الأربعاء، 12 نوفمبر، 2008

انت سوى ولا غير سوى ؟!!










اذا قال لك احد الاشخاص انك شخص غير سوى ..فاما ان تركله برجلك او تسُبه او تتركه وتقول سلاما ..
او تتهمه بانه هو الغير سوى

انا منذ ايام قليلة كنت سافعل ما قلته سابقا ..واضيف لك بعض "الزرزة بتاعتى :) " يعنى انا منحرفة يعنى !!

لا اعنى بانك غير سوى .. انك شخص مختل عقليا او منحرف اخلاقيا او هكذا ..
اعرف ان هذا تعريف للا سواء ..
ولكن اذا اتينا الى تعريف السواء فسنجده من الصعب جدااا بل من المستحيل ان تتجمع صفات السواء فى شخص واحد .. اى اننا جميعا غير اسوياء بالمعنى التام .. ويختلف السواء من بين شخص واخر
..

فالسواء هو ان تمتلك

1- ادراك فعال للواقع

2-تواصل فعال ومؤثر مع الواقع

3-القدرة على التعلم من الخبرة

4- تكامل واتساق الشخصية

5- وعى الشخص بمشاعره ودوافعه ( الاستبصار )

6- القدرة على التحكم الارادى فى سلوكك

7- تقبل وتقدير معقول للذات

8- القدرة على اقامة علاقات حميمة

9- تلقائية ملائمة وانفعالات مناسبة

10- القدرة على الوفاء بمطالب الجماعه مع الاحتفاظ بدرجة من التفرد

11- رغبات جسمية ملائمة غير مبالغ فيها مع القدرة على اشباعها بطريقة ملائمة

12-الانتاج الملائم بما يتناسب مع ذكاء الشخص

13- الشعور الملائم بالامان والشعور بالسعاده والرضا

..

حد فهم حاجة :D

نتيجة انى بدرس علم النفس .. وهذا الجزء مخصص من مادة تسمى الارشاد النفسى .. ( الارشاد وليس العلاج )

فالعلاج هو ما نقوم به لعلاج المتاخرين عقليا او الاعاقات الذهنية او ما الى ذلك..

لكن الارشاد هو ارشاد الاشخاص الاسوياء مثلى ومثلكم طبعا .. محدش يصدق ان هو مش سوى ..

ولكن معنى السواء يختلف من شخص لاخر

يعنى .. ان الانسان الذى ينقصه بعض من هذه لاصفات ( وهى صفات السواء ) فانه يبتعد نسبيا من السواء

ولا يوجد انسان سوى . اى لا يوجد شخص لديه كل هذ الصفات ..
وها ينطبق ان مفيش انسان كامل .. فالكمال لله وحده

والشخص السوى هو من ينطبق عليه اكثر هذة الصفات ..

وعموما الصحه النفسية والسواء هو شئ نسبى بيختلف من بيئة لاخرى ومن وقت لاخر

يعنى اوقات بنحس ان احنا فى قمة السعادة والرضا واوقات تانية بنحس بالتعاسة وعدم الرضا ..

واوقات نحس ان احنا فى قمة ذكائنا واوقات تانية بنحس ان احنا فى قمة غبائنا ( بتمر علينا كتير دى :D )

..

انا مش عايزة اطول لانى حاسة انى بدى محاضرة :D .. وحساكو زهقتو .. بس اهو قليل من المعرفه لا يضر :)

وعموما يا جماعه احنا مش فى محاضرة الى عايز يخرج من البلوج يتفضل :) .. بس ياريت يقفل الباب وراه


..

اكيد انطباع الكثير .. " صدق الى قال المجانين فى نعيم :D "
نلقاكم فى المحاضرة القادمة ان شاء الله
:)

هناك 29 تعليقًا:

همسة قلم يقول...

هو فيه ايه ؟؟؟؟

D:

حسن مدني يقول...

واضح إن المسألة كلها تقديرية، فمن الذي يقدر ما هو المعقول أو الملائم أو المناسب في كل عناصر الشخصية السوية التي ذكرتها؟

أحيانا أشعر أن علم النفس، نصفه كلام لا يمكن قياسه، ولا يمكن التأكد منه.

تحياتي

mohamed يقول...

عروستي

asmaa elerian يقول...

اسماء .. فية بامية .. تنفع ؟؟ :D


ــ

اخ حسن .. التقدير يا فندم بنستمده من لقياس على عينات كبيرة من مجتمع ماه وبعد ذلك توضع محكات ومعايير لكل مقياس

يمكن ان يكون من الصعب ان يكون المقياس دقيق بنسبة 100% ولكن كل الظواهر النفسية تقاس .. وتحول من الكيف الى الكم

شكرا لك

ـــ

اخ محمد .. هو للدرجة دى كلامى مش مفهوم ؟؟!! :(

شوكت يقول...

تدوينة رائعة اعجبتني

لذلك يشرفني " انا شوكت كاظم السلحدار"

انا أدعوكم لتشريفنا في مصطبة شوكت

http://shawkat85.blogspot.com/

Ahmed Al khashab يقول...

اتفق مع أستاذ حسن مدنى فى نقطة عدم واقعية بعض علوم النفس
و عامة التنمية البشرية و علم النفس علوم بشرية قد نقبل منها ما نراه قد يصح و نرفض ما هو غير مقبول
فتلك العلوم قابلة للرد
بل أن علوم الفيزياء و الكيمياء نفسها ترد و هى حقائق علمية
ألن نقبل أن ترد بعض الأجزاء فى علوم ناتجة عن أفكار فلسفية
------
أما عن أقول لأحد الأفراد أنه غير سوى ، فله الحق أن يفعل ما يفعل فالأقوال الصريحة و إبداء الرأى فى الناس بكل صراحة أكذوبة ليست من شيم القادة و الصفوة
بل أن من واجباتهم العلاج دون تجريح فى من حولهم
-----------
جديد مدونة خشاب
إخوان 2000 - الحلقة الأولى
http://khashab.blogspot.com/

مللت الصمت يقول...

انا طول عمري بقول عليكي هبله يا مؤة....

بس ما تخيلتش انك للدرجة دى

بجد صعبتي عليا

ابن الإخوان والأزهر يقول...

بسم الله الرحمن الرحيم

اسمحي لي أن أقول وجهة نظر

لايلزم لكون الشخص سويا أن يكون كاملا

فالشخص السوي هو الذي اجتمعت فيه عدة صفات جيدة تجعل منه شخصا مقبولا

فاذا ازداد عدد هذه الصفات صار شخصا متميزا بينما إذا قل عددها صار غير سوي

جاء في القرآن أمران : اتقوا الله حق تقاته ، اتقوا الله ما ستطعتم

وجمع البعض بينهما فقالوا : إذا اتقى الشخص الله على قدر استطاعته فقد اتقاه حق التقوى ، وإلا فمن يقدر على أن يتقي الله حق التقوى بمعناهها الظاهر

أحمد سعيد بسيوني يقول...

اية ده
فكرتني براوندات النفسية و العصبية اللي كنا بنحضرها العام الماضي
طبعا راوندات بس
لان احنا مش بتوع محاضرات

تحياتي

م/محمد يقول...

:)))

لالا تدوينة كويسة واللهِ

إيه الناس المحبِطة اللي بترد ده

ده كلام علمي جامد جداً، خاصةً موضوع الإستبصار دَه

أنا دلوقتي بس إتأكدت إن أنا مستبصر، ومستبصر أوي كمان

وعلى فكرة يا أستاذة أسماء

أنا خطيبتي كمان مستبصرة

أيوة والله

ماهو انا ماخُدش أي حد، ده كان عندي شرط أســـــــاسي

أخت متدينة وعلى خلق ومستببببصصصصصرة

الموضوع مش هزار يعني

وده كلام انصح بيه كل المستبصريين

عشان إن شاء الله في المستقبل نجيب ذرية صالحة قائدة مستبصرة تقتفي آثار عصور الإستبصار المجيدة،،،

:)

معلش بقى ده ضريبة العلم اليومين دول حضرتك

لكن بجد بقى الكلام مفيد

والناس اللي بتقول إنه كلام قد يكون غير قابل للقياس أو مردود

قد يكون ده صحيح

لكن عدم قابليته أو رَدُّه لازم يكون على أسس علمية برضه، مش على هوى أو عشان شكله مش عاجبنا

فعلم النفس كأي علم يقوم على أسس ويُدعم بتجارب تتبعها نظريات ولا يُرد إلا بنفس النهج

صح ولا إيه يا أستاذة :)

مللت الصمت يقول...

معلش يا ستي

asmaa elerian يقول...

اخ شوكت .. جزيتم خيرا .. ولنا زيارة قريبا ان شاء الله

..

اخ احمد .. انا لا ارفض كلام الاخ حسن .. ولكن هناك جهود علمية بحته لقياس الظواهر الانسانية .. بكل تاكيد لن تقدر على قياسها بنسبة 100% لانها لابسط لااشياء تتغير من حال لحال .. فانت كشخص واحد يمكن ان تختلف نسبة ذكائك من يوم الى اخر

اتفق معك فى عدم ابداء الراى للناس بكل صراحه .. وكما قلت من قبل ان الموضوع نسبى

جزيتم خيرا

..

مللت الصبت .. مش اهبل منك يا روحى :P

..

ابن الاخوان .. وجهه نظر سليمه ولا اعترض عليها

..

اخ احمد .. ربنا يعينكم يا فندم

asmaa يقول...

م/ محمد .. يا رافع معنويتنا :)

صح يا فندم .. وانتو تقولو حاجة غلط برضو .. )

دمت مستبصرا يا فندم :D

..

سمية .. انتى ضميرك انبك ولا ايه :D

غير معرف يقول...

ايه ده؟؟عرفتي منين؟؟

أحمد عبد القوي يقول...

دي البطيخة ... صح ؟

غير معرف يقول...

أعجبتني بشدة

لا حرمنا الله من علمك واستبصارك يا أسماء

آمنة

اسماء العريــان يقول...

غير معرف ... ؟؟

ــ

استاذ احمد .. الله اعلم .. جزيتم خيراعلى المرور

ــ

امنة .. يارب دايما يا ست امنه حاجاتنا تعجبك .. لا حرمنا الله منك يا حبى :))

meda909 يقول...

besar7a mesh fehamt 7aga 5ales akeed 3'aba men ala7'reen
:P
bs begad mafesh 7ad daymn sa7 wala daymn 3'alt

همسة قلم يقول...

بصراحة وحشتيني قلت اسلم لقيتك لسه ماسكة في سوي ولا لأ

طيب ينفع اكون الاتنين :D

دلوقتي بس عرفت سر التحليل النفسي اللى عملتهولي في التليفون وطلعتيني على اخر الزمن انطوائية

D:

امنية يقول...

همسة قلم
انتى كمان قالتلك انطوائية؟

أسماء انتى مش مذاكره إلا جزء الانطواء ولا ايه D:

شاب مصري مفروس يقول...

اخخخخخخخخخ

انتى صدمتيني

للأسف

احمدرامى يقول...

احمدرامى يقول...
لجان دعم فلسطين تدعوكم للمشاركة فى وقفة تضامنيةمع اطفال غزة 6مساءغداالثلاثاءامام نقابةالصحفيين (احضرومعك شمغة)

2:01 م

DR.HAMAS يقول...

أظن فينا بعض الخلل فى الصفات النفسية السوية اللى قلتيها

بتأثير المجتمع أو البيئة

و مش كارثة ان واحد لا تكتمل فيه كل المواصفات

لكن المشكلة ان الشخص لا يحاول ان يتحلى بكل الصفات

المحاولة مطلوبة

و ادراك النجاح امر متعلق بإرادة الله

لكن ان الشخص لا يصل للمثالية السوية المطلوبة أمر مريح للنفس

ده حقيقى

لأنى بشر و بالتأكيد ناقصنى كتير

و هذا النقص هو البشرية التى نحن فيها

طول ما عندى امور ليست سوية تماما

فانا الحمد لله لسة بشر

مقلبتش

ههههههه

و ربنا يصلحنا جميعا

و يجبر كسر قلوبنا





د.حماس

محمد شمس الدين يقول...
أزال المؤلف هذا التعليق.
محمد شمس الدين يقول...

إختيار للموضوع مُوفَّق

وكلام علمي مُوثَّق ،،،،

ورقةً زاهيةً في شجرٍ للمعرفة مُورَّق

،،،

كل سنة وحضرتك سوية :)

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

asmaa elerian يقول...

meda909 .. اكيد مفيش حد دايما صح ولا دايما غلط .. جزيتم خيرا :)

ــــ

اسماء باشا .. وانتى والله وحشتينى جداا .. معاكى انتى ينفع تكونى الاتنين .. بس انا برجح غير السوى :P

ــــ

امنية .. اركنى فى الناشف .. على راى اسماء :D

ــــ

شاب مصرى .. اسفين على الصدمة .. جزيتم خيرا

ــــ

اخ احمد رامى ... جزيتم خيرا واعانكم الله وسدد خطاكم

ــــ

د/ حماس .. عندك حق .. احنا فعلا بشر ومن المستحيل ان تكتمل فينا جميع صفات السواء .. ولكن نطمح الى الافضل دائما

ــــ

اخ محمد.. وحضرتك اسوى :) ..صح لغويا دى ولا ياه ؟؟ :D:D

ــــ

اخ الحسينى ..جزيت خيرا

غير معرف يقول...

أوافقك تماما أخت أسماء على تعريفك للسواء.. ولكن اسمحي لي أن أسألك: ماذا لو شاء أحدهم أن يسلبك كل تلك التعريفات، أو يجردك منها.. فكيف سيكون رد فعلك؟ وهل سيختلف رد الفعل حسب الشخص صاحب الفعل، أم أنك لن تفرقي ويتدافعين عن سوائك النفسي ضد أي من كان؟

تحياتي وأتمنى الإجابة منك أو من أي أخواني آخر.. أو من كلاكما.
مودتي
جمال

غير معرف يقول...

؟؟؟؟؟؟
يبدو لا توجد إجابة للسؤال، أو أنه خرج عن إطار المجاملات فأصبح لا داعي له.

دمتم
نفس الشخص اللي سأل