السبت، ٣٠ أغسطس ٢٠٠٨

اهو جه يا ولاد.. اهو جه يا ولاد


رمضان قرب خلاص ..  

فإلى كل من اسات اليه فى يوم ما .. والى كل من اخطات او قصرت بحقه او اذيته بقصد او بدون قصد

اقول لكم وبكل صدق ..

ما شفتوش منى حاجة لسه والجاى العن وايامكم سودة معايا

D:D:D:

ــــــــــــــــــــــــــ

لا عن جد .. كل سنة وانتو طيبين .. وان شاء الله يكون رمضان ده احسن رمضان

والكل يحقق الى نفسه فيه .. اوكازيون دعوات

وبما انه اوكازيون دعوات .. فبالله عليكم ادعولى انى اكون رمضان الجاى فى مكة ..

احذرو يا جماعه من الشياطين .. لانها حاليا بتحاول تفسد رمضانك باى معصية تخليك تستمر فيها فى رمضان وتخلى الباقى على نفسك الامارة بالسوء

وما بالكم بالنفس الامارة بالسوء .. شيطان تانى  والله

حفظنا الله واياكم .. :):)



هناك ١٧ تعليقًا:

امنية يقول...

انتى مشكلة بجد

كل سنة وانتى طيبة

;)

اسماء العريــان يقول...

:D:D .. وانتى طيبة يا مونى .. كل سنة وانتى مش محرومة منى :):)

همسة قلم يقول...

هي الرسالة دي ورايا ورايا يعني ولا ايه

على الموبايل والمدونة ... ده كتير :D

على العموم ... السمك اتخنق من العوم

كل سنة وانتي طيبة ياقمر

والسنة الجاية ... ولا بلاش خلينا في السنة دي :P

كل عام وانتِ الى الله أقرب وعلى طاعته أدوم

مش تنسينا من دعائك بقى ياسمسمة ... ها انتي وعدتي :D

اسماء العريــان يقول...

علشان تعرفى اننا صارفين عليكى دم قلبنا .. على فكرة بمناسبة انك منوفيايه :P:P .. دى 3 مسدجات .. بنبهك بس علشان متبعتهاش لحد :P:P

وعلى العموم .. السمك بيعوم :D:D

كل سنة وانتى طيبة يا سوكا ..

وبعدين خلينا بعد سنتين يا حلوة .. مستعجلة على ايه ؟؟

والله بدعيلك .. وعموما من عيونى :):)

همسة قلم يقول...
أزال أحد مشرفي المدونة هذا التعليق.
اسماء العريــان يقول...
أزال المؤلف هذا التعليق.
اسماء العريــان يقول...

علشان خاطرك بس يا ست امنية

يا صاحبة العقل الرزين :)

يا مراية حياتى .. مسحنالك التعليقات
):)

Ahmed Al-Sabbagh يقول...

كل سنة وانتى والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

اسماء العريــان يقول...

وحضرتك بصحة وسلامة .. جزاكم الله خيرا

غير معرف يقول...

وَلِأن رمضان بعد سُويعاتٍ قلائل

ولأنه شهر العَفو والغُفران

فنقول أختنا أسماء

إنَّ أي إساءةٍ أو خطأٍ أو تقصيرٍ أياً كان حجمه

وديني ما هفوِّت حاجة منهم، وكلُّه هيترَد الطاء طائين يا أستاذة



آل أيام سودة آل

:):)

...

ويا رب تكوني في مكة زي بعضُه

بس لوحدك كده

(-*

(:


روحي مع بابا ولا حاجة

(;

...

اسماء العريــان يقول...

اخ محمد .. رمضان كريم والله اكرم واكيد حضراتكم كرمه برضو :D .. مالها الايام السوده .. ده انا حتى بحب اللون الاسود :P:P

ولا نخليها تركواز :D:D

...

ان شاء الله اكون فى مكة .. ومش لوحدى باذن الله :):)

walaa rizk يقول...

كل سنه وانتى الى الله أقرب ياسمسمه

وربنا يكرمنا ويرزقنا صيام رمضان ايمان واحتسابا

ويرزقنا ليله القدر

وان شاء الله لن ننساكى من الدعاء

نـارا يقول...

دوشة هانم

كل سنة وانتِ بدوشتك بتصدعينا

كل سنة وانتِ طيبة ..

اسماء العريــان يقول...

عاشقة الاقصى .. وانتى طيبة يا جميل .. وبعدين انتى رحتى فين يا بنتى .. بقالنا كتير مسمعناش صوتك :):)

بجد ياريت متنسينيش من الدعاء

ــــــــ

نارا .. :D:D .. ربنا يسامحك .. اللهم انى صائمة :P:P

وانتى طيبة يا جميل :):)

محمد يقول...

كل عام وأنت بخير يا أسماء
كل عام وأسرتك بخير
كل عام والأمة الإسلامية منتصرة عزيزة
:)

ربنا يعين الناس عليك
:D

اسماء العريــان يقول...

اخ وضاح .. وحضرتك طيب وبصحه وسلامة

Unknown يقول...

موؤة
انتصف رمضان
وانا لسه عندي امل كبير ان رمضان السنادي هيغير حياتي

ان شاء الله يكزن احلى رمضان
ونخرج كلنا منه نضاف قشطة
من غير ذنوب ولا اي حاجة وحشة في القلب

رمضان يغسل اكثر بياضا

يغسل الذنوب يعني

بحبك