الثلاثاء، 17 يوليو، 2007

عن الشرفاء.. اتحدث





السلام عليكم

يمكن مش هاقدر اغطى زى ما ناس كتير غطو .. ومش هاقدر اغطى لانى اصلا مش رايحه عشان اغطى

نويت انى اروح المحكمه العسكريه .. وواجهت صعوبات كثيرة من حيث المواصلات .. بس الحمدلله وصلت فى النهايه

وصلت هناك .. ورايت مالم اره من قبل .. رايت الابتسامه تملا جميع الوجوه .. رايت الصبر والقوة ..
رايت المشاعر والرقه بين اسر المعتقلين

الجميع اصابتهم الدهشه لمجيئى .. وفى بعض منهم قالولى " انتى جايه عشان تستعدى لوالدك ولا ايه " ..
ومنهم من قال لى "اصلك متعودة "

ولكن لا انكر انهم ايضا اصابتهم السعادة لوجود اعداد كبيرة للتضامن معهم ...
قابلت بنات المعتقلين بالاحضان و خاصه فى منهم كنا بنقابلهم كتير قبل كده فى المعتقل

وجدت الكثير من الصحافه والتلفزيون والكاميرات ...

ثم دخلت الى قاعه المحكمه عن طريق طنط زوجه عمو عصام عبد المحسن " لان مكانش معايا بطاقه ..
"لان محفظتى اتسرقت كما تعلمون "

فى بدايه دخولى للمحكمه وما تعرضت له من تفتيش .. بادت علامات الاستغراب على وجهى .. لانى وجدت قاعه المحكمه مثل المسرح كما يقول سعد الشاطر ... فى تنظيم الكراسى وجلوس القاضى على المنصه ووجود القفص داخل القفص داخل القفص  وخاصه  انى حضرت قبل كده محكمه .. بس كان من حسن حظى ان ابى كان قاعد جنبى .. لم يكن داخل القفص

لم يدخل المعتقلين حينها ... ولكن عندما دخلو رايت بعينى معنى الظلم الذى كانو يستشعرونه .. سمعت اصواتهم .. ورايت سلامهم .. وكم هم فرحين لانهم راو ابنائهم 

حينها لم اقدر على حبس الدمعه .. ولكن سيطرت على نفسى وحبستها .. لانى رايتهم اقويه فكيف لى ان اكون ضعيفه

وانتظرت قليلا حتى ينتهو من سلامهم .. وذهبت انا لاسلم عليهم .. قابلنى عمو عصام عبد المحسن بوجهه البشوش واخذ يمزح معى ويباركلى على اخوتى .. وذهبت بعدها لعمو خيرت وعمو حسن مالك .. وحينها قال لى عمو مالك " كملى يا اسماء كتابه اوعى تتوقفى "

وسلمت على عمو صادق الشرقاوى .. وعمو احمد شوشه .. وعمو عصام حشيش الذى قابلنى بابتسامه رغم الامه .. حقا شعرت حينها انهم اسرتى وانا هنا معكم .. واحسست بالتقصير تجاههم

وكلهم كانو يبعثون سلامهم لابى واسرتى ويباركون لاخوتى .... رغم ما هم فيه من ظلم وافتراء يتذكرون من هم احرار ولا ينسون المجاملات

حان وقت صلاة الظهر ... وصلينا جماعه وكان من يؤمنا داخل القفص ... وبعدها لجانا الى الله بدعاء .. حقا لم اقد ان احبس الدمعه فى هذا الوقت.. 

بدات الجلسه بدخول القاضى .. وكما تعودت فى حضور جلسات المحاكم ان نقف للقاضى .. ولكن لم ارى احدا من اسر المعتقلين يقفو .. فوجهت كلامى لهاجر شوشه قلت لها لازم نحترم القاضى ونقف له .. قالتلى هما احترمونا عشان نحترمهم .. تملكنى الصمت

بدات الجلسه بالاتهامات المزيفه الموجهه للمعتقلين .. وبدا هيئه الدفاع فى الاعتراض على عدم السماح بدخول بعض المحامين وبعض اهالى المعتقلين..

وبدا فض الاحراز رغم اعتراض المحامين عليه لانه مخالفا للقانون ... ولكن اذا وافقهم القاضى فهذا سيغير من سيناريو المسرحيه .. فاستكمل القاضى المسرحيه التى كتبتها امن الدوله

وقال عمو خيرت الشاطر كلمه هزت القاضى ومن معه .. وكل المحكمه بعديها قامو بالتصفيق له

وعند فض حرز عمو مالك .. فكان ينقصه كثير من الاوراق ووثائق ملكيه .. وخزينه الت اخذت من غرفه نومه .. وذهب زوجته .." يعنى سرقه علنى "

وكان عندما يفضون الاحراز .. كان كل معتقل يخرج عند فض حرزة .. وكانت القاعه باكملها تقوم بالتصفيق والتصفير .. كان شعورى حينها .. اننى لست فى محكمه بل اننى فى قاعه لتوزيع الشهادات "
شهادات شرفاء مصر"

وعندما كنت امل من افتراءات القاضى .. كنت اخرج فى الكافتيريا ..

وبالتالى زاد ارتباطى ببعض اهالى المعتقلين واتعرفت على الكثير منهم بصورة اعمق .. فكان يجمعنى الحديث بينى وبين هاجر شوشه وزينب حشيش ونيرة ومهجه عبد المحسن .. وبنات عمو امير بسام ... حقا كانت صحبه اكثر من رائعه

المفروض انى كان عندى كورس الساعه 6.5...وبالتاكيد ضاع عليا ولكنن لله الحمد اكتشفت انه اتلغى

المهم كانت الشنطه وما تحتويه من مال وموبايل واوراق فى سيارة عمو عصام عبد المحسن وانا مش عارفه اروح لان الشنطه معاهم .. وسمعت ان الجلسه هتطول وهتقعد لغايه الساعه 10 ... المهم لقيت عمو صبحى صالح مروح اخدنى معاه ... وبما انى مش نادله زى ناس تانيه ... فقلت لايمان عبد المنعم تيجى معايا ..
ولن تنسى ايمان انها صحفيه حتى واحنا راكبين العربيه مع عمو صبحى ... كانت ماسكه الورقه والقلم واى تعليق عمو صبحى يقوله تروح كاتباه .. صحفيه جديرة بالذكر

المهم .. وصلت لبيتى سالمه غانمه ... واستقبلنى ابى بنائبه العريان

قالى عملتى ايه ده انا سمعت انهم مكانوش بيدخلو حد ... قلتله عيب وراك رجاله


ــــــــــــــــــــــــــــ

الى بجد حسيته والى خلانى اتضامن مع الناس دى ... انى فعلا حاسه بالى هما حاسين بيه .. حاسه بالظلم الى وقع عليهم لانى حسيته قبل كده .. "ولا تحسبن الله غافلا  "

حاسه بيهم وهما ابوهم داخل القفص ومش قادرين حتى يرتمو فى احضانه .. حسيت بمدى الام الى المعتقلين بيشعرو بيه .. حسيت بمدى التضحيه .. وكل ده عشان ايه .. عشانك يا مصر .. عشان ولادك يعيشو فى رخاء يا مصر

هما دول الى بيحبوكى يا مصر .. لا تنخدعى بالاقوال ولا بالمناصب ولا بالمظاهر ... هما الى داخل القفص هما دول عينه من ولادك الشرفاء .. عينه من المظلومين والمقموعين داخل اسوارك يا مصر

القضيه مش قضيتهم بس .. القضيه قضيتنا كلنا ولازم كلنا نبقى واقفين معاهم .. لازم كلنا نتكاتف ضد الظلم والقمع

ولازم الكل يعرف ... اننا بنحبك يا مصر


ـــــــــــ

تحديث

المقال ده كاتباه الاستاذة شرين ابو النجا عن المدونات الاسلاميه فى المصرى اليوم هو العدد بتاع امبارح 
بس انا كنت سبام فمكنتش عارفه انزل حاجه

http://www.almasry-alyoum.com/article.aspx?ArticleID=69071




هناك 32 تعليقًا:

شقلبان يقول...

والله انا كل اللي اعرفه من اللي راحو المحاكمة راجعين في حالة ايمانية ما شاء الله وتحس انهم راحو عملوا عمرة وجم

لكن سؤال : عل الدخول متاح للجميع مثلا لو معاهم البطاقة ؟؟

وللا لازم ابقي ليا عمو معين ؟؟:D

AbdElRaHmaN Ayyash يقول...

أنا مريت من هنا
بصراحة مقريتش
لكن هرجع اقرا ان شاء الله
نازل المؤتمر :)
سلام

اسماء العـــــــريان يقول...

اخ شقلبان... هو غالبا مش ينفع تدخل .. لانهم بيشددو على الاولاد اوى .. لكن اكمنى بنت فدخلونى عادى

اخ عبدالرحمن .. منتظرين

belal يقول...

عرض جميل ...
...
اننى لست فى محكمه بل اننى فى قاعه لتوزيع الشهادات " شهادات شرفاء مصر
.....

elfagreya يقول...

جميل يا سمسمة

بس فى حاجة مقلتيهاش
مهم جدا

بخصوص ميت جنيه كده

فاكرة حاجة عن الموضوع ولا عاملة ناية ولا ايييييه؟؟

وجودك اسعدنااا جدا بجد
ولما كنا فى الزيارة انهارده
اتكلمنا على حضرتك
:)

المهم جزاكى الله خيرا بجد يا اسماء انهارده

وقفتى معايا وقفة انسانية كبيرة

وطمنتونى لما كنت شايفاكم

علاء يقول...

ربنا يتقبل من يارب و يكرمك و يحفظك
تعرفي
أكثر ناس بياخدوا ثواب اللي رايحين و ملهومش مصلحة
رايحين يناصروا اخوانهم و يتضامنوا معاهم
ياريت الكل يكون زيك
كلنا كيان واحد

ربنا يجعلوا في ميزان حسناتك يارب

صاحب البوابــة يقول...

أولاً : ألف ألف مبروك لنجاحك

ولو أنها جاءت متأخرة

لكني اعتذر لإنشغالي الشديد في الفترة الماضية

--------------

ثانيا : لفن نظري يا أسماء جملتك تلك

( اننى لست فى محكمه بل اننى فى قاعه لتوزيع الشهادات " شهادات شرفاء مصر" )

بالفعل يا اسماء

كم أحييكِ

نعم هذا هو الوضع الصحيح

هؤلاء هم شرفاء مصر

وتلك هي شهاداتهم التي سيحفظها لهم التاريخ

تحياتي أختاة

هاني جابر يقول...

السلام عليكم
جزاكي الله خيرا فعلا عن ذهابك
فعلا هو كان يوم طويل جدا وشاق جدا
بس كان يوم جميل جدا جدا
ويابخت حضرتك انت دخلتي المحكمة وحنا لا
نعمل ايه الدنيا حظوظ
اللهم انصر اخواننا المسجونين وفك اسرهم
حسبي الله ونعم الوكيل في الظالمين

امام الجيل يقول...

ربنا يتقبل تلكم الخطوات
كان نفسى اسمع كلمة المهندس خيرت الشاطر كل الناس بتحكى عنها الكلمات دى بتبقى مثبتة اوى يا بختكم
وربنا يفك اسرهم قريبا وما ذلك على الله بعزيز

غير معرف يقول...

ماشى يا اسماء بس عماله تقولى لى انا كاتبه عنكم اقراوا التدوينه ولما قراتها فوجات ده انت كاتبه عن هاجر شوشه اكتر منى يا شيخه ماااااااااااااااااااااااشى على العموم مش هابقى ادخلك معانا المره الجايه لما اشوفك بس
نيره عصام عبد المحسن

أروى الطويل يقول...

اه الندليين دول من الشرقيه ولازم يروحوا علشان ليهم امهات لما بيتأخروا بيقلقوا
وبطلي طولة لسان أحلالك
وتغطية حلوة ولو انها قصيرة

عاشقة الرحمن...سميه العريان يقول...

احلى ما فى التغطيه انها تغطيه انسانيه يعنى تغطيه اظرهت ما خلف الكواليس

العنوان المفروض يكون عن الشرفاء اتحدث

جزيتى خيرا

اسماء العـــــــريان يقول...

اخ بلال .. جزاكم الله خيرا على المرور

ــــــ

الفجريه .. المية جنيه .. انا قلت استر على البنت بلاش فضايح .. وبعهدين المفروض انهم متحفظين على اموالهم :D

اسماء العـــــــريان يقول...

اخ علاء .. ربنا يكرمك ويجعلو فى ميزان حسناتك ايضا

ـــــــ

اخ صاحب البوابه..الله يبارك فى حضرتك

ـــــــ

اخ هانى جابر.. جزاكم الله خيرا على المرور .. وامين على الدعاء

اسماء العـــــــريان يقول...

اخ امام الجيل .. جزاكم الله خيرا على المرور

ـــــــ

ايه يا نيرة ... كفاكى فخرا انى ذكرت اسمك اصلا :P

ـــــــ

اروى .. امشى العبى بعيد احسنلك

ـــــــ

سميه .. عجبنى اوى عن الشرفاء اتحدث

غير معرف يقول...

تؤ تؤ تؤ تؤ
ماكانش العشم يا اسماء يا عريان
على العموم لما اشوفك
بس كنتى تكتبى كلمه كده عن عمك عصام لا لا لا لا
مقصره يا اسماء
وهاقول لعمو لما اشوفه
نيره عصام عبد المحسن

اسماء العـــــــريان يقول...

نيرة .. دى نص التدوينه عن عمو عصام وعن طنط مامتك :D

وعمو عصام يا ستى يحتاج مدونه لوحدة مش كام كلمه عيب عليكى

وائل_صح ولا غلط_ يقول...

التعليق الوحيد اللي ينفع يتقال عن المهازل اللي بتحصل في المحاكمه العسكريه هو

يبقي انت اكيد في مصر

kingofoceans يقول...

والله يا جماعه انا فرحان بيكم :) اول مره ادخل مكان زي دا
بس اقولكم علي شيء
انا قلقان جدا من الي جاي
علي الرغم من اني كاره الي بيحصل للناس الطيبه الي مش عارفين حتي يمارسوا اقل حقوقهم و دا لانهم بيقولوا لااله الا الله
بس خايف جدا من الي جاي
الراجل دا لو مات قبل ما حد تاني يمسك البلد هاتبقي في منتهي الفوضي كل واحد عايز ياكل حته
عز حته و جمال حته وعيلة السادات حته و عيله عبد الناصر حته
وماجد حته
بس في الاخر اقول
الله أكبر
الله أكبر من أي شيءومن أي حد
متأسف شايف ان التعليق مش مرتبط شويه بالمقال بتاعك يا أسماء بس يعني كان في شويه كلام حابين يطلعوا
بالتوفيق ان شاء الله

أروى الطويل يقول...

أجري العب بعييييد !!!!!
اوك جميل اوي اوي
انتي اللي قلتيها
اجري العبي بعيد
ماشي ياهانم ابقي شوفي بقي مين هيزبطلك مدونتك دا اولا
وثانيا
هحرمك من رؤيتي الشهر دا
وابقي اتصلي وقولي وحشتيني عاوزة اشوفك .......ولااااااااااهعبرك
ماااااااااااشي

اسماء العـــــــريان يقول...

اخ وائل... جزاكم الله خيرا على المرور

ـــــ

كينج.. ولا يهمك يا فندم علق زى ما حضرتك عايز

ــــ

اروى .. اجرى العبى بعيد .. خلاص مبقتش سبااااام :P

أحمد - تعالوا نحلم يقول...

جزاكم الله خيرا على التغطية
فعلا موقف صعب و يوم كان صعب
انا كان نفسى اروح بس منعتنى الظروف
اكيد شعور مختلف لما شوفتى اخوانا العظام دول فى الموقف ده
نسأل الله عزوجل لهم و لاهلهم الصبر و الثبات
و لا ننساهم من دعائنا
احمد سنوسى
تعالوا نحلم

saad alshater يقول...

لو لم اتمكن من حضور الجلسة لكنت ساندم اشد الندم

كنت ان اري بعيني واتأكد انها مهزله

اخت اسماء جزاكي الله خيرا
وابلغي الدكتور سلامنا وسلام الوالد

اسماء العـــــــريان يقول...

اخ احمد .. جزاكم الله خيرا على المرور

ـــــ

اخ سعد .. الله يسلمك والسلام يوصل ان شاتء الله

ابو مفراح يقول...

تقبل الله منا و منكم سائر اعمال الخير

نهياوية يقول...

ازيك يابلدياتي
ماشاء الله بوست جميل جدا وملئ بالاحساس ، بس عايزة اقول لكي دي قوة الايمان اللي ربنا اعطاها ليهم ويارب يثبتهم كمان وكمان .

اسماء العـــــــريان يقول...

اخ ابو مفراح .. منا ومنكم ان شاء الله

ـــــــــــ

نهياويه .. منورة يا بلدياتى

غير معرف يقول...

جزاكم الله خيرا على التدوينه لكن النقطه التى دائما ماتشغل فكر الانسان لماذا يحدث للاخوان هذا انا ارى انه قدر الله احسب الناس ان يتركوا ان يقولوا امنا وهم لايفتنون ان العذاب يبقى رحمه
وان الفرقه عن الاب تبقى ثواب وان اصفاد الذل تبقى جهاد وفخر للانسان وذخر ليه يوم القيامه انا شايف ان الحمد لله ان ربنا هدانا لهذا الفهم اللى الناس بتحس بقيمته يوم ماتفهم الاسلام صح الاسلام اللى بيوضح للانسان المعنى الحقيقى للحياه مش المعنى الزائفطبعا نشوء الاولاد فى ظل هذا الكابوس المرعب للطفل الصغير وهوه عدم وجود ابوه محتاج من الام جهد جبار لافهامه ان اللى بيسجنوا ابوه مش همه دول المسلمين ولا حتى همه المصريين
اعتقد ولا حتى يمكن تصنيفهم ضمن انماط البشر اوحتى الكائنات الحيه وفى النهايه ان تكونوا تالمون فانهم يالمون كماتالمون ويرجون من الله مالاترجون حاتم ثابت

samer يقول...

أرجو أخت أسماء أن تغيري عنوان البوست الى ...
((عن الأحرار ... أتحدث))

أحرار الفكر و العقيدة ... أحرار الأخلاق الحميدة ... أحرار القضية المجيدة ... أحرار الرسالة البليغة

أحرار مصر العتيدة

اسماء العـــــــريان يقول...

اخ حاتم ثابت...ربنا يكرمك يا فندم على هذا الاتعليق

ــــــــ

اخ سمير ... انا غيرت اسم الموضوع اصلا وكان عن المحاكمات العسكريه .. اتحدث .. جزاكم الله خيرا على المرور.. ونممكن نفكر فى حكايه التغيير دى

مدونه انا بحبك يا مصر يقول...

الاخت اسماء
اولا جزاكى الله خيرا على الموضوع وتغطيه

بس انا ليه عندك طلب لا يقدر احد ان يقوم بهى الا بنت العريان
لانك بحكم انك بنت دكتور عصام العريان وفى نفس الوقت اخوانيه 100 وفنفس الوقت مدونه اى كما يقوله عميل مشترك
لهذا انتى الوحيدة التى تقدرى تقومى بطلب الذى سوف اطلبه

طيب ما هو الطلب
الطلب ان تنقلى لنا المشاعر الخاصه اللحظات الحرجه لحظات القوة والضعف لحظات تكون بين اسر الاصلاحين الاربعين المعتقلين انتى الوحيدة التى ممكن ان تنقلى لنا ما وراء الكمرة ما لاتسطيع ان تصل له الكمرات او الاعلامين
مثلا كيف بنت خيرت الشاطر كانت بهذة القوة فى نقابه الصحفين وكيف تبكى وتكون بمنته الضعف وهى تذكر ابه بمفردها فى غرفتها
لا اريد ان اعرف سر قوة اربعين اسرة مصريه معتقل اقرب الناس له لا بل اريد ان احلل سر هذة القوة كيف تربى زوجه الاستاذ حسين مالك عائشه لتكون بهذة القوة التى كانت تكلمنى بها فى النقابه
انا مش عوز اطول
اريدك ان تكشفى لنا بحكم موقعك المقرب كمدونه اخوانيه سر قوة 40 اسرة على الله ان تتعلم مصر منهم حاجه
من اول اسرتى التى تحلم بستر ولا تصل له وتخاف ان تقف فى وجه الطيار الى اسرة حسنى مبارك
اعتقد انى انا ومصر كله سوف تتظر هذا البوست
احمد الجيزاوى

اسماء العـــــــريان يقول...

والله يا استاذ احمد .. القوة بتيجى من قوة الايمان والعقيدة وايمانك برسالتك وفكرتك ..

اما البكاء او الحزن فده شىء طبيعى لانهم فى النهايه بشر

يمكن اذا قلتلك انى مش ممكن اقدر ولا يمكن ان تكون العبارات والكلمات معبرة عما بداخلهم ..

ولو كده فاظن ان حد منهم هما الى يكتبو لانهم اكيد حاسينه اكتر منى

جزاكم الله خيرا على المرور