الأحد، 3 يونيو، 2007

انقد حتى اراك



انقد ... حتى اراك

اظن ان هذا هو شعار شباب الاخوان فى الوقت الحالى ... وهو النقد

نزلنا تدوينات كتير بتنقد فى بعض افعال الاخوان وفى الشعار و.....

لكن كل ما تم تناوله هو الهجوم علينا ... لاننا لم نتصرف بحكمه .... والموضوع اصبح هيصه واى شاب يدخل وينقد.. ولكن هل من حل لهذا النقد ؟


اخوانى .... اخواتى

انا لا اعترض على النقد نهائيا ... بل انا من مفضلى النقد .. لتصليح ما قد كان وتظبيط ما هو كائن وتوقع ما سيكون

انا اعتبر ان النقد ... ما هو الا تقدم وازدهار فى الفكر ... يثمر افكار ويطرح وجهات نظر جديدة ... يطور من الجماعه..وفى النهايه يختم بحلول

اعجبتنى كثيرا سلسله استاذ مجدى ( استعنا على الشقا بالله ) ... واعجبنى كثيرا بوست ( علموا انفسكم التمرد والدهشه ورمى الاحجار ) ... حقا انه نال اعجابى ... وانا الى حد كبير فهمت حضرتك يا استاذ مجدى .. ولكن للاسف الكثير فهم غلط ... الكثير فهمو يالا هيصه .. خناقه ... الكتير فهمو اننا نتمرد على الجماعه ... اننا نبوح بكل ما يضايقنا سواء ان كان صحيحا اولا ... سواء باسلوب جيد او لا .... سواء فاهمين الى بيقولوة ولا لا



انا بس حابه انى احكى قصتى فى دخولى للاخوات .... لاقر لكم انى لا اعترض على انقد

طبعا الكل اول لما شاف قصتى ... ايه ده هو انتى مكنتيش مع الاخوات ؟؟ ... نعم اخوانى انا لم اكن مع الاخوات ... ولكنى كنت مقتنعه بالاخوان فكرا .. ولكنى لست مع الاخوات عملا ...

ظللت هكذا حتى نهايه الثانويه العامه ( بالرغم من حضورى اسرة تربويه ) ... ولكنى لست مقتنعه بعمل الاخوات خاصه ...

دخلت الجامعه وبدات ارى الصورة كامله امام عينى ..ز رايت العمل ورايت المشاكل ورايت التناقضات ... وكنت انقد كثيرا على عملهم ....

ظللت التيرم الاول كاملا اكون فكرتى واقتناعى بالاخوات ... حتى وصلت فى نهايه نصف العام واقتنعت تماما بالفكرة .. وانضممت معهم

ولكن استوقفتنى كلمه قالها لى ابراهيم عند دخولى للاخوان فعليا ... قالى يا اسماء لو هاتخدى الباكت تاخديه بحلوة ومرة .....

قلتله انا هاخد الباكت بحلوة وان شاء الله هحلى مره ...

ومن ذاك الحين وانا عاهدت نفسى انى سادخل الاخوات ... لكى اقدم كل نقدى .. واسعى كل السعى لكى يحسنوة ويرو الحل لسليم ...وتصبح الاخوات منظومه اكثر قوى واكثر ترابطا واكثر وعيا

فى نهايه القصه اظن ان كل الناس اصابتها حاله من الدهشه والزبهلال .. بسبب انى لم اكن من الاخوات

وكيف ابنه القيادى عصام العريان لم تكن مع الاخوات .....

وانا اجيبكم وبكل فخر واعتزاز .. ان هذة النقطه تعتبر نقطه فى مصلحتى ..

ا
ولا: لانى لم ادخل الاخوان وراثه والسلام .. لا لانى اقتنعت بالفكرة .. ويكفى اننى اقتنعت اذا اننى يمكن ان اضحى من اجلها بحياتى

ثانيا : هذا يدل على وجود الجو الديموقراطى فى البيت ... اى ان ابى لم يجبرنى على دخول الاخوان ..


هناك نوعين اخوانى واخواتى من النقد

1- نقد بناء
2- نقد هدام


ارى ان الكثير من شباب الاخوان يتبعو النقد الهدام ... لا ارى انهم يقدمون حلولا او نماذج لنقتدى بها فى حلها ... او انه سعى للتكلم مع احد القادة ليستفهم عن نقدة

ارى ان الحل اخوانى تتلخص فى الاتى

1- ان الشخص الذى ينقد .. يذكر اولا ان دى وجهه نظرة وتحتمل الصواب او الخطا
2- ان الشخص ده يكون قدام نفسه اهل ان هو ينقد ( اى انه ليس به ما ينقد ) فيمكن للشخص النقد بظاهرة معينه وهذة الظاهرة به
3- الشخص الناقد يقدم حلولا او يسعى للحصول على حلول .. او الاقتداء بنماذج
4- ننقد ما نعيش فيه بمعنى اننا لسنا على درايه كامله بهيكل الاخوان .. ولسنا على اتصال وثيق بالقادة لنعرف ماهو تفكيرهم وما هى وجهات نظرهم

فى النهايه اقول انى اكتب هذا البوست لكى اقول انىلا اعترض على النقد...

لكى اخبر شباب الاخوان والاعلام اننا لا نعترض على النقد ... ولن نتوقف عن النقد الذاتى ولكن ارجو اتباع ملاحظاتى ... واذا وجد اضافه ارجو ان تكتبوها فى تعليقاتكم

نحن ننقد .. لنحقق الاصلاح ... لنثمر ونطور الجماعه ... لان النقد والمناقشه يثمر افكار .. ويطرح وجهات نظر

نحن ننقد ... لكى نوسع مداركنا ... لكى نحسن من ذواتنا

نحن لا ننقد ... لمجرد النقد ...نحن لا ننقد لكى نظهر

انا انقد لانى ارى ان من وجهه نظرى ان هذا الامر خطا ... ومن يتعارض معى يدخلنى فة نقاش ويقنعنى
انا انقد .. لاحقق المصالح
انا انقد .. لانى صاحبه فكر وراى واريد الاصلاح



نحن لن نتوقف عن النقد ..ز انتظرو بوستى القادم ... وفيه بعض من نقدى عن الاخوات




هناك 54 تعليقًا:

Rodrigo يقول...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Rodrigo يقول...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

هيثم أبوخليل يقول...

أختي الفاضله .... أسماءالعريان ... أنا متابع جيد لمدونتك ... وقد أخبرت الدكتور الحبيب عصام بذلك عندما كان في الأسكندريه هو والوالده منذ عدة أسابيع .... تحياتي لنقدك البناء ....ولمدونتك الشيقه ورداً علي سؤالك ...طبعاً فيه أمل ...والثقه بالله أقوي أمل ... وتشرفت بزيارتك مدونتي متر الوطن بكام ...؟؟؟
هيثم أبوخليل

شكسبير يقول...

طبعا امنياتى مثل امنياتكم بس خلينى اقول هل اذا مكن للاخوان انهم يحكموا هتبقى فى الحرية المنشودة ...منهجهم بيقوا اةةةة لكن طريقة تنفيذ كثير منهم بتقول لا للاسف او على الاقل تخوف لانة اذا كان لا يملك سلطة الان ومستضعف وينسى احيانا ويتعامل بطريقة فيها شوية كبت ذى يعنى متربى من ايام عبد الناصر فما بالكم اذا بقى ....؟؟ نعم هم امناء ولكن مسألة ان واحد اتربى على الكبت اذاى ممكن يسمح بالحرية بكل معانيها ..مش عارف وقلقلان !!!! ويحضرنى نموزج السادات هنا فقد بدأها حرية و احزاب وديمقراطية ودولة علم وايمان فلما صادمت افكارة ظهر ما تربى علية وظهرت البدلة العسكرية والدماغ العسكرى فبدأها بقولة ان الديمقراطية لها انياب ونهاها بأعتقال 1536 معتقل .....مش عارف اية رأيكم ...سمعونا صوتكم والصلاة على النبى .....واوعى تضرب

شكسبير يقول...

اضيف ايضا اليس هكذا نحن شباب الاخوان ندق ناقوص الخطر لمن يسدون اذنهم عن سماعنا اذا فالينتبهوااااااااااااااااا
وليعلموا ان بعض الحبال دابت وبعضها قطع
فليأخذوا حذرهم بدلا من وضع الرأس فى الرمال وليعلموا ان طاقة الحب فى الله تحتاج ان تنمى وتشحن من جديد
واوعى تضرب

shab masry يقول...

ممم والله انا لي اعتراض على طريقة طرح الموضوع الذي طرحه مجدي اصلاً

انا اسف بس الي بينقدوا قصروا النقد على جزء معين وهو السياسي.. وازاى ننفتح ووو.. بينما لم نر احد مثلاً ينتقد المنهج التربوي.. الذي هو في تراجع كبير.. والتربية الان في رايي تسوء من اسوا الى اسوا.. وممكن نعمل مقارنة بسطية بين تربية جيلنا مثلاً وتربية الجيل الي قبلنا والجيل الذي قبله...

عندما نشعر ان العملية تحولت بشكل شبه اساسي الى سياسة فهذا في غاية الخطا.. الاخوان ليسوا حزب سياسي.. انما السياسة تشكل جزء من منظومة وفهم متكامل

ميزة الاخوان الاساسية عن الجماعات الاسلامية الاخرى في التربية.. وعندما نرى التحول بشكل كبير جداً تجاه السياسة وتقليل الاهتمام بالتربية فهذا خطر..

النقد البناء ليس مجرد كلام يقوله شخص والباقي يؤيده.. النقد البناء لابد ان يشمل كل شئ... واولها التربية.. اما ان نقصر النقد على السياسة ونتلكم باخطاء شرعية اصلاً في كلامنا .. بحيث نعتمد على فكرنا دون وجود اصل شرعي لما نقول مثلما نجد في اغلب من ينقدون فهذه مشكلة

في رايي الذي يتلكم في النقد لابد ان يكون كلامه مبنياً على اساس شرعي ومن هذا المنطلق وليس ينقد وكان الاخوان حزب سياسي.. الاخوان اكبر من هذا بكثير

الاخ محمود المنوفي كتب مقالاً رائعاً عن هذا في بوست له

http://m-elmenofy.blogspot.com/2007/05/blog-post_31.html

غير معرف يقول...

من هانى مصطفى( أبو دم تقيل )(السلام عليكم) تحياتى إلى أختى الفاضلة أسماء , بالنسبة لرأيك فى مسألة النقد البناء والنقد الهدام ... أنا متفق معاكى جدا ً ولكن , لاتتفائلى كثيراً ( ده باعتبار إنى غلس وبسد النفس ) , فمشاكل الانفتاح الحقيقية وما يترتب عليها من حالة فلتان نقدى غير محسوبة -لم تبدأ بعد- ... وهذا لأسباب عديدة أبسطها كم واحد ممكن ينقد فى قيادات الاخوان وسياساتهم وبرامجهم وقراراتهم وبمنتهى الصلف؟؟ ... واللى يغيظك انه يطلع فى الآخر شاب مغمور وآخره إنه بيلعب معاهم كورة فى اليوم الرياضى وفاكر نفسه أحد منظرى الجماعة , الشخص الرخم ده اللى ممكن يكون أنا مثلا يطلع فى المدونات كل يوم يقذف بتساؤلات سخيفة عن الجماعة وسياساتها واستراجيتها الاعلامية والدعوية والتربوية والتنظيمية وطرق ادارة لجانها وكيفية توظيف الكفاءات ومستوى التدريب الفنى والادارى لأبنائها , يعنى مثلا ً باعتبار ان جماعة الاخوان جماعة على درجة عالية من التنظيم ممكن أسالك عن التوصيف الوظيفى لعملك داخل المنظومة ؟؟ انا عار ف إنى دايقتك كثيرا بس والله مش قصدى ومش عايز استدر عطفك بإنى اثبتلك مدى ولائى وحبى للجماعة بالعكس اعتبرينى شخص بايخ وكل يوم سوف أزعجك بسؤال بايخ ولكنه للأسف سيمس حقائق مؤلمة لابد لها من تغيير, وعارف إنك قلقة من الآخر المتحفز لكل غلطة يمسكها علينا , ولكن ما باليد حيلة لابد من النقد من أجل التطوير وهيظهر ألف ألف واحد يشتم وينقض وينقد واللى يسخر و.. طب هنعمل ايه؟؟ نيأس ونقفل المدونات وتفشل التجربة ؟؟ أم نبحث فعلاً عن اجابات من مصادرها لنتأكد من حقيقة واقع الجماعة ثم نسارع بتحسين هذا الواقع وتطويره وأنا متأكد مليون فى المية إن أحد من قيادات الاخوان لن يُخفى عنا شيئا ً ولكن الحقيقة إن المشكلة فينا احنا, لا نسأل ثم نُصدم بأطنان من الأسئلة المحرجة عن الجماعة ولا نجد لها إجابة, فى عصر الانفتاح القادم لا يجوز أن يُسأل واحد من الإخوان عن رسالة الجماعة ورؤيتها يرد عليه ويقول له بخصوص الرسالة اقرأ رسائل الإمام حسن البنا والرؤية ستتضح لك من موقع إسلام أون لاين أنا متأكد إن ده ميرضيش أختى أسماء طبعاً أنا آسف جداً على الإطالة وسلامى فى النهاية لأخى فى الله إبراهيم والله واحشنى جداً .

يلا مش مهم يقول...

الاخت الفاضلة اسماء
جزاكم الله خيرا علي الخدمة الجليلة التي قمت بها تجاه الاخوان ببوحك الشخصي عن كيفية ارتباطك بالاخوان وانك لم ترتبطي بهم بناء علي اصولك الاخوانية وصدقيني لو قعدنا نكتب الاف المقالات والتدوينات عن تقبل الاخوان للراي الاخر او جو الحرية الذي يوجد عندنا لن يساوي حرف في قصة واقعية كالتي كتبتيها الان
فجزاكم الله خيرا وجزا الله خيرا بيتكم
اما بالنسبة للنقد الذاتي فارجوا ان اشير الي امر لم اكن احب الخوض فيه ولكنني اظن انه من المهم ان نطرحه
للاسف هناك ظاهرة الان تسمي باخوان الانترنت وهذا المصطلح سمعته من احد الاصدقاء واخوان الانترنت هؤلاء لا توجد لديهم صلة بالتنظيم ولم يعيشوا بداخله وانا لا اتهمهم بشئ واعتقد ان الاخوان تنظيم وفكرة ومجتمع ومن حق الناس كلها ان تنتمي الي اي دائرة من هؤلاء ولكن هؤلاء الافاضل يقومون بالاساءة الي باقي المدونين والي تجربة النقد الذاتي لانهم لا تتوافر لديهم كافة المعلومات وللاسف لم يلمسوا جوانب المور كلها ولم يحيطوا بتفاصيل الوضع كاملا وايضا متأثرين جدا بانماط العمل واليات الاعتراض حتي المفردات المستخدمة من اتجاهات اخري وهنا اريد ان اوضح شئ اذا كنا سننفتح علي الاخرين فيجب ان نحافظ علي هويتنا وان نتشبث بجذورنا وان ناخذ منهم ما يتوافق مع اطارنا العام ولكن ان ننسلخ من اخلاقنا وسمتنا فهذا ليس انفتاح وانما هو تميع
وللاسف هؤلاء الافاضل يتسببون في الاساءة الي التجربة وتشويهها واعطاء الفرصة للمتربصين بنا وللاسف هؤلاء قاموا بتصدير انفسهم علي انهم متحدثين باسم مدوني الاخوان ولا ادري من اعطاهم هذا الحق
الاخوة الافاضل
التدوين تجربة شخصية وليس تجمع تنظيمي ومن يتكلم ارجوا ان يتكلم باسمه وليس باسم الاخرين ومن يريد ان ينفتح فلينفتح ولكن نرجوا ان يحافظ علي هويته وايضا يجب ان يتاكد من نيته وهدفه والياته المستخدمة
وايضا نرجوا من القراء عدم التعميم في الحكم لانه اول مدارج الخطأ كما قالوا منذ عقود فاذا كان هناك من يتحرك بدون وعي فهناك من يعي افعاله تماما وان كان هناك من ياخذ من الاخر بدون تدقيق فهناك من ياخذ طبقا لمعايير واصول
واخيرا
انا مستبشر خير من الحراك الدائر الان واعتقد ان ما يحدث الان هو ارهاصات تطور وحراك وتفاعل ادعوا الله ان يديمه ويحفظه
وجزاكم الله خيرا
ويللا مش مهم

غير معرف يقول...

الاخت اسماء
التدوينه مهمه وخصوصا ان عالم الاخوات فيه مشاكل كتيره وهو علم مش معروف حتى للاخوان نفسهم فما بالك باللى مش من الاخوان
بس انا ليا وجه نظر ان انت تذكرى مجمل التجارب بمعنى ذكر السلبى والايجابى اللى فى الاخوان حتى لا يظهر الامر وكاننا نهدم وليس ننقد مهم ذكر جوانب الاخوان كلها زى ماقال ابراهيم خدى الباكت على بعضها

إخوانية مصرية يقول...

أختي الغالية
حقا كثيرا ماتمنيت ان اتعرف عليكي وعن قريب ان شاء الله سيكون ذلك
هذه التدوينة حقا رائعة
واكثر مافيها رائع هي قصة دخولك الجماعة .. لانها تشبه قصتي بس انا سبقت ..كنت انتقد واناقش والدي وكل شيء واجلس مع جدي ومعلمي استاذ فؤاد واناقشه واحواره
والكل كان يسمع في اذن صاغية
مش هقولك ان مكنش حد بيتكلم
لا كنت بسمعها باذني
ازاي انتي بنت الاستاذ احمد وجدك الحاج طلعت والحاج فؤاد ... هما اي نعم ليسوا جدين مباشرة ولكن نشاتي وكانت بينهم وتربيت علي ان هذا وهذا جدي .... ازاي بقي كده وانتي مش بشتغلي معانا
كنت اتقبلها بصدر رحم .. وكنت اقول لنفسي حينما يحين الوقت
في نهاية المرحلة الثانوية جاء قراري وجلست مع والدي احاوره
قالي جماعة اخوان دول بشر والبشر يخطئون بس الشخص الناجح هو من يتعلم من اخطائه
والانجح هوة من يصحح الاخطاء بدون اساءة والنقد الهادم لايفيد بشي بل انه يهبط العزيمة
وضعت هذه القواعد نصب عيني وحتي الان احمد الله عزوجل ان يثبتني عليها اكثر واكثر

لن اقول انني لا انتقد ولكن كيف نننتقد ؟ وهل نقدنا هذا سيبيني ام سيهدم ؟
بل كما قلتي ياغالية انا انتقد للوصول الي الافضل
انا انقد من اجل الاصلاح والتغير

وارجوا ان تصل رسالة للجميع لانها فعلا جاءت في وقتها
يجب علينا جميعا ان نحدد اهدافنا ونري كلماتنا الي اين ذاهبة
وليعلم كل منا ان هناك كلمة تدخل صاحبها الفردوس الاعلي
وكلمة تدخل صاحبها قعر جهنم اللهم عافانا
جزاكي الله خيرا ياغالية علي مدنتك الرائعة هذه
واعاننا المولي جميعا وثبتنا

عبد الجواد يقول...

الاخت الفاضلة اسماء
تحياتي لك
اسمحي لي اولا ان احي اخي الحبيب مجدي سعد
ايه ده يا صاحبي
والله العظيم انا حاسس انك موش انت
الله ينور عليك
كلامك صح مية المية
انا معاك فعلا الظاهرة اللي انت اتكلمت عليها موجودة وانا حاسس بيها
ورأي الشخصي ان هذه الظاهرة لا تمنعنا من الاستمرار في الحراك الموجود الان
وذلك تحت كل المعايير والضوابط التي ذكرتها
واهم شيئ في هذا الموضوع الملحوظات التي ذكرتها الاخت اسماء
واسمحو لي ان ابدى رأي في نقطة ما
بالنسبة للنقد من المهم جدا ان يلم الناقد بحيثييات الموضوع
مثلا اذا كنا بصدد نقد موقف ما او قضية ما فعلينا ان نلم بكل جوانب الموضوع من حيث طبيعته وطبيعة متخذ القرار وحيثياته ومبرراته
ومراعاة كل الاطراف المعنية بالقرار
************
اما ما يقال الان من بعض الاخوة الافاضل
من وجود كبت داخل الجماعة وديكتاتورية
انا لا اعرف هل هذه تجارب حقيقية واقعية وهل هذه التجارب استثناء وهل من الصحيح اعتبار هذه التجارب ظاهرة عامة
انا شخصيا ان كنت قد تعرضت لمثل هذه التجارب فقد اقتصرت بالفعل ودون اي مجاملة علي اشخاص معينين وانا اعتبرت الامر مجرد تجربة شخصية مع واحد من الاخوان
اما اذا اعتبرنا الامر ظاهرة متفشية داخل الجماعة واعتبرناها نهج للجماعة وسلوك في ادارتها
فاظن ان هذا من الظلم في الحكم علي الامور
***************
في النهاية اعتذر عن الاطالة ولكن اذا اردت ان الخص وجهه نظري
انا مع ان نناقش اي امر داخل الجماعة سواء تم ذلك النقاش علنيا او داخل كيانات الجماعة لا يهم
ولكن من المهم ان يتم ذلك في اطار وجو حضاري وهو ما لمسته بصراحة في البوست الاخير لمجدي سعد
وختاما من المهم ان يعلم الجميع اننا اخوان وسنظل اخوان فهي جماعتنا دخلناها وبايعنا علي منهجها برضانا وسنظل علي هذا النهج ما حيينا
جزاكم الله خيرا
وتقبل الله منا ومنكم

عاشقة الرحمن...سميه العريان يقول...

موضوع جميل يا اسماء

وانا اتفق مع الاستاذ مجدى فى كل كلمه قالها

وبجد يا ريت يبقى فيه معايير للنقد عشان الدنيا متبقاش سداح مداح

أحمد محمد مرسي يقول...

السلام عليكم
الموضوع جديد في طريقة الطرح من حيث:1-ضرب مثال من الواقع2-الكلام من اكتر من وجهة نظر =البناء و الهدام3-التمرس العملي للحرية عند الاخوان
انا موضوع التحاقي بالاخوان كان تقريبا نفس الطريق
بمعني انا دخلت الاخوان بعد اعتقالي سنة 2000
و ساعتها قعدت مع كبار الاخوان و اتكلمنا عن الاخوان واتعلمت ساعتها حاجة مهمة جدا
اني الحكم علي الموضوع لازم يكون علي المنهج مش ممارسات و لا تصرفات افراد
بمعني اخر اللي عاوز يحكم علي الاخوان مثلا يحكم علي كتاب الرسائل اللي هو الدستور الحركي او اللي عاوز يحكم علي الشيوعيين يحكم علي افكار ماركس و لينيين....وهكذا
انا عاجبني فعلا ضرب المثل علي النفس
انا عاجبني فعلا اني ما فيش خلاف هي توجيه للاصح من وجهة نظر الناقد

واللي لازم نؤمن بيه اني عدم قدرتي علي اقناع من هم امامي بفكرتي يعني ان العيب في فكرتي مش في الغير مقتنعين

ليا تحفظ صغير ايه هي الافادة من طرح تحفظات فرد في مؤسسة عن مؤسسته للطرح العام؟؟
القياس ب المفاسد و المصالح؟؟
و انا اسف للاطالة
جزاكم الله خيرا

امام الجيل يقول...

جميل جدا حكاية ان الواحد ميكنش اخ بالوراثة فعلا عشان يعرف يضحى من اجل فكرته بس اللى عجبنى اوى واللى انا فعلا بعمله ومصمم عليه لغاية ما الاخوة فهمونى غلط كتير جدا انى اخد الصح واعمله بس الغلط احاول اصلحه واتكلم واتناقش وانقد لغاية ما يتصلح اكلم الكبير والصغير واى حد عشان نصلحه لاننا عبيد لله مش للاخوان يعنى اذا فيه حاجة فى الاخوان مخالفة للشرع فنحن ابعد ما يكون عنها جزاكى الله خيرا

عمرو عزت يقول...

" نقبل بحلوه و نغير مره "

أحييكي بشدة علي هذا الموقف النقدي, الذي يرد فيما أري علي بعض ما طرحت من " انتقادات " لبعض أنماط النقد

فتغيير " المر " لن يكون إلا بالانتقاد و البدء في النقاش ليكون خطوة أولي لتغيير ما يراه الأمر غير صحيح .
1 - كون رأي المرء هو وجهة نظر شخصية تحتمل الصواب و الخطأ هو مفهوم ابتداء و بديهي , بداية من اجتهادات القياديين في أمور تهم الجماعة , و انتهاء طبعا , و بشكل أوضح في مدونة ذات طابع شخصي
2- كون الناقد أهلا أو غير أهل هو أمر نسبي للغاية و لا توجد معايير يمكن التحاكم إليها , في رأيي هو حق لكل إنسان
ربما نختلف في تقييمنا لقادة التيارات السياسية و الدينية , فأري أن شخصا شهيرا و بارزا هو بلاقيمة ,حقيقية و ترين العكس و هكذا
كون الناقد هو أهل في عيني نفسه , فكل إنسان يري في نفسه - علي الأقل - أهلية لتوجيه تساؤلات نقدية او استفسارية او استهجانية لما يراه خاطئا و لو لم يكن لديه القدرة علي ابداع حلول بديلة
3- ليس بالضرورة أن أجد حلا بديلا لكي أبدأ في نقد ممارسة أو فكرة , فربما يأتي النقاش المترتب علي النقد بجديد
4- أتفق معك في ضرورة نقد ما يسمنا بشكل شخصي و يومي أولا , و لكن أري من الضروري أيضا أن يناقش أفراد جماعة سياسية ما يتخذ باسمهم من خطوات و ممارسات و ما يعلن من أفكار
و لو كانت هذه الجماعة فعلا تعبير كبير عن أفرادها جميعا , و ليس عن قادتها فقط , فأعتقد أنه من الضروري أن يجد رأيهم صدي و اهتمام

في رأيي أن جزء من الجدل الدائر حول المدونات الاخوانية يعكس مشكلات مراوحة الجماعة بين العلنية و السرية
و كون المعتاد ان تصدر الجماعة للخارج الدعوة و الدعاية , و اعتادت ان تحتفظ داخلها بالمسائل و المشكلات التنظيمية و الفكرية
الآن الأمر يتجه لطرح معظم الأمر علي الملأ , و هذا يسعدني كثيرا و يشوقني لتلمس أخبار جماعة توقفت علي تخومها و ابتعدت من فترة طويلة لاسباب كثيرة.
و لكن يسعدني اكثر ان أجد و عيا بالفردية و احترام اختيار الفرد , مثل الذي تمثل في ما رويته عن قصتك مع الأخوات
تحياتي

ياسر مدني ...دينامو الإخوان يقول...

الأخت الفاضله ربنا يعزك ويجعل نقدك للنقد نقد بناء ..بس أنا مش متفق معاكي لان موضوع الأستاذ مجدي مفهوم وواضح واللي عمل نفسه مفهمهوش يبقي يعني هو اللي نقده مش بناء وعلي العموم احنا ممكن نقول نتقي الشبهات ولا ايه رأيك ؟؟؟

علاء يقول...

النقد هو ظاهرة ممتازة و صحية
تدل على مدى فعالية الشخص
أنا انقد كثيراً جدا بالرغم من ان البعض يعتقدني من المدافعين عن اراء القادة و انها لا اعادة للنظر فيها
و لكن هناك كماقلتي نقد بناء و نقد هادم
النقد العلني لاساليب و قيادات الجماعة هو نوع من الفضيحة الذاتية
و ليس النقد الذاتي
هذا هو فهمي لمعنى النقد
صوتك تريد أن توصله , اذن تبحث عن من يستمع
لا ان تثير ضجة على النت
فلن يستمع أحد
و ربنا تتسبب في مشاكل اعلامية و غيرها لاخوانك
و ربما يكون هدفك مجرد فرقعة لاشهار نفسك و تضيع نيتك هباءاً
ندعو الله ان يجعلنا من المخلصين

كلماتك ممتازة و تحليلك قيم
و انتظر نقدك للاخوات
هل ستتحدثين عن مدوناتهم ؟
هل ستتحدثين عن مدى تفاهة بعض المدونات و احتواءها على مخالفات كثيرة و افتقارها للطابع الاسلامي ؟

جزاكي الله كل خير
و ربنا يتقبل من و يباركلك و يثبتك
قولي آمين

واحدة بتحب البلد دي يقول...

كانت علي طرف كيبوردي

عارفة يا اسماء انا كنت مقررة ان امشي المدونة بتاعتي خط انساني

لكن تجارب النقد الاخيرة اثارتني وكنت ناوية اكتب عالموضوع ده

كنت حاخده من المنظور اللي ذكره الاستاذ مجدي سعد
اخوان الانترنت
انا شايفة انها ظاهرة تستحق الوقوف عندها
الكثير ممن يكتب علي الانترنت باعتباره من الاخوان.. يتحدثون عن الاخوان مما راوه فقط ..دون ان تكون لهم صلة فعلية بالتنظيم ...وبالتالي الصورة عندهم ليست مكتملة...
وبالتالي عند معالجتهم لقضية مثل قضايا النقد الداخلي اعتقد الصورة الغير مكتملة تجعل الامر يخرج في النهاية بصورة غير مرضية
يعني تجربة الاخ مجدي سعد اراها اكثر من رائعة وكان من الممكن ان تخرج بفوائد حقيقية لو اديرت بالصورة اللي تخيلها صاحبها
لكن التعليقات زي ما شفنا خرجت عن الاطار وانا اتخيل لو المعلقين فهموا الصورة كما تمناها صاحبها لما حدث ما حدث
الملفت في النظر ان اللي حصل في التعليقات هو اكبر دليل علي حاجتنا لنقد داخلي وللتغيير لانه كشف عن نقطة مهمة ...استيعابنا للاخر ولفكرة الاخر ..والاخر ده مش شرط يبقي غير الاخوان لكنه الاخر الي بيحمل فكرة مختلفة عني

لكن في النهاية زي ما قال ابراهيم
الباكت كله بعضه وهيه دي ضريبة الانفتاح
وتجربة التدوين في حد ذاتها جديدة علينا ولسه بنستكشفها

تحياتي عالموضوع الجميل ده
لسه كنت باسال سمية اختي من كام يوم
انتي لما جيتي اسكندرية السنة اللي فاتت مكنتيش اخوان وكنتي شبه مقررة متشتغليش معاهم
امال امتي حصل اللي حصل وجابوا رجلك

وواضح ان صوتي وصلك والرد جه في البوست
بجد بوست جميل يا اسماء

ياسر سليم يقول...

الأخت الفاضلة : أسماء

أولا الموضوع جميل جداً ..
وأنا كان نفسى حد يتكلم فيه وبالذات لما لقيت احد المدونيين الأخوان ينتقد د/ محمد حبيب وبطريقة غير لائقة ..

انا طبعاً لا اعرف الدكتور محمد عن قرب ولا هو أبى ولا جدى ولكن هو فى منصب يفرض علي احترامه حتى ولو اخطأ لأن ليس منا معصوم من الخطأ ..
فلا انتقده بهذا الأسلوب الذى يجعل من ليس إخواناً يتجرأ علي الجماعة ويقول انقسامات او ما شابه

اما من رأييى فالخطأ البناء ..
لا أقوله على الملاء .. لأنى أولا وأخيرا اريد به التعديل والإصلاح .. فأنتقد داخل الجماعة نفسها .. وعندما انتقد يكون عندى البديل .. مش ابقى عايز انتقد عشان اظهر نفسى وخلاص ..


تحياتى

عطاالله النديم يقول...

انا رأيى حاجة .. النقد فى حدذاته مش عيب .. بالعكس ده بيدل على استقلال فكرى نوعى و دماغ بتفكر مش قابلة للحفظ والتسميع وخلاص خاصة ان الحاجةالوحيدة ان الواحد ما يقدرش يناقش فيها هى القران والسنة فقط
بس فى نقطه
فى كيفية النقد
و هدفه
والنقطة الاهم واللى شايفها اهم حاجة فى الموضوع ده كله .. هل فى عمل مثمر هيكون بعد هذا الكلام ..
انا رأيى الشخصى و (على فكرة مجربها )
مش عجبانى (lion kid's حاجة تبع ال
طريقتها .. استنيت لغاية ما اتلميت على مجموعة و بدأت أجلرب ما أفكر به من تطوير
و ابشركم كانت النتائج مذهلة
فى ساعات النتائج العملية لها اثار اكثر من النقد القولى ولو كان اد ايه

خطــاب يقول...

هناك قاعدة هامة متعلقة بعملية النقد

تقول : اذهب بالمشكلة فى يد و الحل فى اليد الاخر

و هو امر هام فى حالة النقد بنية الاصلاح

لا النقد للنقد و محاولة الظهور كصاحب رأى مخالف

شكسبير يقول...

طبعا انا موافق على ان النقد للفكرة لا يكون عن طريق تصرف الافراد لكن اود لفت النظر الى نقطتين خطيرتين 1-ان الفكرة يعبر عنها الافراد فكيف يمكن الفصل 2-ان التركيز على مفهوم السمع والطاعة بدرجة اعلى من اى مفهوم اخر مشكلة لابد النظر فيها 3- ان الترقى داخل الصف يكون من اهم بنودة وخلوا بالكم قبل ما تفهمونى غلط لعبارة انة من اهم بنودة بمعنى فى بنود اخرى لكن فى بنود اخرى مثل الكفاءة والخبرة (وعلى يدى)4-ان الافراد المسئولة بردود افعالهم على اى رأى مخالف يثبتون افكارا غير مقبولة والله بفك اسر مسئول منطقتى الان والذى كنا نحدثة فى امر فينظر الينا بوجوم ولولا الملامة تحس ان عايز يقوم يضربك ويرد قائلا لالالا كلة تمام ...شفتم المهزلة فى قولتة لالالاكلة تمام
اخيرا لابد من المدوامة على النقد ومادامت القيادة تتعذر دائما بالظروف الامنية التى لم ولن وتنتهى فلابد من نافذة للحوار على هذة المدونات

omar مشروع بطل يقول...

أولا : انا كمان معاكى ان النقد مش عيب لكن اذا كان بناء .. لكن انا مش معاكى ان نقد شباب الاخوان غير بناء ..

ثانيا : مش معنى النقد التمرد على الجماعة لكن هى محاولة انهم "يحلوا مره"

ثالثا : "لولا اختلاف الرأى يا محترم" .. يعنى طبيعى انهم يختلفوا عن قيادات الجماعة فى بعض الأراء وطبيعى انك تختلفى مع الشباب فى النقد ده و الاهم اننا نفضل برضه اخوان واخوات يجمعنا الاحترام والحب

نختلف ويقول كل مننا رأيه بأحسن طريقة وبعدين ننصرف واحنا بنقول أحبكم فى الله

________
مهم حدا جدا جدا : ليكى رسالى عندى على المدونة

سناالإسلام يقول...

جزاكم الله خيرا يا أسماء كتبت ما كنت أريد أن أكتبه...أنا شخصيا تعبت وخاصة من نقد الشعار فى هذا الوقت بذات وقت الإنتخابات

وضـّاح يقول...

كلامك صحيح

ولكن التسرع مفسد

علمني مسئولي ألا أذهب إليه بمشكلة إلا ومعي حلها أو على الأقل اقتراح لحلها

فكانت هذه طريقة في حياتي

ربما نحتاج النقد الذاتي ولكن بروية

تدبري جيدا المشكلة التي ستعرضينها وأنك تستطيعين احتوائها ولا تشعلي ما لا تستطيعين اخماده

وفي المقابل قدمي حل للمشكلة .. حلا مقبولا نظرا وعملا

وجزاك الله خيرا وأعانك

alqassam يقول...

فى البدايه هذه اول مرة ازور مدونتك وهى بصدق رائعه جدا وجزاك الله عنها خير الجزاء ... بمناسبه النقد اريد ان اوضح بعض الامور التى تحيك بصدرى كثيرا واتمنى ان اقابل اى من كوادر الاخوان حتى يجيبنى عنها لانها والله اتعبتنى جدا واتمنى ان يصل كلامى الى الدكتور عصام العريان
كمدخل للموضوع انا قرات معظم كتب الاستاذ سيد قطب والاستاذ محمد قطب وكذلك كتب الامام الشهيد حسن البنا وتاثرت بهم جدا ومن هنا بدا حبى للاخوان ولم اكن قابلت اى فرد منهم فى حياتى وقد اكون ان السبب لعدم احتكاكى بهم ولكنى كنت اتمنى ان اجد من يمثل هذا العلم الذى قراته يمثله فى الواقع كنت اتمنى ان ارى الاخوان الذين تحدث عنهم الامام الشهيد وصفاتهم وادارتهم للامور اقسم لكى كان لديا شوق كبير لرؤيتهم لاننى احببتهم من خلال ماقراته وتعرفت على الاخوان بصدق من ايام انتخابات مجلس الشعب فرحت جدا فى البدايه برؤيتهم وصرت اهتف معهم لاننى كنت اتمنى واعشق رؤيه الاسلام واتمنى ان يعود ويحكم من جديد واتمنى ان تضعى نفسك مكانى حتى تتخيلى اكثر من هذه الفتره حدثت الصدمه اقسم لكى صدمه بكل المقاييس حدثت لى ومازلت اعانى منها سمعت كلاما كثيرا وكلام موثق كلام لايحق لى ان انشره او اتكلم عنه وانا كم يدور فى ذهنى ان اكتب عن ذلك فى مدونتى ولكنى ارفض تماما لانى لا ارى فى ذلك نقد ولكنى ارى فيه هدم كانت كلمات الاستاذ سيد قطب حينما يتكلم عن الغربه الثانيه للاسلام وكيف كان الاخوان هم حمله هذا الدين فى وسط هذه الغربه التى نعيشها وكلام الامام الشهيد عن تحالفته ومع من نتحالف ونضع ايدينا تحدد لنفسى الطريق حتى لا اطيل اتمنى ان تقولى للدكتور عصام العريان هل الاخوان اليوم هم امتداد للامام حسن البنا وحتى يكون كلام بدليل اتمنى ان تقراى كتابات الامام جيدا والرسائل المنشور منها وغير المنشور واخيرا حتى يكون النقد بناء اضرب لكى مثلا بسيط جدا جدول الضرب اذا قلت مثلا 3*3=10 يعتبر رايى خطا ويستحق النقد لاننى خالفت القاعده والمرجع الاساسى خلفت السقف الاساسى فحينما نقول نقد كيف نقول ان هذا يستحق النقد او لايستحق لابد ان نرجع الى المرجعيه التى اتفقنا عليها حتى نعرف هل نحن سائرون عليها ام متخبطون

اتمنى ان تتقبلى رسالتى

القسام

مصراوي أوي يقول...

موافق جدا علي ملاحظاتك


عندي اضافة بسيطة........مش كل النقد اللي يكون علني.....في نقد احيانا يبقي احسن لو مش علني


دا مجرد راي
وشكرا

اسماء العـــــــريان يقول...

استاذ هيثم ... جزاكم الله خيرا على المرور
ـــــــــــــ
اخ شكسبير .. جزاكم الله خيرا على المرور .. لن ايه حكايه اوعى تضرب دى ؟؟
ـــــــــــ
اخ شاب مصرى .. لو صبر القاتل على المقتول .. انتظر بوستى القادم
ــــــــــــ
اخ هانى مصطفى ... هو ده الى انا اقصدة ان فى شباب كتير بينقدو وهما مش اهل للنقد .. ولا على درايه كامله بالاخوان.. والسلام يوصل ان شاء الله
ــــــــــــ
استاذ مجدى..مع حضرتك جدا فى نقطه اخوان الانترنت ومدى جهلهم باشياء كثيرة .. وعدم النظر للشىء باكثر من منظور .. جزيت خيرا على الرد
ــــــــــ
مجهول ... انا كنت ناويه فعلا فى اول البوست اكتب ايجابيات الاخوات

ــــــــــ

اخوانيه مصريه ... طلعنا قصه واحدة .. طيب ده شىء كويس

ــــ
اخ عبد الجواد ... جزاكم الله خيرا على هذة الملحوظات .. ستفيدنا كثيرا

اسماء العـــــــريان يقول...

سميه ... نورتى
ــــــ
اخ احمد..انا مش فاهمه تحفظ حضرتك ؟؟
ــــــ
اخ امام الجيل .. حلوة الايجابيه الى حضرتك بتعملها مع اخونك .. بانك تنقد حتى الاصلاح
ــــــ
اخ عمرو عزت .. انا ذكرت ان الشخص يكون اهل قدام نفسه وليس امام الاخرين "ان الشخص ده يكون قدام نفسه اهل ان هو ينقد ".. وده كان كلامى
.. وجزاكم الله خيرا على الاضافه
ـــــ
اخ ياسر .. حضرتك تقصد اننا نتقى الشبهات .. فنتوقف عن النقد ؟؟
ـــــ
اخ علاء .. اتفق معك فى بعض ما قلت .. بس لو النقد ده زى ما قلت هدام .. فانه بيتحول لفضيحه ويخرب الدنيا بدل ما يصلحها .. لكن ثق لو النقد بناء .. فده بيترك بصمه عند الناس ان الجماعه تعطى مساحه من الحريه .. وان افرادها شباب واعى ومثقف
ـــــ
اخت سميه ... انا مش عايزة اقول اسم لحسن تكونى مش عايزة تقوليه على النت .. بجد بجد مفاعجه ليه..اه شفتى اخر مرة شفتك مكنتش هدخل الاخوات ودخلتها .. سبحان مغير الاحوال .. عقبال اختك
ـــــ
اخ ياسر سليم..لو رجعت الى عنوان البوست .. ستكتشف انى انقد من ينقدو حتى يظهرو .. لكن انا احاول تحسين صورة النقد بالبناء .. ونقد شباب الاخوان الذين كل اهدافهم انهم ينقدو حتى الظهور ... النقد يجب ان يكون يمكن متكونش كل حاجه معلنه .. ولكن ده يندرج تحت النقد البناء والهدام
ـــــ
اخ عطا الله .. باذن الله هيكون عمل مثمر.. جزيت خيرا على المرور ونتشرف بزيارتكم الاولى للمدونه
ـــــ
اخ خطاب اعيد كلامى من هدف البوست انى بنقد شباب الخوان الذين ينقدون بهدف الظهور
ـــــ
اخ شكسبير .. ما اظنش ان المسؤلين كده .. المسؤلين دلوقتى على وعى كبير جدا ومتفتحين جدا
ـــــ
اخ عمر .. الى انا شايفاه فعلا ان نقد معظم الشباب نقد هدام .. مثال كان يوجد اخ نازل تهزيء للقادة
ـــــ
سنا الاسلام ... جزيتى خيرا حبيبتى على المرور
ـــــ
اخ وضاح .. جزاكم الله خيرا على النصيحه .. واوعد حضرتك انى هتروى فى الموضوع وافكر فيه تانى
ـــــ
اخ القسام .. اتفق معك فى معظم كلامك .. ان المرجع يجب ان يكون لدينا ثوابت نقتدى بها
ـــــ
اخ مصراوى اوى ... اكيد مش كل نقد بيبقى علنى .. وده يندرج تحت كيفيه ان يكون النقد بناء او هدام

شكسبير يقول...

ما دمت لم تكتبى بوست جديد فهذا يعنى انك سترى تعليقى هذا بإذن الله واسمحى لى الاستفهام منك عن بعض امور + الاعتراف بالبعض الاخر + اخرى
1/ اخ شكسبير .. جزاكم الله خيرا على المرور .. لكن ايه حكايه اوعى تضرب دى ؟؟
هذا كان ردك ولا اعلم هل فعلت شيئ خطأ لتؤنبينى علية بكلمتك جزاك الله خيرا على المرور ام انة شكر فعلى فكل ما اعملة انى جديد فى عالم التدوينات وحاولت المشاركة ونجحت معى هذة الطريقة واليوم وانا ادخل لاضافة مشاركة وجدت صعوبة بالغة فى المرور وظننت بك الظنون فى انك منعتنى من الدخول لاختلافك معى فى الرأى او لانك رأيتنى شخصا غير مرغوب فية مثلا واعتذر الى الله ثم لك على ظنونى هذة ففى اخر الامر دخلت واضفت مشاركتى بعد حوالى نصف ساعة حزن عندما جاءت هذة الظنون فى خاطرى ...وعلى كل حال إن كان هناك خطأ فالفتى نظرى له
2/ اخ شكسبير .. ما اظنش ان المسؤلين كده .. المسؤلين دلوقتى على وعى كبير جدا ومتفتحين جدا
هذا تعليقك الثانى اظننى يجب ان اصحح لك جملة بسيطة اختى صغيرة السن عظيمة الشأن والتصحيح انة المفروض ثم المفروض ان يكون المسئولين على وعى كبير جدا ومنفتحين جدا
واخيرا اذكر الاتى ////...1- انى من الاخوان المسلمين وافتخر بذلك لكن كما قال اخى مجدى سعد واخى ابراهيم الهضيبى اننا يجب ان نتعلم التمرد و الدهشة ورمى الحجارة ويجب ان نراجع انفسنا فهكذا تبقى الجماعة فى توسعها الافقى والرأسى ونحى سنة التناصح ونعطى المثل والقدوة لذو الالباب على ما نرفعة شعارا انة طبق عمليا
2- ان موقف لالالا كلة تمام حدث بالفعل وتكرر مرار لانه كان مع الاخ مسئول منطقتى فك الله اسرة والاخوان جميعا ان شاء الله
3- انى كنت انوى ارسال هذا اليك على ايميلك الخاص وفقط ولكنى اثرت نشرة هنا اولا ايمانا بمبدأالنقد الذاتى العلنى البناء ان شاء الله لنفسى ولجماعتى التى بايعتها على الحق
4- موضوع واوعى تضرب دا لازمة عندى كدة ذى لازمة مجدى سعد ويالا مش مهم ويمكن فى يوم من الايام تلاقيها عنوان مدونة ومستوحاة من مسرحية شاهد مشفشى حاجة والتى يعيشها الاخوان فى مهزلة محاماتهم العسكرية الاخيرة
واخيرا .....اوعى تضرب

شكسبير يقول...

واستعين بكلمات اخى مجدى موضحاقصدى بالتمرد والمراجعات
سنتمرد ولكننا سنحافظ علي وحدة الصف وعدم شقه او اضطرابه , سنتمرد ونغضب ونثور ولكننا سنحافظ علي روح الاخوة وسلامة الصدر بيننا , سنتمرد ولكن اذا لم يحدث التغيير المنشود والمرجو فلن ننكسر او نمل او نترك نشاطنا ونتخلي عن مهماتنا الدعوية ومواقعنا الادارية
سنتمرد التمرد الواعي المنضبط بقواعد وضوابط العمل الجماعي والمؤسسي الخاضع لفقه الاولويات والمراعي لسنة التدريج في التغيير
انتظر ردا منكم ومنك ضرورى .....اوعى تضرب

شكسبير يقول...

ايملك فية حاجة غلط ................ ارجوا وضع الايميل الصيح لك

اسماء العـــــــريان يقول...

اخ شكسبير .. انا ما اقصدش توبيخ نهائى ولا ان حضرتك عملت حاجه غلط

والله انا كنت بسال استفسار فقط ليس الا .. وقلت جزاكم الله خيرا لانى لم اجد تعليق اكتبه

وثانيا بالنسبه للمسؤلين .. انا قلت لحضرتك من الجميل انك تكون ايجابى وتنقد .. لكن انا بتكلم على مستوايا الشخصى ان المسؤلين حاليا متفتحين

واوعى تضرب ؟

الفجرية يقول...

سامحك الله يا أسماء

ده موضوع ينزل وقت امتحانات

يعنى انا دلوقتى عاوزة اقول كلام كتير

وعن موضوع اخوان الانترنت ده بالذاااااااات

وعن تجربة استاذ مجدى اللى من وجهة نظرى ليها مميزاتها ولها عيوبها
لكنها اولا واخيرا دفعتنا للتفكير
وده فى حد ذاته
نتيجة

عموما ان شاء الله
هعلق بس وقت تانى

سلمى عليكم جدااا

osama morsy يقول...

بصدق أشكرك جدا على هذا البوست المتميز

في وقته وميعاده تماما
النقد الذي يهدف الى التقدم للأمام وإصلاح الفاسد من الوضع هو المرجو من أي ناقد كان

والنقد الذي يعضد الجهد هو النقد المطلوب عند أصحاب الدعوات
أما النقد الهدام الذي يختلط فيه الغل بالبغضاء فأنا أرى ألا يلتفت اليه أصحاب الرسالات والعقول المستنيرة

جزاك الله خيرا وتحياتي لعمي عصام كثيرا من ابنه :أسامة محمد مرسي

وطــــــني يقول...

بنيتي الغالية بنت الغالي
منذ اللحظة الأولى لدخولي المدونة لفت نظري الإسم ( ها عيش و أتحدى أحزاني ) و قد شدني كثيرا هذا الإصرار والتحدي وقد ذكرني هذا الإسم بالغ الدلالة بمواقف للوالد الكريم عشتها معه في سويت 11 /3 بأوتيل أبي زعبل كان فيها إصرارا عجيبا على التحدي وقد ذكرت بعضها في بوست ( سجون الإخوان معاهد لإعداد الدعاة) في مدونتي وسوف أكمل باقي المواقف لاحقا بإذن الله
صحيح ... إبن الوز عوام
أرجو دوام التواصل وتحيات للوالد الكريم

أخت مسلمة يقول...

جزاكم الله خيرا اختي الفاضلة.
-----

كلامك فعلا صح النقد شئ اساسي و لكن بقواعد و اصول

اسماء العـــــــريان يقول...

اسماء ياسر .. معلشى بقى يا جميل .. اصلى خلصت امتحانات .. بس منتظرة ردك
ـــــ
اخ اسامه مرسى ...جزاكم الله خيرا على الاضافه.. والسلام يوصل ان شاء الله
ـــــ
استاذ وطنى .. تشرفنى زيارتك الاولى للمدونه وارجو ان لا تكون اخر مرة
ـــــ
اخت مسلمه .. جزاكى الله خيرا على المرور
ـــ

اخ شكسبير ارجو تقبل اسفى لو حضرتك فهمت غلط ولكنى لم اقصد الاهانه تماما

امام الجيل يقول...

السلام عليكم لحضرتك تاااااااج عندى ارجو التكرم باستلامه وشكرا

Arabian GiRl(caaaaat) يقول...

انقد حتى اراك !!!

أحمد عبد الفتاح يقول...

الاخت الفاضلة
كلامك نصه صح ونصه عاية في الخطاء
يعني ايه ان من حق ا/ مجدي ينقض اما الباقي لو نقض تبقي هيصة ومهيصة ؟
مين قال انه تمرد ؟ واضح ان تحقيقات المخبر اليوم اثرت في حضرتك كتير
ثانيا بخصوص دخولك الاخوان لا اري اي غرابة فانا اعلم الكثير من اولاد القيادات في الاخوان لا ينتمون للاخوان ولن ينتمون في يوم من الايام بل ان بعضهم - حفظنا الله - منحرفون اصلا
بحيكي علي صراحتك مع نفسك في موضوع دخولك للاخوان
اما بخصوص تعليق أ/ مجدي
تقدر حضرتك تقولي يا أ*/ مجدي ما هو دليل انك من الاخوان ؟
الي اعرفه ان الجماعه لم تعتمد نظام الكارنيهات
ليس من حق اي احد ان يتحدث باسم شباب الاخوان حتي لو كان مسول طلبة بالجامعه وليس من حق احد برده انه يقول ان فلان لا ينتمي للاخوان لانه هو شخصيا لا يستيع اثبات انتسابه للاخوان
أنا متفق معك ومع الاخت أسماء ان للنقض اصول
ولكن لا اتفق معكم ان النقض لناس اه وناس لا
كنت لسه النهرده بتناقش م عالدكتور محمود حسين حولين الموضوع قالي ممكن اي حد ممكن يقول عالنت انه المرشد العام للاخوان المسلمين
بس حتي الا ن انت لم اري تجربة تستحق لقب انها اسائت لمدوني الاخوان
اري ان كلها حتي الان جيده للغاية ان لم تكن ممتازه

moslem_fm يقول...

حتى اذا اختلفت معك فى الراى فسوف اموت دفاعا عن حريتك فى التعبير عنه


ولكن
فى اى المواضيع نسمع النقض ومن اى الاشخاص ؟

فبالتاكيد لا بد من وجود قواعد تنظيم لحرية الراى والنقد

sharkawoo يقول...

فكرة النقد العلني دا فيها كلام كثير أوي .... لأني أري ليس كل أمر يمكن أن يتم نقده بصورة علنيه ... وخاصة أن أغلب من يتكلم غير صالح لتكلم بشكل صحيح ... لأسباب كثير هو عدم معرفته بتفاصيل ووجهات النظر في الموضوع ... الضغوط والملبسات للقضية ... أشياء كثيرة تكون غير معلنه للجميع ... وذلك لان من الأفضل عدم إعلانها ....

الخل في الاحرك لمحاولة التغير وليس الشكوي والتذمر لا لشئ إلا لظهار أنه موجود ... ويا ريت لو في حد يتكلم قبل ما ينقد هل هو سأل في الموضوع دا حد في مستوي أعلي ... وحاول يفهم صح ولا هي مجرد معرفة سطحية لا أكثر .... نحن في إنتظار الحلول لا في إنتظار المشاكل ... فالمشاكل واضحة ومعرفة لدي الجميع ... في إنتظار رؤيا جديدة ... تفيد الجميع ... وإن لم نكن نري حلاً نضع الأمر بجميع صوره أمام الجميع .... لعل الأمر يأتي من هنا أو من هناك .....فالنتعلم ان لا نقدم مشكلة من غير حل ...

تحياتي ...

غير معرف يقول...

السلام عليكم0
انا رائ ان اللي بيحصل دلوقت ده مشكلة بتواجه الجماعة ان يخرج افرادها للنقد علي الملا اي اخ او اخت زعلانين من اي حاجة يطلعوا ينتقدوا علي الملا وفي المدونات لمجرد اننا نثبت للجميع اننا نتقبل النقد داخل بعضنا البعض
بس صدقوني احنا نسينا ان فيه بشر اساسا مصلحتها هي اثارة المشكلات داخل افراد الجماعة واوعوا تنسوا او تغفلوا ان الكلام اللي بيحصل ده لازم يكون باساس شرعي مش مجرد نقد وخلاص 0
الحاجة التانية انا حاسس اننا اصبحنا جماعة سياسية كل كلامنا بقي عن السياسة واغفلنا التربية كثيرا واصبحنا مجرد ثورجية ومناضلين سياسين والكلام ده هياثر علي قوة الجماعة جدااا
لان فعلا كما قال شاب مصري ان اللي بيميزنا عن الجماعات الاخري هو التربية والشمولية وليس السياسة فقط0

في النهاية اعتقد ان نقدنا لازم يكون بينا وبين بعض ونصحنا لان اجمل مايميز الاخوان نصحهم في الله لبعضهم البعض0
والنقد علي المدونات وعلي صفحات الجرائد في ناس بستغله اسوا استغلال لمحاولة تدمير الجماعة0
عز

اسماء العـــــــريان يقول...

اخ امام الجيل .. ربنا ييسر واعمله .. بس ما اوعدش حضرتك
ــــــــ
كااات ... انا اقصد ان بقى شعار معظم شباب الاخوان هو ده .. انقد حتى اراك
ــــــــ
اخ احمد ..ا حضرت فهمت كلامى غلط تماما

اولا :انا ما قولتش ان استاذ مجدى ينقد والباقى لا .. انا بقول ان فكرة استاذ مجدى عجبتنى لكن للاسف الكثير ما فهموهاش صح

ثانيا بالنسبه لدخولى الاخوان ميمثلش لحضرتك اى نوع من الغرابه ومحدش قال انه بيمثله نوع من الغرابه

والله يا اخ احمد حضرتك شايف ان كل مواضيع النقد ممتازة والمعظم شايفها انها مسيئه

كلا منا له وجهه نظر وانا احترم وجهه نظرك

ـــــــــ

اخ مصطفى .. اتفق معك فى رايك

ـــــــــ
اخ شرقاوو...اتفق معك فى كل كلامك .. وهو ما اطالبه ايضا هذة الملاحظات التى ذكرتها .. ولكن لا نمنع النقد العلنى ولكن نختار ماننقد ونقدم حلولا لهذا النقد
ـــــــــ
اخ عز ..بص يا استاذ عز .. ممكن زى ما قلت انها تكون مشكله لو عملناها غلط .. لكن ممكن تكون فى صالحنا لو اتمارست صح .. وانا متفقه مع حضرتك جداااا فى حكايه اهمال الجانب التربوى ولى بوست فى هذا الموضوع ان شاء الله

محمد النجار يقول...

أتفق تماما مع الاخت
سمية فى وجوب وضع
معايير للنقد
وأضيف انه ليس كل نقد
قابل للنشر

خطرات الفكر يقول...

السلام عليكم أختي الفاضلة
أظن - وانا من الاخوان - أن مسألة النقد في جماعتنا الغراء تمثل بعبعا لدى كثيرين من قيادات الجماعة دعيني أقيد هذا العموم القيادات الوسطى في المحافظات مسؤولي الشعب والمناطق حتى المكاتب الادارية
والحق يقال أن بعضم يقبلون النقد بصدر رحب
ولكن المشكلة أن أقدم حلا أولا أقدم
هذه ليست وظيفتي ان كنت أنقد فايجاد الحلول - ليست من مهام عضو مجلس الشعب مثلا- وان كان الصواب والاقرب الى الله الاتيان بالحلول
ولكن كون الشيء ينقد فهذا ولا شك دليل على انه بحاجة إلى إعادة نظر
سواء وجد الحل - والذي هو من واجبات الاخ المسؤول ومن معه - لهذه المشكلة أم لا
كما أن القايدات العجائز والذين يشيخون في مواقعهمك يقتل كثيرا من الطاقات الشابة والتي من الممكن أن تستثمر كثيرا
بل دعيني لا أبالغ إذا قلت لك
أن هناك من الاخوة من يتعامل مع ينقد على أنه مخطأ خطأ شنيعا كأنما أتي بكبيرة
بل والاشد أن يتم استبفعاده من العمل لأنه أخ ينقد
هذا واقع لا نستيطع تجاهله
والله يهدينا ويوفقنا لما فيه الخير

SHAHEENSHY...فوضى منظمة يقول...

جزاكم الله خيرا أختي الفاضلة على البوست الجميل..أنا اتفق معك في كل البوست..وانا نفسي نقدم كشباب الاخوان ( أو مجموعة عمل منهم) بحث علمي سليم مبني على اسس علميه سليمه ولقاءات وحوارات وورش عمل عن أهمية التدوين والنقد العلني السليم وحجم المكاسب والخسائر التي يتم تحقيقها من هذا الموضوع وكيفية التغلب على المعوقات وتحويل التهديدات الي فرص وتبقى حاجه موثقه ممكن كل الاخوان يقرئوها

أحييك على سردك لقصة انضمامك للاخوان ..وجميلة جدا الكلمة اللي انت قولتيها لابراهيم..انا هحلي مره

بالتوفيق

مللت الصمت يقول...

والله يا مؤه انا نفسى اقرأ كل التعليقات بس مش لاحقه....


بس حلو انك عرضتى رؤيتك لموضوع النقد ده..


بس انا شايفه ان الموضوع اتحول لشك فى الجماعه و ليس نقدا...


و بقوا عاملين زى السوفسطائيين تماما...


بيشكوا شك مذهبى,يعنى شك حبا فى الشك ذاته....

و نجد ان الشك السوفسطائى شك يؤدى الى الهدم و ليس البناء....


على عكس الغزالى و ديكارت كان شكهم شكا بناءا,...

اى بيشكوا بهدف المعرفه و الوصول للحقيقه....

و اتمنى ان يكون كلامى ده غلط و الموضوع ماوصلش لمرحله الشك,و يكون مجرد "نقد ذاتى" كما يطلق عليه البعض....


او تكون دى عواقب دخول شباب الاخوان فى عالم التدوين و ستختفى سريعا....

اسماء العـــــــريان يقول...

اخ محمد النجار ... مع حضرتك فى رايك

خطرات فكر.. هو حضرتك تقصد ان النقد ليس من اختصاصنا .. طيب وهل احنا ننفذ الاعمال وهى لم تعجبنا دون النقد ؟؟ .. انا من رايي اننا اذ نقدنا يجب علينا الاتيان بحلول

فوضى منظمه... جزيت خيرا على المرور واتمنى ان كلام حضرتك يتنفذ

مللت الصمت ... لا ان شاء الله ميوصلش لشك

إخوانى مخربش يقول...

انا بصراحة اتخنقت من موضوع النقد ده

المفروض الشخص اللى بينقد حاجة بيكون الاول حاول يصلحها او لو كانت بعيدة عن اختصاصاته يوصل كلامه لمسؤلة
وغريبة
يعنى لما الاقى واحد نازل نقد وسلخ

وادخل فى البروفايل بتاعه القيه بيحب يتفرج على فلم مش عارف ايه
وفلم ايه واغانى المطرب الفلانى

مش عارف يعنى بينقد على انغام المطربين ولا ايه
طيب حضرته يعنى لاقى وقت كتير كده علشان يتفرج على كل ده

وملقاش وقت يثقف نفسه ويبحث اعن الاسباب والحلول

ولا حتى يضيع من وقته شوية ويروح يستفسر من اخ كبير عن النقطة دى
ولما يجى يعرض نقده يجبلنا الحل فى ايده وهو جى


بس الحقيقة ان شهوة النقد تملكتنا على الاخر

يعنى احنا مثلا بنستهجن اخواننا السلفين انهم ينقدوا كده على الهوا وعمال على بطال
وبنقول ونعيد ونزيد لو عايزين تنصحوا حد رحولوه وقلوله كده غلط
وبدل ما تقول للناس انه غلكان فى كده وتفضل تفضحه
لا قلهم الشئ الفلانى غلط والصحيح كذا كذا بدون ذكر اشخاص ولا هيئات ولا جماعات
ولا نسينا كلام الامام البنا رحمه الله
تجنب غيبة الأشخاص وتجريح الهيئات و لا تتكلم الا بخير

فى الاخر احنا اللى وقعنا فى الغلط الفظيع ده
ونازلين تجريح فى تجريح فى تجريح

وحقيقة انا شايف ان كلام الاستاذ مجدى سعد كان تفكير بصوت عالى ومحاولة لاشراك الاخرين للتفكير معه لايجاد حل
ولم يكن مجرد نقد من اجل النقد
ولا نقد من اجل انه يقول انا اه طلعت صح والجماعة غلط

والله يمسيك بالخير ياسامة ياسليم

كان دايما يقولى لو فى مشكلة انت شايفة

اقطع ورقة واكتب فى جهه المشكلة والجهه الاخرى اقتراحات للحلول

ولو معملتش كده يبقى ماتقلهاش احسن

vetrinary يقول...

مش عارف ابدا منين
بس جمال مبارك لم يدخل السياسه بالوراثه
او باعتباره ابن رئيس الدوله
ولذالك فهو قبل عشر سنوات مكنش سياسى
وده دليل على انه دخلها لما اقتنع
بالسياسه
وبانه لازم يادى الدور ده

جميل البوست
ادبيا عجبنى
بس جوهر الموضوع مش قادر انه يعدى من زورى
بلغه العامه والصعاليك اللى انا بتشرف انى منهم
مش بالعه
الاختلاف فى الراى يفسد للود الف قضيه
مش قضيه واحده
لكى ان تتخيلى اختى الكريمه
ان كل الجماعه بتختلف
وناس تؤمن بالمرشد
وفكر الجماعه القديم
وناس مش عاجبها الحال
وعايزة تغيرى فكرة الاقدميه
والسن
والحجات دى
عايزينها ديموقراطيه
ليتنى استطيع الابتسام
لكنت ابتسمت
لكنه القدر
عاوز افهمكو حاجه
زى ما التنظيم الشيوعى القوى وقع
وزى ما جمعيه مصر الفتاه وقعت
وزى ما الجماعات اختلفت وضعفت
الدور جاى عليكم
عارفين ليه
عشان الجيل ده
هو جيل الدخول للاخوان بالوراثه

غير معرف يقول...

الدليل الشامل لأحدث المدونات العربية
حوار إسلامي قبطي
حوار عربية أمازيقي
مدونة أبناء القبائل
مدونة شبكة العرب
سياسة - اقتصاد - أدب - تاريخ - دين والمزيد
http://arab-blogs-guide.blogspot.com/
-- شارك معنا برأيك و أمتعنا بدلوك --

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊