الأحد، ١٧ فبراير ٢٠٠٨

حكم ابن عطاء الله

السلام عليكم

عادت الدراسة وعادت معها الكثير من المسؤليات

ومنتظرين النتيجة ومخططين لحاجات كتير يارب تحصل .. دعواتكم

الاجازة فاتت وياليتها كانت سعيدة عليكم... انا بالنسبة لى اسعد حاجه فى الاجازة حصلتلى
انى شفت البحر وكفى


ندخل فى الموضوع

حكم ابن عطاء الله دى ليها قصة كبيرة اوى معايا .. بابا ايام ما كنا اسرة كبيرة وفيها افراد كتير
كنا بنقعد كل اسبوع بناخد درس مصغر من ضمنه كتاب الحكم بتاع ابن عطاء الله

كنت انا غالبا ساعتها فى خمسة ابتدائى وكنا المفروض بنحفظ الحكم ..
وانا لغاية دلوقتى فيه حكم حفظاها من الذاكرة

وانا حاليا رجعت اقرا فيها من تانى وقلت مينفعش اقرا لوحدى لازم اشاركو معايا ..
يمكن مش هبقى جيدة فى الشرح زى بابا
لكن لعلها توصل معنى او خاطرة لاى حد

باذن الله هحاول انزلها اسبوعيا كل اسبوع حكمة

وهنزلكم دلوقتى حكمة من اكتر الحكم الى بتاثر فيا ومن اكتر الحكم العالقة بذهنى

" لا يكن تأخر أمد العطاء مع الإلحاح فى الدعاء موجباً ليأسك ،
فهو الذى ضمن لك الاجابة فيما يختار لك لا فيما تختار لنفسك ،
وفى الوقت الذى يريد لا فى الوقت الذى تريد
"



الحكمة بتتكلم عن الرضا بقضاء واختيار الله وده طبعا بعد ما اخد بالاسباب واعمل الى عليا

اظن الحكمة مفهومة ولو محتاجة شرح ياريت حد يقولى فى التعليقات

جزاكم الله خيرا





هناك ٢٨ تعليقًا:

همسة قلم يقول...

حكمة بليغة يااسماء

كتير منا بيتعجل اجابة دعاء بيدعيه لله لو اتأخر يقول ربنا مش بيستجيب دعائي وتلاقيه وقف الدعاء او تملك منه اليأس والشيطان بيشتغل كويس اوي على الحتت دي

ربنا يكرمك يااسماء ادعيلنا كتيييييير وخلي عمو يدعيلنا وخالتو جامد :)

ومتابعة معاكِ الحكم ..وابقى طمنيني على النتيجة

:)

انا مسلمه يقول...

عارفة يا اسماء مش عارفة لية المرادى كنت منتظرة البوست الجديد بتاعك بطريقة مختلفة اعتقد انها ترقب لجديد فعودتى بعود احمد
بالنسبة للحكمة اعتقد فعلا انها بتوصف حالنامع الرضا وعدم استعجال الدعاء كلنا بندعى بس الاهم مين ان لما الاجابة تتاخر علية ميياسى من رحمة ربنا وساعتها بيبان قوى هوا راضى ولا مش راضى
تقبلى متابعتى ومرورى

صاحب المضيفة يقول...

حكمة جميلة وتمس واقع مهم في حياتي

شكرا جزيلا على التذكرة الجميلة


دمت بخير

أبوشنب يقول...

على موقع اسلام اون لاين فيه شرح للحكم للدكتور علي جمعة

الشرح في منتهى الروعة

ممكن تستعينيبيه وتنزل اللينك بتاعه مع كل حكمة

غير معرف يقول...

حكمه رائعهـ..ماتحتاج شرح..
جزاك الله خير..
دمتِ كما تحبين..
شموخ

آفاق الحرية يقول...

عودا حميدا ان شاء الله للدراسة
بس الاجازة كانت اجمل واحسن وكنا مرتاحين من دوشة المحاضرات وحنجرة الدكاترة
بس الحكمة جميلة جدا ماشاء الله
ومنتظر بقيت الحكم ان شاء الله

غير معرف يقول...

جميل انك تدعى باللى انت عايزه
بس الاجمل انك تدعى وانت مسلم وراضى باللى هيقسمهولك ربنا سواء كان هو اللى دعيت بيه او غيره
لان الحكمه انك دعيت طرقت باب الرحمن ولا يمكن يخذلك


متابعه معاكى يا اسماء

زى الهوا يقول...

حكمة رائعة تعرفى انى الحمد لله فى حياتى ديما بامشى بيها - باعمل اللى عليا اوى الحمد لله وبعدين ارضى باللى هيحصل بعد كدة اه فى البداية بابقى زعلانة بس مافيش وقت قليل وباحمد ربنا وبابقى حاسة انى اسعد واحدة بالرضا دا

sheerif يقول...

السلام عليكم ورحمة الله وبركاته
سهام الليل لاتخصئ ولكن لها امد وللأمد انقضاء
صحيح خذوا الحكمه من افواه ؟؟؟؟
بهزر العقلاء طبعاً.
كنت منتظر من زمان شريكة حياتي وكنت قلق جدا من كثرة البحث وكنت خائف من مصيري اذا قدر لي ان ارتبط بأنسانه تافهه وجل اهتمامها الملبس والمأكل
وبعد ليالي طوال وسنوات عجاف وفقني الله
الي ما كنت اتمناه في خطيبتي وأكثر من ذلك فنحن والحمد لله متفقان في اشياء كثيره
توقيع ش.ش. ناهيا

sheerif يقول...

اتهزأ بالدعاء وتزدريه
اوما تدري بما صنع الدعاء
سهام الليل لاتخطئ ولكن
لها امد وللأمدانقضاء

بس اكيد شرح باباكي احسن

ش.ش

AbdElRaHmaN Ayyash يقول...

البقاء لله يا اسماء :(
ربنا يصبركم يارب

walaa rizk يقول...

بوست راااائع وكل كلمه فيه بتمس فينا كلنا حاجات كتير

وحشتينى جدااااااااااااا
وكنت كل لما ادخل مدونتك ماالاقيش جديد ازعل اوى وبجد قلقت عليكى

نفسى اتعرف عليكى اكتر
انى احبك فى الله
عاشقه الاقصى

Unknown يقول...

الرضا ...
ما أحلاها من كلمة وما أغلاها ..
كنز قل من يقدره ..
اللهم امنحنا الرضا وأعنا على آداء حقك

ولا بنخاف يقول...

بجد فكرة رائعة يأسماء إنك تحطي كل أسبوع حكمة

وبالنسبة للحكمة من أبي عطاء الله السكندري فهي حكمة تدعوا إلي عدم اليأس من عدم إجابة الدعاء

كان أحد سلفنا الصالح رضوان الله عليهم وأعتقد أنه كان عمر كان يقول إنني والله لا أحمل هم إجابة الدعاء ولكني أحمل هم أن يرزقني الله بالدعاء

نعم فلم نتعجل الإجابة وقد حسم أمرها
ألم يخبرنا ربنا "وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون"

أي أننا فقد ما علينا إلا الدعاء مع تحري أوقات الإستجابة وأماكن الإستجابة ومواطنها ومع تحري المأكل والمشرب الحلال

وما بعد ذلك من إستجابة الدعاء سواء بتعجيله في الدنيا أو تأخيره في الأخرة أو حتي دفع القدر كما ورد بالحديث أن الدعاء والقدر يتدافعان
فليس لنا فيه شيء

سما الإسلام يقول...

جزاكي الله خيراأختنا
فعلا حكمة جميلة جدا
لعلنا نفقه
نحب ان نستزيد منها فلا تتاخري علينا
جزيتي الفردوس الاعلي

محمد يقول...

جميلة حكم ابن عطاء .. أستمتع أيما استمتاع وانا أقرأها وأحاول أن أستخرج منها الفوائد

جزاك الله خيرا

والبقاء لله في أبانا سناء .. رحمة الله عليه

tarek momen يقول...

السلام عليكم ورحمة الله وبركاته
هناك حديث شريف يرتبط بنفس المعني
ما اصابك لم يكن ليخطأك و ما أخطأك لم يكن ليصيبك
دعاء لله العلي القدير بفك اسر الماسورين

السينيور يقول...

جزاكِ الله خيرا يا اسماء على الحكمة الجميلة دي

عاشق الشهادة يقول...

الرضا هو سكون القلب وفرحه بمواقع القدر
سألته يوما كيف يصبر فلان وقد بترت ساقه وهو مازال فى شبابه والحياة مازالت طويلة أمامه
فأجابنى:إن الله ينزل مع كل بلاء قدره من الصبر فمن شاء أخذه ومن شاء تركه
اللهم مازويت عنا مما نحب فاجعله فراغا لنا فيما تحب

Unknown يقول...

بسم الله الرحمن الرحيم
خطأ كبير يقع فيه جميع من يحاولون نشر فكرهم بطريقة بسيطة و سهلة بين الناس , ألا و هو استعمال العامية فيما لا يحتمل أن تستعمل فيه العامية , مثل "الحكم بتاع ابن عطاء" أنا لا أعرف هل أصابنا الشلل اللغوي حتى نستعمل العامية ؟!!
يا أختي الفاضلة هذه تسمى "جنابة لغوية" و سامحيني في اللفظ , و أنت و البيت الذي نشأت فيه أجل و أرفع من أن ينحط أسلوبه اللغوي إلى هذا المستوى , ارتفعوا بمستوى العوام و لا تنحطوا إلى مستواهم, أرجوكم!!

Unknown يقول...

بسم الله الرحمن الرحيم
خطأ كبير يقع فيه جميع من يحاولون نشر فكرهم بطريقة بسيطة و سهلة بين الناس , ألا و هو استعمال العامية فيما لا يحتمل أن تستعمل فيه العامية , مثل "الحكم بتاع ابن عطاء" أنا لا أعرف هل أصابنا الشلل اللغوي حتى نستعمل العامية ؟!!
يا أختي الفاضلة هذه تسمى "جنابة لغوية" و سامحيني في اللفظ , و أنت و البيت الذي نشأت فيه أجل و أرفع من أن ينحط أسلوبه اللغوي إلى هذا المستوى , ارتفعوا بمستوى العوام و لا تنحطوا إلى مستواهم, أرجوكم!!

غير معرف يقول...

جزاكم الله خيرا
وفعلا فماذا وجد من فقد الله وماذا فقد من وجد الله
http://islamic-horizon.blogspot.com/

sara يقول...

أسأل الله لك التوفيق و النجاح في الدنيا و الآخرة

القاهرة - يقول...

ربنا يوفقك اختى الكريمة
احرصى الحرص الشديد
على صورة الاسلام فى نفسك
فانتى من سابق الزمن ولاحقه
موطن انظار الجميه فيما سيجدوه
فيكم من خير سينسب للاسلام
اما دون ذلك فعفانا وعفاكم الله
احذروا ان يؤتى الاسم من قبلكم
نصيحة لى ولكم استاذتنا
وفقنا وفقكم الحنان المنان فى رضاه
أخوكم / صاحب مدونة : سجين الظلم

حرة المداد يقول...

سلام اله عليك أختاه: بالفعل يستطيع كل منا ان يدرك آثار رحمة الله في المنع كما في العطاء وانا شخصيا مررت بتجارب كثيرة كنت استميت في الدعاء لامر معين واحزن من انه لا يتحقق فاذا بي بعد فترة طالت او قصرت ادرك حكمة المنع بل واسجد لله شاكرة على ذلك فكم من الاذى كان سيترتب على تحقق هذا الامر.مشكلتناان نظرنا القاصر يجعلنا لا نرى الا ما هو تحت اقدامنا

غير معرف يقول...

ندعوكم للاستماع الى اذاعة اسكندرية اليوم

اذاعة اسكندرية اليوم - اوعى تفرط فى حقك
على هذا الرابط
www.alextoday.net

Unknown يقول...

الله ينور
الكلام جميل وكبير قوي
حكم فعلا
بجد الناس دي كانت ألسنتهم معلقة بالسماء كما هي حال قلوبهم
فنادرا ما تجدي مثل ذلك الكلام يقول مثله أحد الآن

أحمد خفاجي يقول...

مدونة رائعه تحياتي أخت أسماء