الاثنين، 30 أبريل، 2007

دورة شباب الاحزاب _تعديل

السلام عليكم
حصل تعديل كده فى حكايه الدورة
انا كنت امبارح فى المركز
اول حاجه بتملى الاستمارة
وبعدين بيعملو معاك انترفيو
والبنت هناك قالتلى ميعاد التقديم .. اتقدم اسبوع كمان
يعنى الى عايز يلحق يروح يلحق
والدورة هتبقى فى اول 6
ولو فى امتحانات ... هتبقى فى دورة تانيه فى الصيف لكن هيكون عليها اقبال شديد
فنسبه القبول فى دى هتبقى افضل
كان فى استفسارات فى البوست الى انا عاملته .. ان لازم اكون منتمى لحزب ولا لا ؟
لا مش لازم ممكن تكون حركه او جماعه
زى كفايه او اخوان مسلمين
وبردو احتمال يكون فى ناس مش منتميه لاى الاحزاب .. بس انا مش متاكده بصراحه من النقطه دى
يالا بقى السلام عليكم ... واى حد عنده استفسارات ممكن يقولها ... او يتصل على الرقم الى موجود فى البوست الى فات http://banatelerian.blogspot.com/2007/04/blog-post_25.html
ده البوست لو حد حب يطلع عليه

هناك 9 تعليقات:

الفجرية يقول...

ازيك يا سمسمة

يا بنتى جالى الميل بتاع الدورة

ومن ساعتها الموضوع فى دماغى

وبكلم المركز كتير معندهمش تفاصيل عشان استاذة زهراء مسافرة

دلوقتى عندى سؤال واحد ياريت لو تعرفى اجابته

فهمت من كلامك ان عشان الامتحانات فى دورة هتكون فى الصيف

طيب دى كمان مقابلاتها الأيام دى ولا لأ

ثانيا امته أخر ميعاد ؟؟

سميه يقول...

الاستاذه زهره رجعت خلاص من السفر وهى اللى عملت معانا الانترفيو...



و التقديم زاد اسبوع كمان يعنى 29 +7 يعنى لحد يوم 6-5-2007


بس ماسألناش على التقديم للدوره التانيه هيكون امتى...

عمرو غريب يقول...

ربنا يوفقق

وضـّاح يقول...

الأخت أسماء

جزاك الله خيرا على هذه البيانات

واحد من الإخوان يقول...

جزاكم الله خيرا

وضـّاح يقول...

أستاذة أسماء

لكي عندي أمانة على المدونة

هنــا

الدكتور نورنا اليوم بجد

ربنا يكرمه وييسر له أمره

:)

الشهيد الحي يقول...

جزاك الله خيرا علي مجهودك وارجوا ان اري تعليقاتك ورايك في مدونتي انا بحبك يامصر http://www.iloveyouegypt.blogspot.com/

ياســــــــــر مدنـــــــــــــي يقول...

ليكي تاج عندي
وجزاكي الله خيرا

اسماء العـــــــريان يقول...

معلشى يا سمسم على التاخير بس والله عشان الامتحانات وكمان الكمبيوتر كان بايظ

بس اظن ان المقابله مش دلوقتى وقت مايحددو ميعاد الدورة التانيه تروحى تقابليهم

اخ وضاح هجاوب ان شاء الله على التاج بتاع حضرتك

اخ ياسر هجاوب برضو هحاوب على التاج بتاع حضرتك بس بعد الامتحانات

هنا .... انتى من اسكندريه؟؟؟