السبت، ١٨ أغسطس ٢٠٠٧

النيابة انهاردة ..قمة فى المهزلة


كنت انهاردة عند بابا فى النيابة

وصلنا هناك على الساعة 2 الظهر .. ولقينا زوجه الدكتور احمد عمر واولاده قاعدين من الساعة 9

المهم حاولنا ندخل لباب ولكن للاسف المحاولة باءت بالفشل

كانو مشددين اوى .. مكنوش بيدخلو حد خالص

بس الحمدلله بابا نجح فى انه يجيب لينا تصريح  .. ودخلناله على الساعة 7 مساءا

المجموعه وصلت الساعة 11 صباحا .. وبدا العرض بعد العصر ...
وللعلم معظم المعتقلين كبار فى السن .. يمكن بابا اصغرههم سنا

بابا امتنع عن الكلام ... وقال انا قلت كتير قبل كده فى التحقيقات ... ومش هتكلم تانى

معظم المجموعة امتنعت عن الكلام

ومع كل ذلك لم ينتهى التحقيق وسيكتمل فى يوم من المشقه والبهدله والتعب تانى يوم الاثنين القادم

الزيارات لباقى المعتقلين دخلو بعد المغرب .. قعدنا بالظبط 10 دقايق ومشينا

غالبا  هيبقو فى سجن طرة ..  عنبر الزراعة مش المزرعة

يعنى مش مع قضية المحاكمات العسكرية

العنبر الى جنبه


خرجنا من التجمع الخامس والعشا كانت بتأذن

يعنى ملطوعين اكتر من 7 ساعات فى الشمس والحر .. وربنا يكون فى عون الى جم من الساعه 9 الصبح

يلا الحمدلله ..فداكى يا مصر .. فداك يا بابا ... فداكم يالى رافعين راسنا

فى صور انا صورتها لبابا فى النيابة ... قريبا ان شاء الله انزلها



هناك ١٢ تعليقًا:

غير معرف يقول...

اللهم ان زرع الباطل قد نما فأذن بحصاده يارب العالمين
قلوبنا معك استاذنا عصام العريان

Khadiga Elhaddad يقول...


ربنا يتقبل كل هذا الوقت و يجعله في ميزان حسناتكم

و اعتقد يا اسماء انكم ما شاء الله مثال للثبات و الصبر
بجد ما اعتقدش ان احنا اللي حنصبركم, لكن اكيد حندعيلكم بمزيد من الصبر و الثبات

و اذكركم ان كل حاجة في اولها صعبة, و ان المحن بتمر بتمر ولا يبقي منها الا الثواب

ربنا يحفظ والدكم و يحفظ الجميع و يردهم الي اهلهم سالمين غانمين

خديجة الحداد

أبوسويلم يقول...

والله مش عارف اهنيك على العمرة ةعلى عودتكم سالمين مغفور لكم ان شاء الله ولا اهنيك على على اعتقال الدكتور عصام ايوه اهنيك لان اعتقال والدك العزيز معناه انه ماشى على طريق الانبياء والدعاة طريق الابتلاء ومعناه ايضا انه هيخرج من هذه الازمة كسابقاته باجر جزيل وبعزيمة امضى وهمة اعلى واعلى لكن هذا لا يمنع ان نسال الله له العافية ولكم اهله الصبر والتثبيت
ربنا معاه وكل الشرفاء وراه

دكتور كسلان يقول...

هذا قدركم
ربنا يجعله فى ميزان حسناتكم
وان شاء اله يصبركم على هذا الابتلاء
لان الله سبحانه وتعالى يبتلى عباده المخلصين

دعوة الفردوس يقول...

السلام عليكم

أسماء مهما وصفتلك حزني لما سمعت الخبر وبكائي الشديد وانا بقرا كل كلمة اتكتبت عن الدكتور مش هوفي

انا بحزن جدا لما اشوف الظلم على اي حد
مابالك باخواننا
ومابالك بالدكتور بالاخص
انتي لو تعرفي الانسان الرائع ده بالنسبالي ايه كنتي هتفهميني
والله والله والله يااسماء
انا حاسه ان انا اللي معاكوا في البيت
ومفتقداه جدا
مفتقده صوته في منزله
و جلوسه على مائدة الطعام وسط عيلته
و مكانه على سجادة الصلاة


أسماء انا مش لاقيه حاجه اقولها
بجد
انا عندي فرح اخر الشهر
فرح اولاد عمامي تلات اخوات مع بعض في ليلة واحده والتلات عرايس قرايبي
كنت فرحانه جدا بالفرح ده
ومنتظراه وبعد الايام علشان يجي
بس اقسم بالله
مابقيت حاسه بفرحه
ولا متشوقه لشيء من ساعة ماشفت الخبر ده
لان اللي اتسجن ده
شريف اوي
وراجل اوي
ومحترم اوي
واكتر من ابويا
ربنا يرجعه هو واخوانه بالسلامه
يفك اسر كل الاخوان المعتلقين
وكل شريف معتقل
ويفك سجن الاسلام في كل مكان

انا حطيت الصور في مدونتنا
و كل مايبقى في جديد
استاذنك هنزله عندنا واذكر المصدر


ربنا يصبركوا
ويرجع قبل رمضان
ياااااااااااااااااااااااارب

صاحب البوابــة يقول...

اصمت في خجل

واطرق رأسي في أسف

وأنا في وطن

يُسجن فيه

مثل هذا الرجل

الدكتور عصام العريان

مصر بأكملها خجلانة منك

سامحها يا أستاذي

أرجوك سامحنا جميعاً

:(

أبكي في قهر

وأبتلع كلماتي بكل مرارة

وأصمت

بعد أن اتمتم

الحرية للشـــــــرفاء

الحرية لعصام العريـان

ابو صهيب ( الجمعاوي الاصيل)سابقاً يقول...

اختي الفاضلة لابد ان تحمدي الله وتفخري ان لك والد مثل الدكتور عصام فهو رجل بمعنى الكلمة رجل صامد
اقول لك لا تقلقوا فكل المصريين بجواركم يدعون لكم ان يفك اسر ابيك ومن معه وان ياتي الحق ويزهق الباطل ان الباطل كان زهوقا

غير معرف يقول...

السجن في حياة الإصلاحي عصام العريان
http://ana-ikhwan.blogspot.com/2007/08/blog-post_3356.html

الفقير إلى الله يقول...

وإن عجزت الكلمات عن البوح بالحزن ولكن هذه بعض الكلمات من شعر شيخنا العلامه يوسف القرضاوي قد تهون ما كان

صبراً أخى فى محنتي و عقيدتى ***** لا بد بعد الصبر من تمكين
و لنا بيوسف أسوة في صبره ***** و قد أرتمى بالسجن بضع سنين
هون عليك الخطب لا تعبأ بهم ***** إن الصعاب تهون بالتهوين
ستسير فلك الحق رغم أنوفهم ***** و يذل كل منافق و جبان
بسم الله مجراها و مرساها ***** فهل تخشى الردى و الله خير ضمين
سنعود للدنيا نطب جراحها***** سنعود للتكبير و التأذين

غير معرف يقول...

اسماء اشرف

حسبنا الله ونعم الوكيل اللهم عليك بالظالمين

بنت أبيها يقول...

حقيقى كل اللى سبقنى وفا فى الكلام

لكن انا حبيت اضيف حاجة


عندنا فى محافظتنا بنى سويف اعتقل اكثر من 100 شخص اثناء فترة الانتخابات الماضية

وكلهم سجنوا فى سجن برج العرب فى اسكندرية

تخيلى بقى اسر فجأة يأخذ عائلها

وهناك بعض الاسر كان الاب فيها هوه مصدر رزقها فقط

وهناك عائلة الوالد كان صاحب محل احذية ... بعد اعتقاله اضطرت الام ان تنزل الى المحل بدلا من الاب

وتخرج من المنزل مبكرا وتعود متأخرا

وغيرها من الصور التى افرزتها تلك المحنة

ناهيك عن عدم اتاحة الزيارة اساسا

وفين بعد الانتخابات بشهر بدأوا فى السماح فى الزيارة

وتخيلى معى كيف تكون الزيارة

اولا المسافة بين بنى سويف واسكندرية مسافة 6 ساعات رايح 6 ساعات جاى

يعنى بيخرجوا الساعة 1 بالليل عشان يوصولوا على الساعة 7 او 8 الصبح

يفضلوا واقفين فى الشمس والحر ... وهناك اسر بها اطفال حتى تنتهى اجراءات الزيارة

وحوالى بعد العصر او المغرب تبدأ الزيارة

وتكون الزيارة لمدة ربع ساعة فقط لا غير

ثم يبدأوا فى رحلة العودة حيث يعودون فى حدود الساعة 10 او 11 ليلاً

وكل ذلك من اجل الزيارة

ما اردت من سرد هذه الاحداث

من باب

من رأى مصائب غيره هانت عليه مصائبه

والسلام عليكم

غير معرف يقول...

ربنا يتقبل ان شاء الله ويجعلة فى ميزان حسناتك

بجد كان يوم صعب اووووى بس بجد وانا برة كنت شايل هم الاخوة جوة النيابة فى والحر والتحقيقات وقلة النوم والارهاق
ربنا يجعة ان شاء الله فى ميزان حسناتهم

وربنا يكوون فى عونك بكرة لسة احنا فى الأول دية اول نيابة شدى حيلك المشوار شكلة هيطوول :D


سئل احد الصالحين ؟؟ الم تصدك المحن عن الطريق وتوهن عزمك قال لولا المحن لشككت فى الطريق .,,

Osama Nazily