السبت، ١٨ أغسطس ٢٠٠٧

لك الله يا أبى



كفاية يا مبارك




الصورة دى اخدناها لما بابا خرج من اعتقال 2005 ... واللى على الحيطه ورا بابا ده

مكتوب نورت البت  .. كنت انا الى عملاها  وبابا فرح بيها اوى وكان كل ما ييجى الصحفيين يصورها معاه

المهم احنا سبنا الزينه عادى بما ان كانت بنت اختى اتولدت ..  فقلنا نضرب عصفورين بحجر

لقيناهم جم اخدو بابا تانى .. رحنا قلنا نسيبها لحد ما يخرج .. وبالفعل خرج

بس للاسف شليناها دلوقتى.. بس اوعدك يا بابا ان الزينه المرة دى هتبقى مختلفه


السلام عليكم
 

تعديل

 "
لم يخلو من رقم خمسة"  

من وانا طفله  بعانى من موضوع اعتقال ابى

تانى اعتقال ليه وانا عندى
خمس سنين  .. سنة  95

اتحاكم عليه
خمس سنين  ...  خرج وانا فى خمسة ابتدائى

قعد معانا
خمس سنين

اتاخد تانى سنة
2005 ... فى شهر خمسة

خرج قعد معانا
خمس شهور ...  اتاخد تانى فى شهر خمسة

والمرة دى
 خامس مرة يعتقل 


 "
يوم الاعتقال" 

الخبر نزل عليا انا كالصاعقة .. لانى بصراحة مكنتش متوقعه خالص

المهم انا هاحكيلكم على اليوم من اوله من ساعة ما بابا اتمنع من السفر

انا كنت هدخل انام على غير عادتى على الساعه 12  .. بس لقيت بابا بيقولى بما انه عارف انى بسهر للفجر ,
اسماء صحينى الساعه 2

لان الطيارة كانت الساعة 6

المهم سهرت عشان اصحى بابا .. وبعدين سلم عليا وقالى عايزة ايه من تركيا وكده ( كان نفسه اوى انه يسافر )

وقالى كمان ... ابقى ابعتيلى  مسدجات  وانا فى تركيا  ومتنسنيش

المهم كملنا السهرة انا وماما لبعد الفجر عشان نطمن على بابا

وواقفين فى البلكونة لقيناه رجع

اول لما دخل البيت قعد يهزر معايا ويقولى شفتى جبتلك ايه من تركيا .. تعالو اتفرجو جبتلكو ايه ..

وانا والله حاسه ان كان من جواه مضايق قوى

المهم بعديها المفروض اننا بنتمشى بعد الفجر ... فانا اعتذرتلهم لانى كنت خرمانه نوم ..

المهم بعديها انا كان عندى خطوبة واحدة صحبتى فى اكتوبر ..

فقلنا بالمرة نروح نغير جو يومين فى شقتنا الى فى اكتوبر

واتفقنا مع بابا ان هو بعد ما يخلص الاجتماع بتاعه هيجيلنا على اكتوبر  وانا وماما سبقناه لاكتوبر ..

وهو قعد يجهز مع ماما الحاجات الى هناخدها معانا

وكانت الحاجات معاه فى العربية

رحت انا وماما اكتوبر .. هى راحت لاختى عقبال ما اخلص انا الخطوبة

وبعدين لقيت التليفون بيرن .. لقيته ابراهيم .. خير يا ابراهيم

اسماء امن الدوله عند عمو سناء واحتمال يجو عندنا

المهم انا كنت مطمنه شويه على اساس ان بابا مش فى البيت

عقبال ما قفلت مع ابراهيم لقيت سميه بتكلمنى .. بتقلى امن الدوله عندنا .. وكسرو الباب ..
انا ساعتها وشى اصفر وقلتلها طيب وبابا فين .. قالتلى معرفش  ( مكنتش تعرف لسه ان بابا اتاخد )

  المهم انا قاعدة كل ده اتصل ببابا يدينى مشغول ...
اتصلت بمحمد صقر زوج سميه اختى ... قالى انهم اخدو بابا وعمو سناء

ساعتها بقى قلبتلهم الخطوبه الى شىء تانى .. وانا عايزة اروح وحاجات من هذا القبيل

روحت انا وماما للهرم جينا لقيناهم مشيو من البيت خلاص

هما ملقوش حد غير زوجه اخويا .. بس هيا مكنش معاها مفتاح البيت .. فكسرو الباب .. وفتشو كل الغرف ... بس مسرقوش حاجه .. ومضو زوج خالتى على ورقة انهم مسرقوش حاجة ....  اخدو شوية مقالات  لابى بخط اليد .. وبعض اوراق تخصه

هنقضى رمضان لتالت سنه متتالية من غير بابا

ملحقش يغير جو فى اكتوبر  .... ملحقناش نحجز فى مصيف ونصيف

تالت صيف  على التوالى بابا ميقضيهوش معانا

منعوه من السفر لتركيا ... ومنعونا من المصيف  مع بابا

بجد مش عارفة اقول اية .. يمكن انا اكتر واحدة مضايقة لغيابة .. لانه كان هو الى معايا فى البيت هو وماما

بجد بجد .. البيت ملهوش اى طعم .. بجد بجد يا بابا وحشتونى .. غير اى مرة تانية

مستنياك




التصمايم دية كانت اتعملت ايام ما بابا كان معتقل السنوات الى فاتت

فلو حد بيعرف يصمم .. ياريت يصمملى بانر


ويبقى جزاة الله خيرا


















دى بعض التصميمات لسه جايالى على الميل دلوقتى

والاستاذ احمد زايد كان عاملهم فى اعتقالات ابى الى فاتت وهو بردو الى عامل بعض التصميمات الى فوق دى

فجزاة الله خيرا












بناءا على طلب  الاخ مزاجات

دى بعض الصور الى عندى لبابا ... للاسف ملقيتهنمش كتير ومتواجدين على النت

بس هو فى بعض الصور العائلية على الموبايل .. ممكن حضرتك تنتظر لما انزلهم



















هناك ٣٢ تعليقًا:

غير معرف يقول...


سمسمتى حبيبه قلبي

بجد مش عارفه اقلك ايه

يا ربيييييي

ربنا يصبرك يا سمسمه

و ان شاء الله ربنا هيفك اسر عمو قريب جدا

اصبرى و احتسبي يا سمسم

نفسي اكلمك دلوقتى بجد



ربنا يثبتك يا حبي

غير معرف يقول...

السلام عليكم ورحمة الله وبركاته
حسبنا الله ونعم الوكيل
ولكن هذه عي حكومة مبارك وأعوانه
اللهم فك قيد أسرانا وأسر المسلمين
اللهم إنهم في حاجة عاجلة إلى رحماتك فأنزل عليهم رحماتك يارب العالمين
اللهم من أذاهم فأذه ومن عذبهم فعذبه
والله يا أختي لقد كانت صدمة كبيييييييييييرة جدااااااااااااا
وربنا يردهولكم بالسلامة
والله لواحد مش عارف يقول ايه يعني في من المجموعة ناس كبيييييييييييييييرة جدا في السن خلاص عاوزين منهم ايه
ده عمو نبيل عمره ما دخل المعتقل واول مرة يدخله وهو دلوقتي وعمره فوق السبعين سنة فحسبنا الله ونعم الوكيل واعتذر للإطالة
مريم حسام

قسما سأنتصر يقول...

لم اعلم الخبر الا من قناه الجزيره
وحسبنا الله ونعم الوكيل
ويارب تعيشى وتتحدى احزانك

About Me يقول...

لا حول ولا قوة الا بالله....هو مافيش نهاية للهم اللي احنا فيه ده بقى ولا ايه
ربنا معاكي يا أسماء

المنشد العام للإخوان المسلمين يقول...

السلام عليكم ورحمة الله وبركاته

أنا أيضاً يا أخت أسماء كانت لي مع الدكتور ذكرى طازجة منذ حوالي 4 أيام فقط، على رغم وجودي في الرياض!!

أضفت الدكتور على الماسنجر كعادتي عندما أنشئ بريداً جديداً، وقَبِلَ هو الإضافة، لأنه يقبل معظم من يضيفه، جزاه الله خيراً.

وما أن دخلت، حتى بدأت معه حواراً، وكعادتي لا أحب أن آخذ من وقت الدكتور أكثر من 5 إلى 10 دقائق، لعلمي بالنشغاله الشديد.

وسلمت عليه، وقلت له (ابنكم فلان من الرياض) وكان يعلم بسفري منذ حدثته عنه ونحن في فرح محمد عبد الناصر والأخت سمية، فسألني هل زوجتي معي، فقلت له "لا"، وسألني ما أخباري، وإلى متى سأظل بالرياض، ومتى سأعود، وهل أريد خدمة.

المهم أجبته عن كل الأسئلة، ثم حدثته عن مقال الشيخ جمعة أمين وكيف أني قد كتبتُ مقالاً لأرد على فضيلته ولا أستطيع إرساله على الموقع، فقال لي: "ابعثه وأنا سأرسله، وإن لم تستطع نشره في الموقع فانشره في المصريون مثلاً".

وهكذا قال لي الدكتور أكثر من مرة، لا يمنعك أحد من التعبير عن رأيك الحر، حتى ولو اختلف عن رأي الجماعة، ما دمت تعبر عنه بأدب...

هكذا هي القيادة مع أبنائها...

ثم استيقظت على نبأ اعتقاله وهو ومعظم إخواننا من مكتب الجيزة ومعهم أيضاً مسئول مكتبنا الإداري...

حسبنا الله ونعم الوكيل، اللهم فك أسر كل إخواننا وقادتنا، وردهم إلى أهلهم رداً جميلاً...

ومرة أخرى: "حسبنا الله ونعم الوكيل"..

أخوكم/
المنشد العام للإخوان المسلمين

mazagat يقول...

حسبنا الله ونعم الوكيل

ربما لا تصدقيني لو قلت لك اني حزنت عليه هو بالذات عندما سمعت الخبر أكثر منك أو مثلك

صدقيني لا تعرفي مقدار حبي لأبيك وأخيك ابراهيم ايضا

سمية ..

أدرجي كل مالديك من صور أبيك وياريت لو صور حجمها كبير وانا اصنع لك ما ما تريدين من شعارات او بانرات

مرة اخرى .. فك الله أسره ورده سالما غانما اليكم


... مزاجات

غير معرف يقول...

زادت الغصص بحلقي غصة كبيرة هذه المرة على اعتقال الشرفاء من أبناء الوطن

على الرغم من معرفتي الشخصية بهذا الرجل إلا ان هذه المرة غير كل مرة ...

أشعر بأن هذه المرة مختلفة عن كل مرة ... لست ادري السبب

لكن لا أقول حسبنا الله ونعم الوكيل

يارب فك اسر كل المظلومين

تحياتي لك أختاه على صمودك وكبريائك

دمت بكل خير

غير معرف يقول...

هما موراهمش الا الدكتور عصام واللا ايه؟؟؟؟؟؟؟

ليه الغل والحقد علي شخصية عظيمة زي دي؟؟؟؟؟؟

الله ينكد عليهم زي ما بينكدوا علينا

وهما بغبائهم ده فاكرين انهم هيوقفوا الدعوة؟؟؟؟

بالعكس فكل ما بيزيد الظلم خصوصا علي شخصيات الكل يجمع علي احترامها كلما زاد الحماس للعمل الدعوي

وحسبنا الله ونعم الوكيل والحمد لله علي كل شئ وفي ميزان حسناتكم ان شاء الله

بنت أبيها يقول...

حسبنا الله ونعم الوكيل


ربنا يفك اسره ... واسر كل المعتقلين

ويطمنكم عليه يا سمسم

محمد أسامة رسلان يقول...

عرفت الخبر من معاذ الصولي لما جاله تليفون من أُبيّ عن مداهمة بيت عمو سناء وعمو عصام وسبحان الله امبارح بس كنا كلنا راجعين من المصيف؛ اللي إبراهيم جالنا مع زوجتُه فيه وأنا حصلتهم فـ آخر يوم

لكنها أقدار الله

والأيام دول

وحسبنا الله ونعم الوكيل

ولكِ الله يا دعوة الخالدين

محمد

غير معرف يقول...

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

اللهم أهلك الظالمين..
اللهم أهلك الظالمين..
اللهم أهلك الظالمين..
اللهم أهلك الظالمين..
اللهم أهلك الظالمين..

مشروع انسان يقول...

حسبنا الله ونعم الوكيل
الله عاملهم بما يستحقونه
اللهم اظهر الحق واهله
واهلك الباطل وحزبه
اللهم اهلك الظالمين بالظالمين
واخرجنا من بينهم سالمين غانمين

أُكتب بالرصاص يقول...

كامل دعمنا
ودعواتنا للدكتور

وحسبنا الله ونعم الوكيل

اللهم فك كربه وكرب اخوانه

وإن شاء الله ببركة الدعوات سيقضي معكم رمضان

ويجمع بينكم على الخير


لا حول ولا قوة إلا بالله

المنشد العام للإخوان المسلمين يقول...

طلب:

أطلب منكِ يا أخت أسماء نسخ تدوينة لي بعنوان: "الأحداث تتوالى...ولازال المواطن يتفرج...3 رمضانات متتالية يا أستاذي"

على مدونتي ووضعها هنا في مدونتك.

أخوكم/
المنشد العام للإخوان المسلمين

دكتور كسلان يقول...

حسبنا الله ونعم الوكيل
انا اتخنقت من السلبية والخوف والخنوع اللى الشعب فيه
لازم الشعب يتحرك
زى مابنقول كفاية يا مبارك
لازم نقول للشعب كفاية سلبية
اللهم نتقم من هذا النظم واعوانه شر انتقام
وفك اسرى المسلمين

ان شاء الله يرجعلكوا سالم غنم باذن الله
ويكون اقوى من الاول
معلهش ده قدركم
وان شاء الله ربنا يجعله فى ميزن حسناتكم

غير معرف يقول...

والله اكتب وانا ابكي بالرغم اني لا اعرف الدكتور ولست اخوانيا واول مرة ادخل هذه المدونة ولكن لا اتمكن من التوقف عن البكاء داعيا الله له بالتثبيت واالصبر ولكم انتم ايضا يا عائلة العريان.......مش عارف اقول ايه غير حسبنا الله ونعم الوكيل

غير معرف يقول...

أسماء
من ساعة معرفت امبارح واحنا هنا فى البيت فارق معانا جدا

يمكن انت عارفة عمو عصام بالنسبةلنا ايه
وليه على افضال
وترك فيه تأثير كبير يمكن عمو نفسه ميعرفوش

ربنا يبارك فيه وكل اللى معاه

انا بكتبلك دلوقتى يا سمسمة وانا عارفة ان المرة دى هتكون مختلفة بالنسبة ليكى عشان دى اول مرة تكونى انت وخالتو وعمو فى البيت فى لوحدك بعد زواج سمية
وبأوا هما كل حاجة معاكى فى البيت

لكن يا ستى..انتى ادها وادوود..ووتعايشى انتى وخالتو مع الموقف حتى لو تعملوا زيي انا وماما ..لما نفتقد بابا بنتخانق ونعمل مناوشات على اساس نشغل بعض..ايه رايك فى الفكرة دى

واعرفى عمو اكتر لأن مهما تكونى عارفاه الفترة دى بتكشفلك جوانب جديدة..وتخيلوا الفسح اللى نفسكم تروحوها عند خروجه قريبا ان شاء الله..واعدى مع نفسك وفكرى هتستفيدى ازاى من المرة دى..

انا بكلمك زى مبتكلم مع نفسى..اصل الوضع ده ولو طال مش هيدوم..
فى حاجة جميلة بنحلم بيها ..اغلى بكتير ..انا بقول انه يكفينا ان ربنا سبحانه وتعالى رزقنا نكون اصحاب مبدأ وكرامة..حتى مع أخطاءنا وذنوبنا محرمناش..ان اسامينا تيجى جمب اساميهم وبعدين دنتوا خبرة..وانسى رقم خمسة خالص

بكره اتعلم السواقة كويس ان شاء الله ونستاذن ويوافقوا بردو واخدكم اسكندرية تشوفوا البحر وترجعوا
اما عن تركيا
فدى باه نفكرلها فى حل

سلااااااام يا سمسمة
سلمى عليكم كلكم
وربنا يرجعلكم عمو عصام قريب
ويسفركم بنفسه

مصطفي النجار يقول...

كل يوم نقول الحرية لفلان


كل يوم واحد من ولاد مصر ياخده الكلاب ويقيدوا حريته


كل يوم واحد جديد ونعمل له مدونة وبانر في المدونات ونقول




الحرية لفلان



يا جماعة مصر كلها محبوسة مصر كلها في المعتقل




مصر كلها فاقدة حريتها ومخروس صوتها




بعد اللي حصل دا وبعد شهداء المنصورة والعمرانية وسيوة



خلاص ما ينفعش نقول الا الحرية لمصر كلها




لازم نعمل حملة تجريس وفضح للكلاب دي اللي بتنهش في الوطن كله




حملة علي المستوي الدولي تخلي كل واحد في العالم الحر يعرف





قد ايه الظلم اللي احنا فيه ويعرف قد ايه وحشية الكلاب




عايزين العالم كله يعرف ان مشكلة مصر مش نظام فاسد واخوان




لا دي معركة بين شعب باكمله وعصابة تفرض عليه ما تريد بأساليبها الوحشية




المعركة مش ضد الاخوان بس المعركة ضد الشعب المصري كله




الشعب المصري كله مستهدف في الحرب القذرة التي تشنها عصابة قذرة حقيرة




لم يكفها أن تسرطن الشعب وتصيبه بالهم والغم وتضيق عليه في عيشه



بل انتقلت الي مرحلة تركيع الشعب كله وارهابه بالتعذيب والاعتقال ومصادرة الأموال




دورنا لازم يبان في الفترة المقبلة لازم نبقي أداة ضغط ونكون رأي عام عالمي



ضد هذا الظلم وليس هذا استقواء بالخارج بل هي مخاطبة للعالم الحر



وايقاظ الضمائر النائمة او الغافلة التي لا تدري ما يحدث هنا ولا تتصور بشاعته




عايزين كلنا نفكر هنعمل ايه وندشن حملة بعنوان الحرية لمصر



ونستخدم فيها وسائل مختلفة ومتنوعة

والباب مفتوح للأقتراحات

دي أقل حاجة ممكن نعملها ودا واجب الوقت الان

لم يعد هناك وقتا للنوم او تجاهل ما يحدث



يأيها الشعب الذي غفي

انهض بنا كفي كفي

لاشيء تخسره هنا


فلقد حرمت من الضياء


لاشيء تخسره هنا



ما بعد حالك من بلاء




اكسر قيود الذل حرره الوطن



فلكم صبرت علي المأسي والمحن




الحرية لمصر

mazagat يقول...

أنتظر باقي الصور أسماء

وأريد صور أكبر من هذه حتى أتمكن من عمل تصاميم كبيرة دون أن تؤثر على دقتها ..

ياريت لو تجدي هذه الصور وسنقوم إن شاء الله بعمل أحجام وبانرات مختلفة


ان الله مع الصابرين


... مزاجات

غير معرف يقول...

أختنا أصبري وصابري ورابطي فهذا هو قدر أصحاب الدعوات, ووالله إن النصر قريب وأت.
وأنا أحب الدكتور عصام حب شديد ويوم ماسلمت علية لما جالنا السويس كنت أسعد واحد في الدنيا

الفاتح اليعقوبي يقول...

صبرا يادكتور عصام
وانتم الاعلون ان كنتم مؤمنين

لعله خير

ان الله اذااحب قوما ابتلاهم

والسلام

ياسر سليم يقول...

الأخت الكريمة اسماء

بدأت الحملة عندى فى المدونة

ومزودة بالبانرات


وسأخبر المدونين للمشاركة فى الحملة

حور الجنة يقول...

رزقكم الله الثبات وفك اسر كل المعتقلين

ربنا معاكى يا اسماء

alqassam يقول...

حسبنا الله ونعم الوكيل
حسبنا الله فى كل ظالم استبد واذل
حينما سمعنا الخبر حزنا والله كثيرا ونسئل الله تعالى ان يفك اسر الدكتور عصام وكل المعتقلين الشرفاء القابعين فى سجون الطغاه لكم الله هو حسبكم ومولاكم

أحمد سعيد بسيوني يقول...

بسم الله
نسال الله العظيم رب العرش العظيم ان يفرج عنا ويفك قيد اسرانا واسرى المسلمين في كل مكان يا رب العالمين
واذكرك بقول الله تعالى
احسب الناس ان يتركوا ان يقولوا امنا وهم لا يفتنون
شدي حيلك مع خالص دعاؤنا لكم
تحياتي

عمرو سلامة يقول...

اختنا اسماء ... انا واقسم بالله كنت باعيط وانا باقرا البوست بتاعك ... حاسس ان احنا كلنا معتقلين مش والدك بس ..
اختنا ... احنا معاكى مدونين واخوان .... كلنا معاكى ومش ناسينك ..ز عمو عصام ده ابويا ووالدى وقدوتى كمان ..
------------
ادعوا كل المدونين الى الدخول على مدونتى للموافقه على اقتراحات الحمله
للافراج عن لدكتور عصام واخوانه ...
شباب ياريت بسرعه ...
http://lesa-3aish.blogspot.com/

المجاهدة يقول...

ربنا يثبتكم يا ربو يصبركم
انا عرفت امبارح من الاخبار وانا مسافرة:(

ربنا يثبتكم يا رب و يصبركم

قلب أبيــض يقول...

لا نقول لا ما يرضى ربنا
حسبن الله ونعم الوكيل
وفك الله اسرة واسر المسلمين
وجعل الله هذة المحنة فى ميزان حسناتة ان شاء الله
والصبر مفتاح لفرج

محمد هانئ يقول...

ان شاء الله ميطولش المرة دي

ربنا معاكي يا اسماء

غير معرف يقول...

فاكرة ياأسماء لما كنت عندك وقلتيلي هنا مكان الزينة اللي كنا حاطينها لبابا لما خرج
قلتلك كنتي تسيبيها علشان المرة الجاية
قلتيلي المرة الجاية نبقي نحطله تاني
حطيله زينة تاني
علشان لما يخرج يتبسط بيها ويتصور جنبها

radwa يقول...

حسبنا الله ونعم الوكيل
اللهم اهلك الظالمين بالظالمين واخرجنا من بينهم سالمين فرج الله كربه
اعاده اليكى سالما

AbdElRaHmaN Ayyash يقول...

في حاجه اقدر اقولها
لو في و الله كنت كتبت
بس فعلا مفيش
قرأت البوست من اول ما اتكتبت
بس فعلا مش هينفع اعلق
لأن مش ده وقت الكلام