الأربعاء، ٤ يونيو ٢٠٠٨

نفس عميق ... خلصت امتحانات





واخيراا .. خلصت

ايام الامتحانات دى بتبقى ايام عصيبة عندنا فى البيت ..  لما تلاقو الناس بتزعق علشان الناس التانية تذاكر ..
لما تلاقى مظاهرات من قبل المجنى عليه ( الى هو بيذاكر يعنى ) و
المظاهرات وما يشتملها من اناشيد حماسية ورفع يافطات مكتوب عليها اشعار تشجيعية ورجائية ..
عندما تجد الاعلام معلقة ( علم فلسطين وليس مصر، ليس لسبب الا انى معنديش علم مصر ) فى قفص الاتهام ( غرفة المذاكرة ) 

عندما تجد كل هذا تعرف انك دخلت بيتنا ايام الامتحانات  :D

هنيئا لى بالحصول على الاجازة .. وهنيئا للمذاكرة بالتخلص منى

انا بحس انى بفرح بانى خلصت امتحانات اكتر من انى بفرح بالنتيجة .. ولا انتو ايه رايكو ؟

ـــــــــــــــــــــــــــــ

بعض الملاحيظ ..

1- الحمدلله الامتحانات عدت على خير .. بس طبعا مرحمتهاش من لماساتى الابداعية :D .. ومن غبائى فى بعض الااحيان

2- اخويا ابراهيم رزق بيحيى

3- بما انى احسن واحدة تحط خطط واحسن واحدة متنفذش الخطط .. فلازم اخطط للصيف ومن ضمن تخطيط الصيف التخطيط للمدونة المقتولة دى .. يا اما اقفلها وارتاح واريح اذا لم تفيد اى شئ لا لنفسى او لغيرى


بما انى وعدتكم بحاجات كتير وما نفذتهاش .. زى وعدى بانى اكتب كل اسبوع حكمة عطائية .. ولم ينفذ هذا الوعد .. وعدى انى هاتكلم عن المواعيد الاخوانية .. وايضا لم ينفذ هذا الوعد .. لكن قريبا ان شاء الله ستجدون الجديد على المدونة

ولا تنسونى من صالح دعائكم ..برضا الله وتوفيقه لى 

هناك ٣٧ تعليقًا:

غير معرف يقول...

لول :)

حمدا لله على السلامة ياختي .. امتحانات مقبولة ونتيجة ممتازة ان شاء الله ..

الاميل وصل ؟؟

طمنيني

فليعد للدين مجده يقول...

عود حميد
منتظرين تحقق وعودك إن شاء الله
وبعدين إنتي دخلتي الجيش ولا إيه ؟ لأن (ملاحيظ) هذه بلغة العساكر، أما المدنيين أمثالنا بيقولوها ملاحظات.
تحياتي

صاحب المضيفة يقول...

منتظرين ابداعك



ومبروك على الأجازة


وسلامي لأبو يحي كمان



تحياتي

ولا بنخاف يقول...

حمدا لله على سلامتك
كويس إنك طلعتي من المطحنة الإمتحاناوية دي على خير

امنية يقول...

مبرووووك
مكانتش امتحانات
كانت انطحانات D:
الحمد لله
خاصه لما تقضى اول يوم اجازه زى ما قضتيه ;)

ربنا يكرررمك يارب فى النتيجة


صحيح
انا كتبت عن ناطورى كارتا فى المدونه
اخطفى ماوسك وروحى شوفيها
D:

معاذ عبد الكريم يقول...

السلام عليكم


مدونتك ممتازة و احنا فعلا رضيين عن الكلام الحلو اللي بيكتب فيها

و منتظرين المزيد

و ياريت الخطط تكون معلنا علشان نقارن الخطط بالمستهدف

ربنا يوفقك في النتيجة

غير معرف يقول...

انشاء الله بالنجاح وعاوزين مدونة اخوان ميه ميه وسلامى للدكتور عصام والاسرة

غير معرف يقول...

همسة قلم .. الله يسلمك يا حبيبتى .. الايميل وصل يا اوختشى واستفدنا منه .. جزاكى الله خيرا

ــــــــــ

فليعد للدين مجده .. مش اللاخوان بقو من الجيش خلاص وبقو يتحاكمو عسكريا ..عامةً جزاكم الله خيرا على المرور

ـــــــــــ

صاحب المضيفة .. الله يبارك فى حضرتك ويوصل السلام ان شاء الله

ــــــــــ
ولا بنخاف ... الحمدلله طلعنا منها على خير .. جزاكم الله خيرا على المرور

ـــــــــــ

امنية باشا .. الله يبارك فيكى .. يا بنتى اول يوم بيبقى زى اخر يوم المهم انك تكونى استفدتى .. حاضر هاودى ماوسى هناك :D

ــــــــــ

اخ معاذ ..جزاكم الله خيرا على هذا الاطراء .. وربنا ييسر فى حوار الخطط ده

ــــــــــ

غير معرف .. جزاكم الله خيرا .. وان شاء الله ربنا ييسر وتبقى مدونة ميه ميه

محمد جمعه يقول...

السلام عليكم
حمدلله على السلاهة
ويارب تقدرى تحددى هتعملى ايه فى الاجازه
وتغتنميها

walaa rizk يقول...

يااااااااااااااااه

الحمد لله انك خلصت يا حبيبتى

تصدقى والله كنت بدخل المدونه كتير وأقعد فيها شويه

عشان كنتى بتوحشتينى

الواحد ميعرفش حبك كده ليه يابنتى يلا دنيا؟؟؟


منتظرين منك المزيد

وادعيلى فضلى اخر ماده وربنا يستر بقى

وبورك على الموهوب

وربنا يكرمك ويعزك

آفاق الحرية يقول...

الف الف مبروك
وانا الحمد لله خلصت وعارف شعور حضرتك دلوقتي
ونفسي صحيح تحققي وعودك لينا
في انتظارها ان شاء الله

غير معرف يقول...

اختى الغالية
اسعد الله جميع ايامك بالخير
اتمنى لكى مزيد من التالق
ودعوة للتواصل
www.sitetop.jeeran.com
محمود نجم

amar hedar يقول...

كل سنه وحضرتك طيبة

وربنا يجعلها اجازة سعيده عليكي


ومبروك المولود الجديد

ربنا يحفظه يا رب

شهاب الأزهر يقول...

النرة دي التدوينة بجد والاّ مصيرها زي اللي قبلها واللي قبل اللي قبلها؟؟

:):)

غير معرف يقول...

اخ محمد .. وعليكم السلام .. الله يسلم حضرتك .. جزيت خيرا على الدعوة والمرورو

ــــــــ

عاشقة الاقصى .. يا اهلا يا اهلا .. ازيك يا بنتى .. احنا مش قد الكلام ده .. شوية شوية علينا :D

ــــــــ

افاق الحرية .. الله يبارك فى حضرتك .. الف مبروك على الاجازة ..وباذن الله هحاول احقق الوعود

ـــــــــ

اخ محمود نجم .. جزاكم الله خيرا على المرورو .. وباذن الله يحدث مزيد من التواصل

ــــــــــ

صاحب حق.. وحضرتك بخير وسعادة .. وجزاكم الله خيرا على المرور

ــــــــــ

اخ شهاب .. والله يا فندم احنا ممكن نفكر فى مصيرها .. بس كانت نيتنا اننا نخليها بس ممكن نرجع فى كلامنا :D

جزيت خيرا اخ شهاب على المرور

بنت أبيها يقول...

عودا حميدا وبالتوفيق ان شاء الله

أحمد سعيد علي الدين يقول...

ألف مبروك على انتهاء كابوس الامتحانات أنا برده لسه خارج منه

وعقبال النتيجة المشرفة إن شاء الله

كريم مصطفي سيد يقول...

اتمني الجديد والتألق

غير معرف يقول...

:D
ربنا يوفقك
و يستر
و يبارك لابراهيم :)

rtrcbh يقول...

لغتى هويتى.. الى كل عربى يتحدث بحرف الضاد، الى كل مسلم غيور على لغته وهويته الاسلامية ،الى كل من يريد العز والفخر لأمته وهويته الى من يبتغون النصرة ان شاء الله، الى من يسعون الى الصلاح والاصلاح ...ندعوكم جميعا اخوانى وأخواتى الافاضل الى المشاركة معنا فى هذه الحملة والتى شعارها (لغتى هويتى )وندعوا فيها الى أحياء اللغة العربية فى كل كتابتنا بجميع المدونات والمواقع والمنتديات وموقع الفيس بوك هذا الاسبوع بأسلوب سهل بسيط لا ندعوا الى أستخدام غريب الالفاظ أوالالفاظ الفخمه ولكن ندعواللبعد عن الالفاظ البذيئة والعامية المتدنيه ، لنثبت لانفسنا اننا أمة مسلمة عربية ، نثبت لانفسنا اننا نحب لغتنا ونعتز بها اكثر من اى لغة اخرى، هذا هو هدفنا.... يدك بيدنا ننشر الامر بكل المواقع والمنتديات والمدونات والايميلات- لله عز وجل فقط نفعلها ، لحفظ ماء وجوهنا أما أنفسنا نفعلها ، ليذكر فى التاريخ اننا ما زلنا عرب نفعلها ،لتأتى يوم القيامة امام الله وتقول يارب عملت على نشر لغة كتابك وإحياءها لا اندثارها ...هذه الحملة هى حملتك انت ليست ملك لاحد انت المسؤل عنها امام الله فأنظر ماذا ستفعل!!!!!!!!!! لمزيد من التفاصيل بمدونة (ادم ويحيى) www.sunlightatnight.blogspot.com التصميمات الخاصة بالحملة موجوده بالمدونة فلنرى الله من انفسنا خيرا ونتوكل على الله ونبدأ الان بسم الله ــــــــــــــــــــ

ربما لم تسمع عنى يوماً يقول...

الف مبروك
عقبال النتيجة

قلب أبيــض يقول...

بسم الله
السلام عليكم

مبارك على انتهاء الامتحانات
ومبارك على الاجازة

ونتظر الابدعات

وعقبال ما نبارك على النتيجة

:::::
قلب ابيض

اوعى تفكر يقول...

مبرووووووووووك
على نهاية الملحمه
ومستنيين الابداعات اللى شكلها مش هتتنفذ

Mai_Jeneen يقول...

بما انى وعدتكم بحاجات كتير وما نفذتهاش ... ستجدون الجديد على المدونة

مش عارفة ليه مش مرتاحة لتركيبة الجملة يا سمسمة ...

زي ما تكوني بتقولي ضيفوا دي على القايمة يعني ...

D :


ما علينا ....


ألف مبروك لأخوكي إبراهيم

بارك الله له في الموهوب و شكر الوهاب و رزق بره و بلغ أشده


و عقبالنا احنا كمان لما ناخد الاجازة !!!!


ده مش حسد .... ده حقد !!!!

Unknown يقول...

لولا الملامة كنت زغرطلك ياسمسمة
الف مبروك
بتحسيسيني ان احنا لسه عيال
وطالعين مالامتحانات نهتف ونفول
لا مذاكرة بعد اليوم
لعب الكرة اهم اهم
ولا ايه رايك
العلم نور
والنور من الكهربا
والكهربا خطر
لذلك-------------------------
ههههههههه
أمونة

غير معرف يقول...

ربنا معكى ومع والدك وجميع الاخوان المسلمين وينصرهم وانا متاكدة ان دة راى الشرفا فى مصر وانا اخت فاطمة سراج واسمى رانيا وانا معكم بقلبى وانا اقىم فى السعودىة واللة بدعلكوا من قلبي وصعبان على اللى بيحصلكوا

غير معرف يقول...

الف مليون مبروك يا ستى وعشان انتى خلصتى يبقى خدى بقى http://anawesa7by.blogspot.com/

غير معرف يقول...

بنت ابيها .. ربنا يكرمك ويجزيكى خير

ـــــــــ

نور الازهر .. الله يبارك فى حضرتك ومبروك لحضرتك

ـــــــــ

اخ كريم .. ان شاء الله ستجد الجديد

ـــــــــ

اخ بدالرحمن .. يارب .. الله يبارك فى حضرتك

ـــــــــ

د. ابو يحيى .. اسعدنا مروركم وان شاء الله نتفاعل مع حملتكم

ــــــــ
ربما لم تسمع عنى يوما .. اسعدنا مروركم والله يبارك فيكى

ـــــــــ

قلب ابيض .. الله يبارك فيكى

ــــــــــ

اوعى تفكر .. الله يبارك فيك يا فندم وان شاء الله نكون عند ظن حضراتكم :D

ـــــــــ

مى .. لو عايزة تضيفيها على القايمة ضيفها .. مش عايزة ازعلك :D

ـــــــــ

امونة .. هههههههههههه .. ماشى يا ست امنة ..ده انتى اكتر واحدة عارفة الى بيحصل عندنا فى الامتحانات

ـــــــــــ

رانيا .. يا اهلا يا اهلا .. نورتى المدونة والله وابقى سلميلى على فاطمة كتير .. وان شاء الله ربنا معانا جميعا

ـــــــــ

اخ احمد .. الله يبارك فى حضرتك

غير معرف يقول...

مبروك انتهائك من الامتحانات ..

بقي بس تلتفتي للمدونة هذي ..

تحياتي ..

mohammed alsha3r يقول...

عودا حميدا

وعقبال النتيجه

والف مبارك لأخونا

نـارا يقول...

كفااااارة ياسمسم ..

الصور طلعت ..!!

لسة موصلتكيش .؟..؟

حملة ساندوا يقول...

اخت اسماء
نرجو منك زيارة هذا الموضوع

نظرة عن قرب
http://sanedooo.blogspot.com/2008/06/blog-post_26.html

بنات افكارى يقول...

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟ هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كل فى مجاله وكل بفكرة أو نصيحة أو مساهمة فعلية

هل نثبت حبنا لرسول الله ؟؟

هلموا معا نجتمع ونتفاعل ونصلح من شأننا كله

حبا فى رسول الله

غير معرف يقول...

الناقد .. الله يبارك يك يا فندم .. ان شاء الله نعطيها من وقتى

ـــــــــ

اخ محمد الشاعر .. جزيت خيرا .. الله يبارك فى حضرتك

ـــــــــ
نارا .. منورة يا باشا .. فينك يا بنتى من ساعه مسبتك ولا عبرتينا ولو بتليفون حتى .. الصور وصلت يا فندم جزاكم الله خيرا .. هما دايما الاسكندرنية كده

معلومة على الهامش .. لو كل الاخوات زينا كانت الجماعه خربت :D

ـــــــــ

ساندو .. حاضر يا فندم ان شاء الله

ـــــــــ

بنات افكارى .. جزيتى خيرا على المرور

غير معرف يقول...
أزال أحد مشرفي المدونة هذا التعليق.
فزلوكة يقول...

إزيك يا سمسمة
ألف مبروك يا ستى على الأجازة

والوعود الكتير تتنفذ
عشان هبتدى أتابع
ودا متعب على فكرة
D:

سلميلى بقى على إللى عندك

غير معرف يقول...
أزال أحد مشرفي المدونة هذا التعليق.