الأحد، 2 سبتمبر، 2007

استئناف قرار الحبس

غدا  الاثنين  3 سبتمر
استئناف قرار الحبس بالتجديد 15 يوم لمجموعة الدكتور عصام العريان ومن معه

فى محكمة شمال القاهرة بالعباسية

الساعة 10 صباحا

ارجو ممن يريد التضامن معنا ان ياتى


ــــــــــــــــ

الف مبروك

الدكتور احمد عمر .. رزق بحفيدة سميت سلمى

الف مبروك يا دكتور
 
وعقبال ما يفرحو بخروجك


ـــــــــــــــ
 
الف حمدلله على السلامة


الدكتور محمود حسين اجرى العملية وخرج بالسلامة بعد قرار الافراج عنه



هناك 10 تعليقات:

صاحب البوابــة يقول...

لا أدري ماذا أقول

غير ان ابسط ما نقدمه لأستاذنا الكبير دكتور عصام العريان هو المساندة بالتواجد غداً

انتظريني يا أسماء

Mirage يقول...

العلامة بتاعت متحدين ضد احالة المدنيين للمحاكمة العسكرية دى

عاملة زى علامة الحلاوة الطحينية بتاعة الرشيدى الميزان

ههههههههههههههههههههههههههههه

انتوا مش بتعملوا اجتماعات وعايزين تاخدوا البلد

بتعيطوا ليه دلوقتى بقى

ماكنتوا خليكوا فى حالكوا احسن

محمد القط يقول...

إن شاء الله ربنا يجعل كل ده في الميزان ويتقبل من الإخوان جهود الاصلاح وتضحياتهم لبلادهم...

كنت بفترض إن مصر مفهاش إخوان !!
ده هيكون حالها وحش قوي....أكتر من إلي هي فيه...
وده بمناسبة إني خلال الفترة إلي فاتت استعرضت الخدمات الإجتماعية والطبية المقدمة من الإخوان للبلد وتحديداً الطبقات الفقيرة وذوي الحاجات ..دور رهيب ومثمر ومؤثر..
بعيد عن ثرثرة وابتذال المعارضين لمجرد المعارضة ..
أو المتاجرين بأحلام البسطاء في عيشة كريمة أو خدم علاجية محترمة من غير تقديم أي مساعدة للنهوض بفقير أو محتاج...

-----------
معلش يا أخت اسماء ...بعدت شوية عن موضوع الاعتقال ..ولكن حبيت أوضح ...ليه النظام معادي الاخوان بالشكل ده...إلي في رأي كتير ..عداء مبالغ فيه وغير مبرر...
الإخوان ...حبهم لبلادهم مش فيلم ظريف عن قهر ولا فساد ..بيرسخ الصورة وبيزدها قتامة...
ولا كام بيت شعر ..شتيمة في النظام ..بيتلحنوا على عود في قهاوي وسط البلد...وبعد كده كل واحد بيروح لحال سبيله...
الإخوان حبهم أشمل وأرقى وأفيد...
لو على الأفلام ولا الأغاني ...منها كتير...إنما عمرها ماهترفع قهر ولا تشبع جعان وتكسي عريان ولا هتحافظ على شرف البنات من الضياع تحت سطوة القهر والحرمان...
من هنا النظام مرعوب من العريان وإخوانه
----------
ربنا يفك حبسك يا عريان ويرجعك لبلدك وأهلك سالم غانم ..
لإن البلد محتجاك ...
وبصراحة مصر من غيرك مضلمه !!!!

مريم يقول...

ربنا معاكوا و يصبركوا و للاسف عرفت متاخر
حسبنا الله و نعم الوكيل

أحمد عبد القوي .. أكيد مصري يقول...

أستاذتي العزيزة أسماء
سلام الله عليكي ورحمته وبركاته

(من المؤمنين رجال صدقوا )

لابد للحرية من ضريبة , ولابد لاحد من دفع هذه الضريبة
والدكتور عصام وأمثاله هم الذين يدفعوا هذه الضريبة

ربنا يفك اسره هو وزملائه
ويبارك الله فيكما

وحسبنا الله ونعم الوكيل


يشرفني زيارتك لمدونتي الجديدة

والسلام عليكم

أبوســـيف يقول...

خير يا أسماء المدونه بتاعتك ما بتحدثيهاش بسرعه ... ده المدونه بتاعتك ليها رواد كتير

أعانكِ الله

omar مشروع بطل يقول...

حسبنا الله ونعم الوكيل

_________

Mohamed Yousef يقول...

الاستاذ ميراج صاحب الرد التانى
بالنسبه للشعار بتاع النخمه العسكريه فده من زوقك برده
اما بالنسبة ل أنتو بتعيطو ده دلوقت فاسمحى أأ قول لحضرتك انى لم انل شرف ان اكون اخوانيا حتى الان بس للأمانه ودى شهاده حق
انا لم ار اناس فى حياتى يستطيعون ان يقيموا افراحا او على الاقل يتذوقون طعم السعاده فى خضم وأوج احزانهم
فصبرهم الله
وعلى فكره هما مش بيعيطوا خاااااالص
وبالنسبه يا سيدى البلد لو خدوها زى ما بتقول فهياخدوها بانتخابات بجد مش مزوره يعنى بالديمقراطيه زى حماس
وياريت زى ما بتقول تخليك فى حالك احسن

بتاع العسل يقول...

منقدرش نقول غير
حسبنا الله ونعم الوكيل

أميرة محمد محمد محمد يقول...

صدقيني يا اسماء كنت اتمني ابقي موجوده معاكي ولكني بعيده في الاسكندريه وحتي لم اعرف الا يوم الاحد بالليل

ولكن ان لم اكن معك بالجسد فاكيد روحي وقلبي معك

اللهم حرر اسر ابيكي وكل المعتقلين معه