الجمعة، 29 يونيو، 2007

اسماء العريان.... والشوفير



ما الذى تتصورونه عن اسماء ابنه القيادى البارز عصام العاريان

هل تتصورنها انها تعيش فى قصر ؟؟

اما ان الشوفير ينتظرها بخارج المكان المتواجدة فيه

ام ان البودى جارد يحيطونها من كل مكان

ام ان الحرس اامنى يحيطون لى الطريق

ام انها عندما تدخل الى احد النوادى او النقابات يذهب الرئيس ليستقبلها



....

كما اتوقع ان لا احد يظن ذلك ... ولا اتوقع بتاتا ان حد ييفكر هذا التفكير

ولكن من واقع الصدمه الى اتقالتلى انهاردة ... ان فعلا فى ناس فاكرة كده

انا كنت فى الدورة النهاردة .. فحكى لى ما كان يتوقعنه من شخصيتى

فمنهم من توقع الشوفير يتنظرنى باسفل المركز والحرس يحيطونى من كل جهه

ومنهم من استغرب وبانت عليه نظرات الدهشه فى اننى ركبت المترو

ومنهم من ابدى استعجابه عندما كنت اسال عن وسيله مواصلات للذهاب بها الى نقابه الصحفيين... وكيف اننى اركب مواصلات ولما لا اتصل بالسائق او على الاقل اركب تاكسى

ومنهم وهذا بصراحه ما زاد من تعجبى وزاد من هستيريه الضحك التى ما زالت عندى حتى الان ... انه ابدى استغرابه عندما ذهبت لنقابه الصحفيين ولم يستقبلنى رئيس النقابه ......ههههههههه

ولم يعلم ان لم يسمح لى الدخول للنقابه فى اليوم السابق لاننى لم احمل كارنيه النقابه ..... ههههههههههه

يا جماعه والله انا بنى ادمه عايه جدااااا وابويا بنى ادم عادى جداااااااا ....

تصورو انى بركب مترو ... وساعات ميكروباصات ... وياااه لو الحاله الماديه عندى متيسرة شويه هركب تاكسى ...... ههههههههه

ولكم ان تتصورو ان موبايلى حاليا بيقولى لقد اوشك رصيدكم على الانتهاء وانى مش خط بيزنس

لكم ان تتصورو مدى المعاناه التى اعانيها

لكم ان تتصورو لما البوابه بتاعت العمارة بتاعتنا بتسافر ساعات بابا هو الى بينزل يجيب العيش


لا بجد يا جماعه انا صعقت ان فى حد بيفكر التفكير ده

ليه التفكير ده عن الاخوان او عن القيادات

احنا والله ناس طبيعيه جداااا ... زينا زيكم بالظبط



بس بجد الى انا اكتشفته من الموقف الى حصلى انهاردة ده والهيستريه الى انا فيها دلوقتى ان الناس فعلا مش عارفه الاخوان ولا فاهمهم ... لا بجد يا جماعه لازم الصورة دى تتحسن

لا احنا اعلى منكم ولا انتو اقلل مننا

والله لو الواحد كان زى ما كنتم متصورين مكانش حالنا بقى كده

ولا كان تعاملنا كده


ـــــــــــــــــــــــــــــــــــــ

ملاحظات اخيرة انا كتبت البوست ده لانى بجد صعقت من الكلام ده

البوست ده من ضمن بوستات الدورة

تصحيح الفكرة الى كان عمرى اتخيل ان الناس واخدها عننا

وانا قلت اكتبها فى بوست عشان الى فاهم كده يغير فكرته

واخيرا احب ان اشكر كل من بارك فى البوستين السابقين وعقبال الجميع ان شاء الله

وانتظرو بوستى الدورة القادم ان شاء الله

هناك 46 تعليقًا:

مدونه انا بحبك يا مصر يقول...

والله انا عرف انك بتقولى كدة علشان الحسد اكنتش انا شايف الطيارة الشبح بنفسى وهى بتنزل على سطح المركز وكمان انا زعلان من الحراسه بتعتك علشان ضربتنى النهرضه وهى بتوسعلك الطريق وله هتنكرى انكرى بقه وقولى بحصلش
وكان موضوع نقيب الصحفين الى مجاش دة كان النقيب مسافر غظب عنه بس كان فى يوم مجيته مهرجان علشنكم وله لا انكرى بفه قاعه طول بعرض وكنتم جلسين صف اول صح نكرى بقه
عموما احنا عرفين ومتخبيش حاجه بس انا عوز تحكلنا على الاسنسير الذى فى الاقصر الصيفى عوز اعرف الاسنسير دة كام فدان ؟؟؟؟؟؟؟؟؟؟؟؟
احمد الجيزاوى

وليد يقول...

ربما أنتِ لست كذلك.. عصام العريان طبيب وليس رجل أعمال لكن هناك غيرك وهناك من تعامل الناس معاملة غير لائقة ولا أحب سرد مواقف أو أسماء
لكن ليست القاعدة أن كلهم على سمت واحد

ستجدين هذا وستجدين ذاك

المقصد أن د عصام العريان حرص على أن يربى أبنائه كما تحكين أنتى
لكن هناك من القيادات أيضا حرص على النقيض


جزاكم الله خيرا

شروق الشواف يقول...

ههههههههههه

معلش يابنتي

كانوا يجوا يسألوني انا

هي الناس كده بتهتم بالمظاهر وتنسى الجوهر

ربنا يصبرنا

مُرَاقِبْ مِصْرِي يقول...

ونا أقول إجراءات الأمن المكثفة على منطقة جاردن سيتي كلها وشارع مجلس الشعب ليه وعربيات أمن مركزي وبلاوي سودا... أتاري جلالتك مشرفة في المركز والداخلية كلها مكردنة المنطقة تأمينا لموكب سعادتك

تحياتي لكِ وللوالد الفاضل أمين نقابتنا

بن توفيق يقول...

اذا كان المرشد نفسه معندوش الحاجات دى

يبقى ابنة قيادى بارز عندها الحاجات دى .. طب ليه ؟

ربنا يهدى

علاء يقول...

هو لو كل واحد أبوه قيادي بارز في الاخوان يجيبوله الحاجات كنا قدمنا على طلب
ترقية ابويا لعضو بارز بدل ماهو عضو نشط
ههههههههههههه

انا لي واحد صاحبي ابوه قيادي بارز
و يا عيني الواد مش لاقي شغل
و حاليا شغال في مكتبة ب 150 جنيه في الشهر
اه و الله العظيم
هههههههههههههههههههههههههه

ثم انا قابلت ابراهيم العريان
شاب زي العسل و غلبان جدا
و شم باين عليه بارز و لا حاجة :)
بس كان ساعة ما قابلته حزين و فرحان في نفس الوقت لان الدكتور كان معتقل
ده كان في خطوبة كوماندوز البنا حبيبه

و بعد كده لما حد يقولك فين السواق قوليلوا لحظة
و اتصلي بأي حد و اعملي نفسك بتكلمي السواق
و شوية و قولي ده اتأخر ليه ده
ناخد تاكسي و خلاص
:)

و على فكرة انا و الله علطول
لقد اوشك رصيدكم على النفاذ

و انا من منبري هذا بان الاخوان يشحنولنا موبايلاتنا
او يجيبولنا خطوط بزنس و يدفعوا فواتيرها
ههههههههههه

على فكرة يا اخت اسماء
اسف جدا اني مكنش قرأت عن موضوع الدورة في التدوينات اللي فاتت

سلام عليكم

عابر سبيل يقول...

السلام عليكم ورحمه الله وبركاته
بصراحه بقه انتى فيه حجات كتييييييير عندكم مزكرتهاش
يعنى بزمتك عند الدكتور تتوقعى كام قصر فى الجنه
وانتى نفسك شوفى بتخدى كام حسنه فى اليوم
واخواتك لما الناس الصالحه صحاب باباكى بيدعلهم شوفى بيخدو حسنات قد ايه
وتلقيكم علطول مشغلين القران فى بيتكم
وربنا مسهلكم وكلكم بتعينو بعض على الطاعه
شفتى بقه انتى مميزه عن كتيير ازاى
سبتنا احنا ايه يا غلابه
ياله مش مهم
ربنا يسهل واكون بارز زي الدكتور
والله انى احبه فى الله

النجمة الصامدة يقول...

شاركونا

باستنتاجاتكم حيث العبرة والقصص
بمعلوماتكم حيث المسابقة
بآرائكم حيث التصويت
(كل ذلك وأكثر ضمن سلسلة (قدوات

فقط على .. بـنـاتـيـت
www.banateet.blogspot.com

إخوانية مصرية يقول...

ايوة ياختي ايوة كل دا عشان الحسد
هههههههههه
اضحكي علينا بقي
لما جيت القاهرة الطريق كان واقف عشانك
مش كده عيب هههههه
بعدين شوفير واحد ههههههههههه
بردوا جده طلعت الشناوي وجده فؤاد الهجرسي محدش من اصحابي كان مصدق انهم مش عندهم عربية
لا وايه كمان جدوا طلعت طلع ساكن في عمارة بتاعت ناس تخيلي هههههههه

وانتي كمان طلعت زينا ياحلاوة ياولاد دي بتركب ميكروباص وساعات لما بتكون غنية بتركب تاكسي هههههههههههه
ماشاء الله عليك احسدك بقي عني

بطلي بقي خوف من الحسد وقولي الحقيقة
فين البودي جارد بتوعك
والموبيل ابو مليون مليم ده ههههههههههههه

ربنا يكرمك ياسمسمة صراحة اماه قعدت تضحك ضحك وانا بقرالها الموضوع
وفكرتيني بالناس الي يعرفوا اني جدوا طلعت وجدو فؤاد يعتبروا جديين عشان تربيتهم بقي
وكانوا يسالوني هوة جدوا فؤاد مش عنده عربية
وجدوا طلعت طيب موبيلهم نوعه ايه ؟
سبحان الله
في الاخر طلعنا كلنا ولاد بطة واحدة مفيش ابن البطة البيضة وحدتاني ابن الملونة
هههههههههههههههه
كفاية ضحك بقي عشان هفطس اساسا

اسماء العـــــــريان يقول...

جزاكمالله خيرا جميعا على الردود

وانا بحب ارحب بالاستاذ مينا زكرى الى ادانى محاضرة فى الدورة عن التدوينات برحب بيه لزيارة الاولى وكتابه تعليق عندى ... زادنا شرفنا استاذنا وشكراااا

اسماء العـــــــريان يقول...

يا جماعه والله انا كنت ناويه ارد على كل واحد ... ولكن نظرا لظروفى انى هامووووووت وانام وان بكرة اليوم الوحيد الى مش هاصحى بدرى لان الدورة خلصت انهاردة ... فاعذرونى انى مردتيش عليكم

وادعولى كده انزل البوست بتاع الدورة ده على خير

اسماء العـــــــريان يقول...
أزال المؤلف هذا التعليق.
mo'men mohamed يقول...

للأسف أختى
دى بالفعل نظرة الناس للإخوان
أنا فى الكلية لما النتيجة ظهرت فى الكنترول وأنا لسه مجيبتهاش لقيت واحد بيقولى ياراجل عيب عليك
ده انت عندك فى الكليه دكاترة كتير إخوان محدش جابهالك منهم
هما فكرين ان بينا وبين بعض احنا ممكن نكوسها ولا حول ولا قوة الا بالله
السلام عليكم

غير معرف يقول...

السلام عليكم .. استاذتنا العزيزة اسماء , والله بجد انا كنت اشعر بعض هذا الشعور , ولكن بعد مقابلتك في الدورة تأكدت انك عادية جدا بسيطة جدا ومتواضعة جدا. وهذا كان واضح من مداخلات الزملاء ولكن الثقافة الموروثة عند الشعب المصري ان كل
مسئول او قيادي ان يكون له حساب في البنك وعربية بسواق وبودي جارد وغيرها وطبعا ايضا اولاده هي التي اعطت هذه الفكرة عنك
ان نفسي واحد من الزملاء بالدورة قالي ان اسماء العريان ستسافر لاداء العمرة وطبعا طيران وهاتصرف حوالي عشرين الف جنيه وانا في حياتي ماهاعمل عمرة لاني مامعيش فلوس , هما بيجيبوا الفلوس دي منين .
لا تكترثي بأحد ولكن اعرضي ردك فقط .
وبارك الله فيك وفي والدك
والسلام عليكم ورحمة الله
احمد عبد القوي .

mo'men mohamed يقول...

السلام عليكم
نسيت أديلك دعوة
انا كنت عامل موضوع كده اسمه
كلمة لابد منها
كنت أحب اشوف رايك فى الموضوع ده
السلام عليكم

هاني جابر يقول...

السلام عليكم ورحمة الله
تصدقي حصلت معانا كتير بس خلاص الواحد اتعود
الغيظ والفرقعة بقوا عادي حاجة عادية
بس علي فكره ده ميمنعش ان حضرتك عليكي العين وكل العيون مراقبة تحركاتك وافعالك لانك ابن قيادي بارز في الجماعة
خلي بالك
انا حذرتك
اللهم اسالنا الإخلاص

مُرَاقِبْ مِصْرِي يقول...

يا أستاذة أنا اللي زادني الشرف

أنا ما زلت عند قناعتي إن شباب (وطبعا شابات) الإخوان لما دونوا استطاعوا توصيل صورة جميلة عن الإخوان مختلفة عما في ذهن الكثيرين من المنتمين للتيارات السياسية والفكرية الأخرى... فرأيناكم ورأيناكن بشرا طبيعيين عاديين تفرحون وتحزنون ...وعادي بتهزروا وتتريقوا ... وكمان ساعة الجد جد ووطنيين وشرفاء وأصحاب قضية ورسالة حتى لو اختلف المرء معكم ومعكن إلا أن الاحترام ووضوح الصورة يبقى في الخلفية دائما... وأزعم أن التدوين كان أداة رائعة استطتعتم بها ترسيخ هذه الصورة الإيجابية

يعني م الآخر حتى لو لسة فيه ناس (كتير) متصورين عنك وعن غيرك في الجماعة تصورات عجيبة عبثية كدة من نوعية بابي الباشا وعم عبده الشوفير فبرضو التدوين أفضل مكان توصلي فيه الحقيقة وبشكل لطيف زي ما في البوست ده... يا جماعة التدوين حول الإخوان في أذهان الناس من مجرد أرقام وخلايا وتنظيمات وتمويلات إلى بني آدمين من لحم ودم وبيفكروا وبيحبوا البلد وكدة يعني


محتاجين بس تفكوا بعض العزلة شوية وتروحوا تدونوا عند الناس التانية مش إخوان عند إخوان وبس

تحياتي لشخصك الكريم وسوري ع الإطالة

صاحب البوابــة يقول...

الف مبروك انتهاء الدورة التي كانت سبباً في التعرف عليكم

تحياتي وارجو الا تكوني ما زلتي غاضبة

اشكرك لتفهمك وجهة نظري

mohamed يقول...

عادي
في ناس كتير تفركها سطحي والافلام العربي ماثره عليها وعلي تفكرها


وكمان الحياة اللي حولينا زي ما هي ظاهرة ان اي حد في مكان معين يبقي لازم يكون عنده كذا وكذا

ابسط رد للي يقولك كدا ان الاخوان ناس طبيعية
وولادهم بشر برضه

مش زي بتوع الحزب الحاكم لان كان ليا صديق في المنيا ابوه حزب وطني ومش عارف ماسك ايه كدا جي يستقلبني في المحطة لما رحت ازوره كان معاه عربية بالسواق غير الغفير المودرن والمدفع الصغيور تحت باطه

samer يقول...

الإخوان هم أملنا ربما الوحيد ... وهم أيضا أهلنا من عرفناهم و خبرناهم و لذا فلا يستطيعون تخويفنا منهم أو تشويه صورتهم لدينا لأننا نعرفهم و نشاهدهم في حياتنا كل يوم وليس كالآخرين في أبراج عالية كأنهم آلهة و نحن عبيد

أنا لست من الإخوان و مع هذا أراهم على حقيقتهم و أرى أيضا الآخرين على حقيقتهم

.... لستم وحدكم

moslem_fm يقول...

هو ده اللى الاعلام عمال يوصلو للناس
فى منهم من صدقه ومنهم من يعلم الحقيقة ولكن يخشى التصريح بهاااااا

ميعرفوش ان دا جمال الاسلام ( المساواة)هو ده الاسلام
لا خير لعربى على اعجمى
مفيش فرق بين زعيم وغفير

الكل سواء امام الله


اما عن الحياة
الكل على قدر ما عمل وما رزقه الله
يرضا مهما كان دوره فى المجتمع
فليس هذا مبرر لكى يستغل الظروف


جزاكم الله كل خير

omar مشروع بطل يقول...

ايه ده هو انتى معندكيش شوفير ؟؟!!

طب ما انا عارف والله اللى كانوا فاكرين غير كده فعلا غلابة .. ضحكتينى يا شيخة !!

سميه بدر يقول...

شوفير و قصر....ههههههه

الله يرحم ايام ما كنا بنمسك الكتاب بالشقلوب......


انا كنت جمب البنات دول و هما بيقولوا لاسماء انها عندها شوفير و الله كنت هطلع من الصلاه من الضحك......


انا الاول كنت فكراهم بيهظروا بس لما اكتشفت انهم بيتكلموا بجد قلت الحمد لله الذى عافانا...

sharkawoo يقول...

هو الكلام دا فعلاً مش موجود ... غريبة الصراحة ... كنت فاكر كدا بجد :d

بس دا يدل الناس محتاجة فترة طويلة عشان تتعرفوا علي الأخوان ... ودا بردوا يدل إن الأخوان بعيد بعض الشئ عن هؤلاء ...

بس ليه لا نقدر للاستاذ عاكف طلب بكدا ... إن كل أبناء الاخوة واقرباهم يبقي عندهم سواق :)

دا انا ساعتها هوفر اجرة المكروباص بتاع الجامعة :d

الاسلام ومادا بعد يقول...

اكيد لازم تطنينى عليكى فى النتيجه وان شاء الل تكون خير وماتنسيش تسلميلى على عروستنا

الاسلام ومادا بعد يقول...

السلام عليكم ورحمة الله وبركاته
ازيك يا سمسم عامله ايه
اتمنى ان تكونى بخير وسلميلى على سميه بس ادعيلى علشان النتيجة بتاعتى ربنا يستر
اديكى عرفة السنه دى كانت متلخبطه مع العميد انا كنت مشغولة ولم اقرا المدونه بتاعتك بس انا لى ملاحظات عليها ان شاء الله هابعتها ليكى على الخاص وانا كلمتك فى البيت وبابا قالى انك مش موجوده هابقى اقولك انا مين فى التليفون بس انا عندى بحث عن تخصيب اليورانيوم لانه دراستى هاخلصه واكلمك
ابقى كلمينى على lookforlove_5@hotmail.com

غير معرف يقول...

فاطمة سراج
السلام عليكم اخبارك اية بجد انا نفسى قولك انا اسفة لوكنت ضيقتك بكلامى وعن صورة الاى كنت وخدها عنك واحب قولك انتى من اكتر الشخصيات الاى اثرو فى الدورة واتمنى نكون اصحاب ومصر بخير طول مفيها ناس بتحبها زيكم تحياتى

اسماء العـــــــريان يقول...

يا جماعه والله انا عايزة انزل البوست الى عن الدورة لكن منتظرة اولا الصور ... ثانيا مفييش دماغ مش عارقفه ليه ... كل الى بفكر فيه حاليا هو النوم

ربنا يكرمكم جميعا على التعليقات

الاسلام وماذا بعد ..ز انا مخمنه انك تكون نشوى غد ؟؟

بقولك اعذرينى لان الماسنجر بايظ بس ان شاء الله هضيفك اول لما يتصلح وممكن تبعتيلى على الميل او تضيفينى انتى وانا هاقبلك

ثانيا انا سعيد جدااااااا بتعليق فاطمه سراج عندلاى ... معلومه فاطمه من الناس الى كانت فكرانى عندى شوفير وهى الى استغربت انى ركبت المترو ... بجد يا فاطمه انتى زى العسل

سحس يقول...

ان لم تكونوا هكذا فلستم اخوان اصليين

خالد أبوالفضل يقول...

إيه ده
معقول إنتي معندكيش شوفير ولا عربية بسواق توصلكو السجن ساعة لما تيجو تزوروا باب وكمان بتركبي المترو (أيُاااااا ياي ) وانتي رايحة تقولي لحسني مبارك يا قليل الأدب في نقابة الصحفيين وكمان لما روحتي النقابة النقيب مستقبلكيييييييييش
ده إيه النقيب اللي معندوش ذوق ده
عاااااااااااااال والله عااااااااااال
صحيح حاجة غريبة أوي
يلا البلد معادش فيها أمان
بأه فيها حسني وبس
بصراحة وأنا عمال أقرا تدوينتك بقيت عمال أضحك من جوايا وانتي باباكي لسه طالع من السجن مباقالوش كام شهر والناس مستغربة إن معندوش شوفير بسواق
وهو لو عنده كان دخل السجن أصلا ولا هو غاوي مثلا
سبحان الله
الناس دي هي اللي موديانا في داهية والله

hani most يقول...

الســـلام عــليــكــم
أنا هانـــــى مصــــطـــفى ( أبــــو دم تقيل ) إلى أخــتى العزيـــزة أسماء معلش استحملى غلاستى شوية ... واستمعى إلى قصتى ....... أعرفك بنفسى....... أنا إبن قيــــــــادى بارز فى الإخــــوان.............. والدى والــحمـــد لله رجــل أعمال ناجح وبالتالى فهو ثرى يعنى عنـــدنــا فلوس كتــيــر. كتير أوى............... قبل ما والدى يشتريلى عربية أروح بيها الكلية كنت بأركـــب المواصلات ...... ومهما كانت مزدحمة فكنت أصر على إنجاز أورادى ( الذكر والقرآن والاطلاع ) كما علمنا الاخوان .......... ولكنى وجدت أن التاكسى يوفر الوقت والجهد , فقررنا والدى الغنى وأنا أن يزداد المصروف كى يغطى مصاريف التاكسى....... وبالفعل حققت نتائج جيدة فى القراءة والاطلاع والأوراد والمذاكرة كمان مما جعل والدى يقرر اهدائى سيارة جيدة الصنع قليلة الأعطال كى أوفـــر مزيدا من الوقت والجــهــد ...... ولكن مع الأيام اكــتــشــفــت أن الأوراد ضــعــفــت جــدا لأنـــى منـــشغــل بقيــادة الســـيارة , واكتـــفيــت بالاستــماع إلى كـــاسيـــت السيارة ( الشرائط الإسلامية ) فــقــرر والــدى الــتعاقـــد مع ســـائق للـــسيــارة ولا تتــخيلـــى مدى الاســـتفـــادة , فتــحـولــت المواصلات إلى قاعــة مجــهزة لــطلــب الـــعلـــم المادى والشرعى و الأوراد وبفضل الله تخرجـــت بــتــفــوق وأنـــا الآن بجــانــب عملى النــاجــح أقــدم دورات تــنــمــيــة بشريــة للإخوة وغيرهم هذا بفضل القراءة والاطلاع ............... على فكــرة كل ما أجد أحد متخيل إن كل قيادات الإخوان أثرياء أوضحله إن ده مســتحـــيل فيــــه الـــغــنــى وفــيــه الـــمـــتوســــط وفـــيــه المـــعـــوز ومـــفـــيـــش عيـــب فى كـــدة ...... العيب إنك تلاقى كلهم أثرياء ثراء غير مبرر يبقى معناها إنهم بيلموا الاشتراكات فى جــيــوبــهم وده مســتحــيــل والحمد لله ............ أرجو ألا أضطر أن أخجل يوما كون والدى غنى ورزقنى الله بسيارة وسائق لها ............. أدعو الله أن يجعل الدنيا فى أيدينا لخدمة الاسلام لا لشهوة فى نفوسنا لبيك لا عيش إلا عيش الآخرة ....... آسف على الإطالة فى الخيال .

امام الجيل يقول...

سبحان الله الناس دى عايشة فى غيبوبة
الواحد يحس انهم مش معانا بس نعمل ايه فى اللى بيصدق الاعلام المشوه اللى حط الافكار دى فى دماغهم وفكرهم ان الاخوان عصابات وكان من فترة منزلين خبر فى الاهرام بالصورة ان المرشد راح ياكل فى مطعم وكل جمبرى مش عارف بكام بمبلغ كبير يعنى والله الناس دى شكلهم اتجننوا

mohamed يقول...

طيب يا أخ علاء هو فى عضو معدى بدل نشط او بارز ..


والله انا شايف ان المعاملة مع الناس دى تبقه عاديةوعادى الكلام ده بيحصل كتيييير ب الذات من ناس ممكن يكونوا من الاخوان عادى بس مش عارفين ان القيادى البارز اكتر واحد من الممكن بيواجهه صعوبات مش اقصثد مادية ولكن اقصد جسديا وعقليا ولو فى حد فاكر كدة .. يبقه الغلط والنقص من عندة


جزاكى الله خير



بس اخر حاجة كدة ..

هى الفلوس هى اللى بتحكم على الانسان ولا الانسان هو الى بيحكم عليها

MB يقول...

elbaraka fi elly ga3l mn ro2asa2ena tamaseel to3bd mn doon ALLAH

ياسر مدني ...دينامو الإخوان يقول...

إلي كل المدونيين المناضلين
أدعوكم لإبداء الرأي في ملحمه الشباب بعنوان حلم الحريه للشعر وليد الرفشي ....ننفرد بنشرها ولن تجدها علي أي موقع أو مدونه سوانا

hani most يقول...

يا جماعة ممكن حد يعرض رأيه المستنكر لوضع (الأخ القيادى الثرى ) بشىء من الموضوعية لأنى لحد دلوقتى مش فاهم إيه سر السخرية العجيبة من الثراء ومظاهره ما دامت فى غير إثم أو خيلاء .............. مع احترامى لأختنا أسماء أنا معترض على تلميحات البوست ومش عارف ايه سر التجاوب اللازع واللاسع من باقى الأخوة وكأن الكارثة والطامة إن بنت أحد قيادات الإخوان تكون غنية ......... هو الشوفير رجس من عمل الشيطان ولا إيه

اسماء العـــــــريان يقول...

استاذ هانى نحن لا ننبذ الشوفير ... ولكن النظرة هذة للاخوان ... وارى انا ما كتبته عن قصتك توكد ما تقوله انت ان يوجد فوائد للشوفير

وجزاكم الله خيرا

مسـتنـية الفـرج يقول...

اولا ياريت يااسماء يتبقي تعلقي خرزه زرقه
ثانيا ياريت يا أسماء تبقي تخدينى معاك في العربيه عشان اوفر اجرة المترو

ثالثا انا بتضامن مع الاخ علاء والاخ شارقوو ؛وهوقع معاهم الطلبات اللي هيقدموها لفضيلة الأستاذ

المجاهدة يقول...

:d

ضحكني اوى البوست ده
:d

الحكم على الناس مش بمدى غناهم او فقرهم.. او ولادهم عندهم عربيات ولا عايشين على البسكلتة :d


المهم بيعملوا بيها ايه... و بيتصرفوا فيها ازاي
و بيعلموا ولادهم يعملوا ايه مع اللي عندهم سواء كان كتير او قليل
:)

اسماء العـــــــريان يقول...

اولا انا قابلت البنت الى اسمها المجاهدة دى ... بنوته زى العسل والله

ثانيا انتى يا بنتى مش كنتى معايا فى الفرح وشفتى العربيه والشوفير انتى هتنكرى ولا ايه ؟؟

امونة يقول...

السلام عليكم ورحمة الله وبركاته
ازيك يا اسماء على فكرة انا اول مرة ادخل على مدونات النهاردة وعجبتني جدا وللاسف مش عارفة اقعد على الكمبيوتر من اخويا الصغير وانا
سعيدة جدا اني اتعرفت عليكي انا آمنة جارتك الجديدة ووشكوا حلو عليا اصل انا حبت النتيجة امبارح جيد جدا الحمدلله

امونة يقول...

اني احبك في الله

اسماء العـــــــريان يقول...

يا هلاااااااااا يا امونه ... ربنا يكرمك يا قمر .. ومبروووك على النجاح ... عقباالنااااا يارب

وعقبال متعملى مدونه انتى كمان

احبك الذى احببتنى فيه من اجله يا قمر

Sanaa يقول...

السلام عليكم
أسماء دى أول زيارة ليا عندك .كنت عاوزاكى تبعتيلى ميل على العنوان ده، عشان عندى شوية حاجات عايزة أسألك عنها متعلقة بالدورة
sanaa.albanna@yahoo.com

امنية يقول...

ممكن يبقى يوصلنا الجامعه بدل مواصلات كل يوم
:D
خدينى معاكى الله يخليكى فى العربية
بوست عاجبنى اوى
مستنيه بوستك الجديد ان شاء الله

اسماء العـــــــريان يقول...

سناء .. حاضر معلش شفتها متاخر

ـــــ

امنيه ... الجامعه ومواصلاتها .. والتكاسى .. امتنى بقى يجى اليوم الى ناخد فيه الرخصه وننزل نسوق احنا