مع الدكتور عصام في اسم زياد ، انا بحب الاسم ده من صغري بس طبعا فيه شوري وديمقراطية وحريه وافتراع!!ا
الاهم موش في الاسم، الاهم في الجيل ده اللي بيتولد النهارده

هيخرج للنور يلاقي برضه جدو حسني موجود واونكل جيمي منورنا

يارب ميعديش كام سنه الا ويكون نورهم زاح من علي عيوننا، يغرقوا ولا حاجه وهما بيعبروا المستقبل اللي بقالهم ربع قرن بيعبروه وموش عارفين

بورك في الموهوب
وشكرتم الواهب
ورزقتم بره
وبلغ أشده

AbdElRaHmaN يقول...

ااااااه
لو عاوز يسميه على أولاد سيدنا عمر
ابن سيدنا عمر الكبير كان عبدالرحمن :D
يسميه عبدالرحمن
وانا اسمي عبدالرحمن
و الله هفرح اوي اوي
يلا عبدالرحمن
أحب الاسماء إلى الله
:d يا خالته

وضّـاح يقول...

ألف مبروك وحمدالله على السلامة

بورك في الموهوب
وشكرتم الواهب
ورزقتم بره
وبلغ أشده

أما عن حكاية الإسم فعبدالرحمن إسم جميل
أو ممكن تسموه .. على إسمي
... وضّاح ...

وضّـاح يقول...

صحيح مبروك ياخلتو عليكي النونو

يتربى في عزك :)

المـ(همس)ـشاعر يقول...

مبروووووووك .. عقبالكم يا سمسمات :)

بس على فكره بقى عايزه اعرف تفاثيل أكتر.. لانى ما كانش عندى خبر:)

لما تستقروا على إسم .. عايزه ارعفه .. سموه إسم جديد

أسيد .. لؤي .. زياد حلو أوى( أنا مع راى عمرو بصراحة).. فى مؤيد .. عبيد..

فى كتير يعنى يا سمسمات:)

بس بجد فرحتونى..ز بورك فى المولود .. و شكرت الواهب .. و بلغ أشده و رزقتم بره إن شاء الله

sharkawoo يقول...

ما شاء الله ....

مبروك للعائلة الكريمة ....

زياد دا يكون إبن أخويا ....

فأكيد زياد احي ....

جعله الله سبباً في نصرة الإسلام والمسلمين ....

همسة قلم يقول...

ومحتارين ليه ياست أسماء
ماعندكم عمو سناء ربنا يخليه لكل الاخوة المحتارين يسميه
أبيّ ،خلاد،أويس ،أسيد الله
وغيرهم :D

مش هانغلب ..روحي بس اتصلي بمرات اخوكي خليها تسأل عمو وهو هايجيبلكم اسمين تلاتة حلوين ..

وألف مبروك لسارة وحمدا لله على سلامة النونو السكر
بورك في الموهوب
وشكرتم الواهب
ورزقتم بره
وبلغ أشده

سلامنا لأم النونو واخواته وخلاته وجدو وتيتة ..:)

أسماء

omar مشروع بطل يقول...

يطرح فيه البركة يارب
و أهم حاجة يسمع كلام أبوه و مامته و خالته وميسمعش كلام صديقكم أمن الدولة


زياد اسم جميل اوى
وكمان أسامة (انا بحب الاسم ده اوى)

اصرار أمل يقول...

بورك لكم فى الموهوب
وشكرتم الواهب
وبلغ أشده
ورزقت بره

انا أرجح اسم زياد _ مش بس علشان رأى د. عصام _ لا بس علشان اسم جميل جداااااااا

أروى الطويل يقول...

ربنا يباركلكوا فيه
زياد حلو
او عاصم جميل اوي اوي

معلش عاوزة السبوع من فضلك ما تنسيش والا ......

Sanaa El-Banna يقول...

الف مبرووك وربنا يجعلهوإياكم من جنوده فى الأرض وأحبائه فى السماء ومن الشهداء فى سبيله تحت الأرض ,ومن رفقاء الحبيب فى الجنة ويون العرض .
أنا شخصيا موافقة على إسم زياد
لكن عبد الرحمن أحلى
والله أعلم
=)))

teto7abibi2010 يقول...

أولا ألف مبروك على المدونة ثانيا ألف مبروك لأخت حضرتك و لعائلة حضرتك الكريمة على النونو لو عايزه أسم جميل سميه ( رونى يعنى مروان )و ثالثا هو حضرتك بتغيظينى و لا أيه أكمنى ما ينفعش أبقى خالة لأنى ماليش أخوات بنات أصلا حرام عليكى قلبت المواجع يلا مش مهم و السلام عليكم و رحمة الله و بركاته " ملحوظة " يا ريت حضرتك تخلى التعليقات زى الفجرية و ريب لأنى معنديش بلوج على جوجل و جزاكم الله خيرا أختك فى الله : تسنيم

بنــات العـــــــريان يقول...

اخ بيبو..الله يبارك فى حضرتك

اخ عبد الرحمن منصور.. الله يبارك فى حضرتك . اذا طلع وملقاش جده مبارك يبقى هيلاقى عمه جيمى وان ملقاش عمو جيمى يبى هيلاقى حفيد جدو مبارك

اخ عبد الرحمن .. هو عبد الرحمن فعلا من الاسماء المطروحه

اخ وضاح..الله يبارك فى حضرتك

همس المشاعر .. الله يبارك فيكى يا قمر

اخ شارقو .. الله يبارك فى حضرتك

اسماء باشا .. ابعدى عن اسامى عمو سناء الله يكرمك :D

اخ عمر .. الله يبارك فى حضرتك .. بس ازاى ما يسمعش كلام صديقنا .. ده الصديق الصدوق للعائله

اصرار امل .. الله يبارك فيكى

سناء .. ياهلا بيكى .. والله يبارك فيكى

تسنيم . الله الله يبارك فيكى يا قمر

بنــات العـــــــريان يقول...

على فكرة يا جماعه خلاص النونو اتسمى وبقى اسمه عبد الرحمن

اسماء العريان

همسة قلم يقول...

بعد ك الهيصة دي يااسماء وفي الاخر عبد الرحمن ..:)
طبعا ماقدرش اتكلم انا شخصيا بحب اسم عبد الرحمن وعبد الله جدا
وياستي كمان مرة

بورك في الموهوب وشكرتم الواهب ورزقتم بره وبلغ أشده

ويارب يارب نشوفه قائد من قادة فتح المسجد الأقصى المبارك

وسلمي على العيلة كلها ياقمر..