الجمعة، 6 أبريل، 2007

هاعيش واتحدى احزانى





السلام عليكم

طبعا كلكم تتسالون لما هذا التغيير .. ؟

 

انا كنت بفكر اعمل بلوج تانى خالص واكتب فيه .. فقلت بقى عشان التوفير وعشان منعانيش زى ما عنينا فى البلوج ده ومنوجهش المشكلات الى واجهناها .. قلت هستمر فى هذا البلوج

طيب بردو هتسالونى انتى ليه غيرتى الاسم .. بصراحه شديدة انا كنت عايزة اكتب حاجات كتيرة اوى عن ى انا وخواطر ليا انا .. ومش عايزاها  ترتبط بانى بنت العريان انا اينعم انا ساظل اسماء العريان بس على الاقل ابقى نفهمه الناس انى بنقل تفكيرى انا 

خاصه انى حسيت ان فى توقعات اكتر من كده .. وخاصه بعد ما فى صحفيه امريكيه بتكلم بابا وبتقوله .. شفت اولادك عملو مدونه

قالها عملوها من ورايا والله

فقلت الموضوع والله شكله كبير .. وشكل كلام الولد اخويا الكبير صح .. وان انا مش قدها

يا جماعه انا بعلنها اهو ان المدونه دى بتاعتى انا بتدل على شخصيتى انا بتدل على انى انسانه من الاخوان اينعم انا بنت العريان وافتخر انى بنت العريان .. بس هذا لا يعنى انى العريان ذات نفسه




انا من اهدافى الى كنت عامله بيها المدونه انى اظهر الجانب الانسانى فى عائله العريان .. احنا مش كل حياتنا اعتقالات ولا كل حياتنا سياسه ولا كل حياتنا مبارك

احنا ناس عاديه .. بتاكل بتشرب وبتتجوز وبتنام وبتعتقل بردو وبنكلم فى التليفون .. وبنضحك وبنهزر

انا كنت عايزة ابين ان عصام العريان .. اب .. وجد.. وعم ..وصديق ..وفلاح ..وزوج .. وسياسى

ان العائله لا يغلبها الطابع السياسى .. العائله ساعات كلنا بجتمع ونقعد وكل القاعده تبقى ضحك وهزار

يعنى انا مش من اهدافى ان المدونه دى تبقى سياسيه

انا لما بابا جه وقالى ان المدونه وصلت للصحافه الامريكيه .. قلتله اوبس احنا كده بنعلب فى العالى ..

فانا عايزة العب على قدى .. انا عامله البلوج ده عشان انا كل ما تجيلى فوكيرة او اخاطرة او كايه او موقف او اى حاجه حصلتلى ادخل اقولها

مش هاقعد ادخل واتكلم عن السياسه والنظام ومبارك ووووو

ده لا يمنع انكم ممكن تلاقو سياسه

بس مش هيبقى الغالب علينا السياسه



ثانيا حكايه انفصالى انا واختى فى المدونه .. بصراحه انا واختى شخصيات مختلفه وكل ما تعمل تعليق فى اى مدونه تانيه اقولها متنسيش سميه العريان فى الاخر .. فهى هتعمل مدونه تانيه وانا هافضل فى المدونه دى على امل ان الناس تتفهم ما قلته

لماذا هاعيش واتحدى احزانى .؟

فى البوست القادم ان شاء الله

ارجو تفهم كلامى انا ساظل كما انا اسماء العريان ستطرح عن نفسها وعن افكارها وعن ارائها وعن عائلتها من الجانب الانسانى

هناك 28 تعليقًا:

محمود سعيد يقول...

والله أحنا عارفين طبعاً كلامك ده

وعارفين كمان ومصدقين كل مخاوفك ديه

بس الناس متعرفش

فأنا شايف أن حلها سهل
انه يتكتب كده بوضوح فى كل صفحة
الصفحة ديه بتاعتى أنا


انا مثلاً سميت مدونتى ابن أخ
وعندى عقدة معاملة الاخوان وغيرهم ليا على إنى أبن أخ
طبعاً عقدتك أكبر من كده

بس بالنسبة لموضوع انفصالك عن اختك انا شايف أنه ملهوش لزوم

انتوا ممكن تعملوا 2 اكونت بيكتبوا فى المدونة
كل اكونت بالميل بتاع صاحبته
ويبقى توماتيكى توماتيكى فى التعليقات والكتابة معروف ديه مين وديه مين

ما هو انتوا بيجمعكوا حاجة متعرفيش تغيريها

انكم الاثنين بنات العريان

محمود سعيد يقول...

معلش نسيت
ممكن تبقوا تسألوا اللى ساعدتكم ازاى تفصلوا فى الكتابة

أو تضيفينى لو لكى فى الماسنجر
(مع أنى مبحبش أقول الكلام ده بس أعمل إيه أحب المساعدة)

القصاص للجميع يقول...

مبروك المدونة اللى استوليتى عليها يا أسماء(باهزر طبعا)بصراحة كلامك صح و انا معاكى اخوكى فعلا كان معاه حق و طالما وصل الموضوع لحد امريكا يبقى الطيب احسن..
جزاكم الله خيرا على تعليقك فى المدونة عندى و انت اللى جميلة والله...و بجد سعدت بالتعرف عليكى...دعواتك بقى و ربنا يكرمك و يعزك يا رب

مصراوي أوي يقول...

فعلا كدة احسن......علشان يبقي تعبير شخصي بعيد عن اسم وشخصية دكتور عصام اللي محدش قدها

omar مشروع بطل يقول...

كل اللى انتى قلتيه ده طبيعى وانا كنت متوقعه ..


متهيألى كده احسن وان شاء الله تكون مدونة متميزة

و هعيش و أتحدى أحزانى .. دايما ان شاء الله

وضاح يقول...

السلام عليكم

أختي أسماء .. قرارك صائب .. في فكرة تغيير الإسم

أما إنفصال الأخت سمية عنك فلها حل

ممكن تعملوا زي ما الأخ محمود سعيد قال

ربنا يعينك .. ويوفقك

أخوك محمد

همسة قلم يقول...

ممممممممممممم
والله ياسمسمة هو القرار حكيم وان كان يمكن كان لازم يكون من الاول مش بعد ما يصل لحد طنط أمريكا وصحافتها :)

لكن انا شايفة بجد بجد انه مافيش فرق بين انك تكتبي دلوقتي انك اسماء العريان كانسانة او اسماء العريان كبنت الدكور عصام العريان

لانى شايفة انه التدوين مش اساسه سياسة وبس

يعني اللى بيكتب في كلا الحالتين هو انتي مش بنت الجيران ولا اظن انك لما بدأتي التدوين كنت هاتكتبي باسم عمو عصام يعني برضه اخرك اسماء عصام العريان

صح ولا انتي غلطانة

:)

اسماء العـــــــريان يقول...

اخ محمود...حوار انفصالى انا واختى ده كان رغبتها هى مش المشكله مشكله تكنولجيه

ربنا يكرمك يا ايمى يارب ويعزك .. وعايزينك تنورينا تانى بس بمدونتطك بقى ومفيش مانع لو بمدونه خطيبك بردو

جزاكم الله خيرا اخ مصراوى على التعليق

جزاكم الله اخ عمر على التعليق

اخ وضاح .. جزاكم الله خيرا على الرد

بس حكايه اختى دى رغبتها هى واحنا عايزين لكل واحد مدونه بس ليس الا

بصى يا سمسم لامك جميل ... بس انا فعلا كنت عايزة اكتب حاجات كتي اوى وكنت بحس ان اسم العريان مانعنى مش عارفه ليه

انا كل الى عملته دلوقتى انى وضحت للناس انى بكتب عن نفسى انا مش عن حد تانى

وان لقيت نفس التعليقات بتاعه الناس ونفس المعامله يبقى اعمل بلوج تانى واريح دماغى

أنس الشامي يقول...

بعض الناس بتقول يا بخت أبناء قيادات

الإخوان عشان آبائهم مشهورين و ده

بيديلهم مركز و مكانة أفضل ...

و ما أنكرش إن دي فعلاً مكانة و أنا

شخصياً حاسس بكده ...

بس زي ما في إمتيازات كأبناء لقيادات

الإخوان ,,,

ففي إلتزامات و إلتزامات خطيرة ...

هلخصهم في تقطتين :

- الأولى : إن عين الناس كلها بتكون

عليهم زي أي حد مشهور فعشان كده ما

بياخدوش راحتهم نوعاً ما و لازم

يتحركوا بخظات محسوبة لأن أي غلطة تبقى

غلطةالأب القيادي ...

- التانية : إن الأبناء ممكن يوصلوا

لدرجة إنهم يكونوا مجبرين على الإلتزام

بحاجات هي في الاصل صح و هما مش ملتزمين

بيها قوي فممكن الرياء يخش هنا ...

أنا آسف إن كلامي متلخبط بس يا رب

أكون وضحت ...

و ألف مبروك على الخطوة دي و أتمنى دوام

الإستمرار و التقدم ...

صاحب الهوامش
http://www.algam3a.com/hawamesh

اسماء العـــــــريان يقول...

اخ انس كلامك فعلا صح .. بس حته الرياء دى جامده شويه

يعنى انا عن نفسى مبعملش حاجه غير لما بكون مقتنعه بيها .. سواء انا بنت العريان او مش بنت العريان

أنس الشامي يقول...

آسف إني ما عرفتش أوصل النقطة

التانية ...

أنا قصدي إن ممكن من عدم الإقتناع

بالشئ مع إنه صح يكون عمله عشان

المظهر و إن الناس تقول إن إبن

القيادي عمل و إبن القيادي ما عملش

و في حالة دي بيكون العمل اللي عمله

مش خالص لوجه الله عز و جل و ده اللي

لازم نتحاشاه و ندعي ربنا إنه يبعدنا

عنه ...

على فكرة أنا والله مش قصدي حاجة خالص

بس بحكي عن حاجات بتحصل لناس و أنا مش

إستثناء منهم !!!

صاحب الهوامش

http://www.algam3a.com/hawamesh

safa7_karmooz يقول...

ممممممممممممممممممممم

طويب

بالانتظار..:)

سوسكــا يقول...

طب انا مشغولة وعندي مشاريع وبلاوي عمارة وهندسة ارميلي الكلمة وامشي انا مش لسه شايفاكي يامضروبة عالماسينجر من يومين

مش اعرف بالصدفة وانا بادعبس انك استوليتي علي البلوج اليتيم بتاع العيلة
لازم اجي ازعق يعني ...


المهم انك رسيتي عالاسم ده في النهاية
بجد حلو

باقولك لو عايزين
واحد تعملوه يبقي بتاع العيلة بعد ما يبقي لكل واحد منفصل زي مثلا اللامعقوليزم بتاعي انا والبنات سهلة اوي
حابقي اقولك بس اول ما اشوفك اون لاين وساعتها حيبقي انجاز في حد ذاته سواء اني اشوفك اون لاين او اني فضيت اكلمك
(:

هو شايفة ان انفصالكم في بلوجين احسن
تعرفي كده مش عارف ليه استريحت يمكن لاني حسيت اني كاتكلم معاكي واقري واعلق عشان انتي اسماء صحبتي مش حاطة حاجز انها مدونتك انتي وسمية والعيلة كلها وكده
يعني

يووووووه عالرغي ... عامة مبروك مرة تانية ياقمر
ادعيلي افضي بس وانا اجي اشقر عليكي كل شوية

عاشقة الرحمن يقول...

مبرووك الانفضال يا جميل

يالا بقى عايزين نشوف ابداعاتك الادبيه والفنيه والتهريجيه

ومتنسيش تفكرى فى الموضوع المشترك الى عايزين نعمله سوا سوا انا وانتى وشروق

يالا كفايه عليكى كده

ومتنسيش تنورى مدونتى

هى اه مش اد المقام بس ان شاء الله تعجبك

عاشقة الرحمن يقول...

مبرووك الانفضال يا جميل

يالا بقى عايزين نشوف ابداعاتك الادبيه والفنيه والتهريجيه

ومتنسيش تفكرى فى الموضوع المشترك الى عايزين نعمله سوا سوا انا وانتى وشروق

يالا كفايه عليكى كده

ومتنسيش تنورى مدونتى

هى اه مش اد المقام بس ان شاء الله تعجبك

اسماء العـــــــريان يقول...

اخ انس .. انا فهمت حضرتك وربنا يكرمك على التوضيح والموضوع وما فيه انى فعلا مبعملش حاجه وانا مش مقتنعه بيها

اما حكايه ان كلام الناس وابن القيادى والكلام ده انا بعااااااااااانى منه كتييير

جزاكم الله خيرا على الرد

اسماء العـــــــريان يقول...

اخ safa7 حقيقه انا مش عارفه اكتب اسم حضرتك بالعربى

بس انا مشفتش راى حضرتك ... ياريت اعرفه

اسماء العـــــــريان يقول...

سوسكا باشا .. فضيتى وعديتى على مدونتنا المتواضعه ليه كده يا اهل اسكتدريه

اجدع ناس طبعا

منتظرة مرورك تانى بعد ما تخلصى المشروع بتاعك الى مش عايز يخلص ده

على فكرة انا ببقى اون لاينن كتير بس بكون عاملاه اوف الاين

عاشقه الرحمن .. سعدنا بمرورك الكريم ومش ناسيه الموضوع وان شاء الله هيبقى موضوع جامد جداااا

واحنا زورنا مدونتك بالفعل

أحلى ما في الدنيا يقول...

حبيتي أسماااء
ألف مبرووووووك
هي خطوه مهمه فعلا

...........
شدي حيلك بقه عشان ننزل موضوعنــــا بقه أسماء وشروق وعاشقة الرحمن
طبعا أنا حاطه اسمي في النص عشان طبعا انتوا بتحسسوني بالاحتواء دائما..
ألف مبرووووك

عاشقة الرحمن يقول...

ههههههههه

حلوه احتواء دى....انا احتويكى فكريا وعاطفيا واسماء عليها الباقى

بس برده مش هنقولها الى كنا بنتكلم فيه انهارده

بالنسبه للموضوع اياه انا بحذرك اوى هيقلب الراى العام علينا ومش بعيد الشباب يعملو ثوره عشان نتفصل من الاخوان

وانتى لسه يادوب مبقالكيش ترم مع الاخوات انا بحذرك من دلوقتى اهو عشان متدعيش عليا بعد كده

لو تحبى تنسحبى من دلوقتى

لو عليا انا وشروق فاحنا خلاص بقينا محروقين ومش فارقه معانا كتير خدنا الى عايزينه وزياده عليهم شويه تهزيق وكده كده هنتفصل عن قريب او بعيد بسبب اعمالنا المشاغبه

وربنا يستر علينا

ما تيجو يا جدعان نلغى الفكره وناخدها من اصلها ونكسب الناس بدل منخسرهم

على فكره انا بكتب وشروق جمبى واحنا الاتنين مهيسين جدااااا

فمحدش ياخد على كلامنا

وصباح التهييس

ههههههههههههههههههههه

اصرار أمل يقول...

أعتقد هكذا أفضل ........
فالدكتور العريان حوله هالة قد لاتستطيعين التعبير عنها ؛؛؛
وأنت انما تدونى لنفسك !
ومن المؤكد أن شخصيتك مختلفة عن شخصية سمية ؛ فانفصال كل منكما بمدونة سيثرى التدوين أكثر...
ننتظر تدوينات جديدة ......
تحياااااااااااتى لك ياغالية...

اسماء العـــــــريان يقول...

شروق باشا نورتى المدونه

وبعدين الموضوع بدات اقلق منه .. شكلنا هنتفصل من الاخوان والله

الواحد مبقلوش كتير بياخد اوامرة منهم

وبعدين يا مدام عاشقه الشهادة

استحاله الغى الفكرة دى خالص .. ده بوست هيكسر الدنيا

هيقلب الاخوان راسا على عقب

انا حاسه ان الاخوان هيفصلونا احنا التلاته مرة واحدة لو نزلناه

بس على مين .. ولا بيهمنا دول حتى لو فصلو بابا مش هتنازل عن الفكرة ابداااااااا

اصرار جزامى الله خيرا على المرور

أُكتب بالرصاص يقول...

الانفصال لا يفسد للود قضية

مازلت سعيد بهذه المدونة

ومازلت متشوقا لقراءة ما يدور بخواطر أل العريان


له كل تحياتي وإجلالي..


مع خالص تحياتي

اسماء العـــــــريان يقول...

اكتب بالرصاص .. جزيت خيرا على التعليق وعلى المرور الكريم

وان شاء الله نكون عند حسن ظن الجميع

safa7_karmooz يقول...

الاسم بالعربى بسيييط جدا...هوا : سفاح كرموز....:)


بالنسبة لرايى ...فانا اوجزتة وقلت بانتظار ...اننا نشوف افكارك ...واللى هتكتبيه ويعبر عنك وعن فكرك

خصوصا بعد ما انفصلتى عن اختك فى المدونة ....

وخصوصا لما قررتم تغيروا اتجاه المدونة ....

تحياتى

lobna يقول...

ربنا يبارك في عقلك و تفكيرك و يكرمك بالخير يا اسماء
:):)

nagi shatla يقول...

سيدتي العزيزة دعيني أتحدث عن السياسة أنا معارض لنظام الحكم نعم استبدادي و نعم ظالم و لكن مهلا فلست مأيدا لفكر الأخوان نعم مسلم و نعم مصري و حتي النخاع و مسلم و شديد الغيرة على ديني فبل بلدي ولكن فتلخبريني لماذا الأخوان ؟ أنا أراهم متاجرون بالدين فهم ليسوا مسلمين و الأخرون كافرون جميعنا مسلمون وجميعنا متقفين على أن الأسلام و تطبيقه هو حقا الحل و لكن ماذا لديك أنت كشخص لتقدم لى كي أقتنع بك ؟ و من أنت لتمثل الأسلام ؟ و من أعطاك هذا الأمتياز لتحكي عن لسانه نعم نرفض محاكمة المدنيين فى المحاكم العسكرية و لكن طريقة الحوار لابد أن تكون بها بعض الرقي و التحضر لا أن نرسم كاركتير يشوف صورة رئيس بلدنا حتي لو أختلفنا معه ولا أن نقول رغم أنف مبارك حتي لو أختلفنا معه فلتعيشي و للتحدي أحزانك و لكن أخبريني لماذا الأخوان هم الصواب ؟ أسمي ناجي شتله و ايملي themaster313@hotmail.com دعيني أسمع منك و لكي التحية و الأحترام دامت مصر لنا بسواعدنا و حبنا

غير معرف يقول...

كم كنت اسعد وانا التقى والدك فى الاسكندرية عندما يكون لدينا مؤتمر طبى وسعدت اكثر عندما وقعت فى يدى بعض الصور النادرة لوالدكى ارهنك انها لاتوجد فى بيت العريان نفسه
من اخيكى
ياسر حسن
مدونة النسر المصرى