جوزناها وخلصنا منها ... واعتذار

تم الزواج وبحمد الله وخلصنا منها .. بس هتوحشنى والله

بس يالا هى فى الدور الى فوقيا


ــــــــــــــــــــــــ

اعتذار  

لانى مش هدون فترة كده لغايه ما دورة شباب الاحزاب تخلص وهبقى اجى احكيلكم عليها ان شاء واستفدت منها ايه

وربنا يصبرنى معايا اروى الطويل

واخيراااااا ... اختى هتتجوز

اختى يوم بناءها ..... السبت ان شاء الله .. 23-6

اخيرااااا هخلص منها ... عقبال اخويا بقى

بارك الله لكما وبارك عليكما وجمع بينكما فى خير

وخدى بوكيه الورد ده منى ليكى

دعوة للتوازن

السلام عليكم

قبل البدء اليكم ببعض ملاحظاتى  


1-هذا البوست يعتبر نقد ذاتى لبعض تصرفات وصفات الاخوة والاخوات

2- هذا البوست يعبر عن ذاتى وعن تفكيرى وعن ملاحظاتى وليس كلام ابنه القيادى

3-انا لا اعم هذة الملاحظات على جميع الاخوة والاخوات ولكن انا اقول ما لاحظته فى التعامل مع بعضهم

4- هذة الملاحظات تعبر عن وجهه نظرى ويمكن ان تكون صحيحه ويمكن ان تكون خطا

5- هدفى من هذا البوست هو اصلاح الذات .. واصلاحها لا ياتى الا بنقدها ..  وارى ان اهم  بند من بنود الاصلاح  هو اصلاح الذات اولا لكى نصل الى اصلاح المجتمع


ـــــــــــــــــــــــــــــــــــــــ

دعوة للتوازن 

قبل البدء فى البوست ..يجب ان اذكر انى حقا لم اجد نفسى الا مع الاخوات .. لم اجد من يحتوينى الا فى الاخوات ... لم اجد من يفهمنى الافى الاخوات

الاخوان عمتا ارى ان مميزاتهم ولله الحمد تطغى على عيوبهم ولكننا ننسعى للمثاليه والاصلاح فيجب علينا اولا ان نصلح من ذواتنا

حقا  انى لا انكر مدى استفادتى ومدى سعادتى وانا اشتغل مع الاخوان عمتا والاخوات خاصه .. حقا انا ارى منظومه الاخوات ينقصها بعض المكملات وتصبح منظومه قويه متينه واعيه ... انا  اقدم هذا النقد لنرتقى بانفسنا لنحقق اهدفنا


يمكن اخترت الاسم ده لانى حاسه اننا محتاجينه فعلا ... حاسه اننا محتاجين التوازن فى كل حياتنا

وطبعا كما قلت فى بوستى السابق قصه دخولى للاخوات وانى لم اكن معهم فى بدايه دخولى الجامعه .. ولا انكر انى خسرت كتير


فى بدايه السنه الدراسيه كان معظم تعاملى وكان معظم اصدقائى ليسو اخوان ... وكنت اسمع منهم الكثير من التعليقات على بعض تصرفات الاخوة والاخوات

حقا كان يتملكنى الصمت على استفسارتهم وعلى اجابتهم .. لانى ارى انهم على الصواب


فانا ارى ان الاخوات يغلب عليهم  الجانب التربوى .. مما يؤثر على الجوانب الاخرى وبالتالى فقليل من الاخوات اللاتى يهتمو بالسياسه وبالامور السياسيه 

ارى ايضا ان الانفتاح عند الاخوات محدود جداا ... اقصد انفتاحهم الفكرى والثقافى ... وانفتاحهم مع التعامل مع الناس 

اشعر ايضا ان الاخوات يوجهو دعوتهم لفئه معينه من المجتمع وليس لكل المجتمع ...

اما ما اراه عن الاخوة ... انهم يغلب عليهم الجانب السياسى عن الجانب التربوى 

ارى ان بعض الاخوة فهمو مفهوم الانفتاح بالمعنى الخاطئ ... فالاخوة اكثر انفتاحا من الاخوات ولكن مع كثرة تجاوزات

امامنا هذين النموذجين .. من الاخوة والاخوات

كلاهما لا يتوازنان فى الامور السياسيه والامور التربويه


احنا كجماعه اخوان لينا ثوابت ومبادئ يسير علينا باقى تعاملتنا
فاذا كان اساسنا التربوى سليم .. سيكون انفتاحنا سليم .. وتعاملتنا مع الاخرين سليمه

ارى ان الاخوات يجب ان يتعاملو مع كل فئات المجتمع ولا ينغلقو على انفسهم .. يمكنهم ان يكونو وجهه صحيحه وسليمه ودعوة غير مقصودة للاخرين  ... ليه انا  كاخت ما اكونش منفتحه وفى نفس الوقت ملتزمه بضوابطى وحدودى واعرف ما يجب ان افعله وما يجب ان امتنع عنه

وارى ان الاخوة يضعو ضوابط فى انفتاحهم وان يقراو كثيرا ... وان يجلسو مع احدى قيادى الاخوان ومنفتحى الفكر ويناقشوة ويتعلمو منهم
 ليه انا شايفه ان فى بعض الاخوة يتنازلون شيئا فشيئا عن بعض مبادئهم وثوابتهم تحت رايه الانفتاح ... ليه انا ما اكونش منفتح وفى ذاك الوقت منضبط بحدودى وثوابتى ؟

وفى النهايه اطرح بعض التساؤلات ..

ما هى الصورة المتكامله التى يجب ان يكون عليها الاخ او الاخت ؟؟
ما هى الضوابط التى يجب ان نتبعها فى تعاملتنا ؟؟

ارجو المساعده فى ايجاد حلول لهذة الظاهرة .. لانى ارى ان اهم مبدا فى الاصلاح هو اصلاح النفس اولا

انقد حتى اراك

انقد ... حتى اراك

اظن ان هذا هو شعار شباب الاخوان فى الوقت الحالى ... وهو النقد

نزلنا تدوينات كتير بتنقد فى بعض افعال الاخوان وفى الشعار و.....

لكن كل ما تم تناوله هو الهجوم علينا ... لاننا لم نتصرف بحكمه .... والموضوع اصبح هيصه واى شاب يدخل وينقد.. ولكن هل من حل لهذا النقد ؟

اخوانى .... اخواتى

انا لا اعترض على النقد نهائيا ... بل انا من مفضلى النقد .. لتصليح ما قد كان وتظبيط ما هو كائن وتوقع ما سيكون

انا اعتبر ان النقد ... ما هو الا تقدم وازدهار فى الفكر ... يثمر افكار ويطرح وجهات نظر جديدة ... يطور من الجماعه..وفى النهايه يختم بحلول

اعجبتنى كثيرا سلسله استاذ مجدى ( استعنا على الشقا بالله ) ... واعجبنى كثيرا بوست ( علموا انفسكم التمرد والدهشه ورمى الاحجار ) ... حقا انه نال اعجابى ... وانا الى حد كبير فهمت حضرتك يا استاذ مجدى .. ولكن للاسف الكثير فهم غلط ... الكثير فهمو يالا هيصه .. خناقه ... الكتير فهمو اننا نتمرد على الجماعه ... اننا نبوح بكل ما يضايقنا سواء ان كان صحيحا اولا ... سواء باسلوب جيد او لا .... سواء فاهمين الى بيقولوة ولا لا


انا بس حابه انى احكى قصتى فى دخولى للاخوات .... لاقر لكم انى لا اعترض على انقد

طبعا الكل اول لما شاف قصتى ... ايه ده هو انتى مكنتيش مع الاخوات ؟؟ ... نعم اخوانى انا لم اكن مع الاخوات ... ولكنى كنت مقتنعه بالاخوان فكرا .. ولكنى لست مع الاخوات عملا ...

ظللت هكذا حتى نهايه الثانويه العامه ( بالرغم من حضورى اسرة تربويه ) ... ولكنى لست مقتنعه بعمل الاخوات خاصه ...

دخلت الجامعه وبدات ارى الصورة كامله امام عينى ..ز رايت العمل ورايت المشاكل ورايت التناقضات ... وكنت انقد كثيرا على عملهم ....

ظللت التيرم الاول كاملا اكون فكرتى واقتناعى بالاخوات ... حتى وصلت فى نهايه نصف العام واقتنعت تماما بالفكرة .. وانضممت معهم

ولكن استوقفتنى كلمه قالها لى ابراهيم عند دخولى للاخوان فعليا ... قالى يا اسماء لو هاتخدى الباكت تاخديه بحلوة ومرة .....

قلتله انا هاخد الباكت بحلوة وان شاء الله هحلى مره ...

ومن ذاك الحين وانا عاهدت نفسى انى سادخل الاخوات ... لكى اقدم كل نقدى .. واسعى كل السعى لكى يحسنوة ويرو الحل لسليم ...وتصبح الاخوات منظومه اكثر قوى واكثر ترابطا واكثر وعيا

فى نهايه القصه اظن ان كل الناس اصابتها حاله من الدهشه والزبهلال .. بسبب انى لم اكن من الاخوات

وكيف ابنه القيادى عصام العريان لم تكن مع الاخوات .....

وانا اجيبكم وبكل فخر واعتزاز .. ان هذة النقطه تعتبر نقطه فى مصلحتى ..

اولا: لانى لم ادخل الاخوان وراثه والسلام .. لا لانى اقتنعت بالفكرة .. ويكفى اننى اقتنعت اذا اننى يمكن ان اضحى من اجلها بحياتى

ثانيا : هذا يدل على وجود الجو الديموقراطى فى البيت ... اى ان ابى لم يجبرنى على دخول الاخوان ..


هناك نوعين اخوانى واخواتى من النقد

1- نقد بناء
2- نقد هدام

ارى ان الكثير من شباب الاخوان يتبعو النقد الهدام ... لا ارى انهم يقدمون حلولا او نماذج لنقتدى بها فى حلها ... او انه سعى للتكلم مع احد القادة ليستفهم عن نقدة

ارى ان الحل اخوانى تتلخص فى الاتى

1- ان الشخص الذى ينقد .. يذكر اولا ان دى وجهه نظرة وتحتمل الصواب او الخطا
2- ان الشخص ده يكون قدام نفسه اهل ان هو ينقد ( اى انه ليس به ما ينقد ) فيمكن للشخص النقد بظاهرة معينه وهذة الظاهرة به
3- الشخص الناقد يقدم حلولا او يسعى للحصول على حلول .. او الاقتداء بنماذج
4- ننقد ما نعيش فيه بمعنى اننا لسنا على درايه كامله بهيكل الاخوان .. ولسنا على اتصال وثيق بالقادة لنعرف ماهو تفكيرهم وما هى وجهات نظرهم

فى النهايه اقول انى اكتب هذا البوست لكى اقول انىلا اعترض على النقد...

لكى اخبر شباب الاخوان والاعلام اننا لا نعترض على النقد ... ولن نتوقف عن النقد الذاتى ولكن ارجو اتباع ملاحظاتى ... واذا وجد اضافه ارجو ان تكتبوها فى تعليقاتكم

نحن ننقد .. لنحقق الاصلاح ... لنثمر ونطور الجماعه ... لان النقد والمناقشه يثمر افكار .. ويطرح وجهات نظر

نحن ننقد ... لكى نوسع مداركنا ... لكى نحسن من ذواتنا

نحن لا ننقد ... لمجرد النقد ...نحن لا ننقد لكى نظهر

انا انقد لانى ارى ان من وجهه نظرى ان هذا الامر خطا ... ومن يتعارض معى يدخلنى فة نقاش ويقنعنى
انا انقد .. لاحقق المصالح
انا انقد .. لانى صاحبه فكر وراى واريد الاصلاح


نحن لن نتوقف عن النقد ..ز انتظرو بوستى القادم ... وفيه بعض من نقدى عن الاخوات

حمله المليون توقيع

السلام عليكم ورحمه الله وبركاته

المكان فى شارع القصر العينى .. نقابه الاطباء _ دار الحكمه

بتبدا من الساعه 7 صباحا حتى الساعه 12 بليل

اخر يوم ليها فى النقابه بكرة ... واخر يوم ليها فى مصر يوم الجمعه ... بس مش عارفه هتتعمل فين

وهى عبارة عن حمله بنجمع فيها مليون توقيع لاغاثه المسجد الاقصى ... لكى تاتى بالرقم القياسى

واظن مشاركتك على الاقل هتكون خطوة للايجابيه فى حياتك

اترككم مع الصور

ما بالكم المربعات دى بتتملى توقيعات

ده الرول من على الجنب



وده الرول من وشه



كل مربع بيتكتب فيه توقيع








دول ناس كانو خارجين من محاضرة فى النقابه غالبا وهاجمو على الرول




دى المربعات من قريب


ده بوستر من البوسترات الى كانت موجودة

دورة شباب الاحزاب _تعديل

السلام عليكم

حصل تعديل كده فى حكايه الدورة

انا كنت امبارح فى المركز

اول حاجه بتملى الاستمارة

وبعدين بيعملو معاك انترفيو

والبنت هناك قالتلى ميعاد التقديم .. اتقدم اسبوع كمان

يعنى الى عايز يلحق يروح يلحق

والدورة هتبقى فى اول 6

ولو فى امتحانات ... هتبقى فى دورة تانيه فى الصيف لكن هيكون عليها اقبال شديد

فنسبه القبول فى دى هتبقى افضل

كان فى استفسارات فى البوست الى انا عاملته .. ان لازم اكون منتمى لحزب ولا لا ؟

لا مش لازم ممكن تكون حركه او جماعه

زى كفايه او اخوان مسلمين

وبردو احتمال يكون فى ناس مش منتميه لاى الاحزاب .. بس انا مش متاكده بصراحه من النقطه دى

يالا بقى السلام عليكم ... واى حد عنده استفسارات ممكن يقولها ... او يتصل على الرقم الى موجود فى البوست الى فات http://banatelerian.blogspot.com/2007/04/blog-post_25.html

ده البوست لو حد حب يطلع عليه

كل عام وانتى بخير يا عائلتى

فى هذا الشهر بل فى هذا اليوم مولد اعظم رجل فى نظرى ولد ابى .. وولدت معه حياتى

فى يوم 28-4-1954 ولد عصام الدين محمد حسين العريان

وفى يوم 29-4 ولد ابراهيم عصام العريان

وفى يوم 5-5-2005 ولدت فاطمه الزهراء .. بنت اختى سارة

وفى يوم 13-5 ولدت سارة عصام الدين محمد العريان

وفى يوم 15-5 ولدت سميه عصام الدين محمد العريان

فى هذين الشهرين ولدت معظم عائلتى

واقول لهم كل عام وانتم بخير وبصحه وبسلام وعقبال مليون سنه تختموهم بشهادة فى سبيل الله

واقول رساله الى ابى فى يوم مولدة

الى اغلى اب واعظم رجل فى حياتى ... كل عام وانت الى الله اقرب .. وعلى طاعته ادوم .. كل عام وانت لسنه نبيه اتبع

كل عام وانت بخير وبصحه وسلامه وبدون اعتقالات

يارب دايما تبقى جنبى ومتبعدش عنى .. وان شاء الله هديتك عندى هتكون نجاحى .. ادعولى بقى انى انجح.. عقبال مليون سنه تختمهم بشهادة فى سبيل الله

احبك يا اعظم اب فى الوجود

مش لاقيالك صورة يا ابراهيم .. ملاقيتش غير دى تكون انسب صورة ليك :D :D

رساله الى اخى ابراهيم..

كل عام وانت بخير يا اخى الوحيد ... وعقبال ما نباركلك يوم بناءك....وربنا يسعدك انت وزوجتك دايما ... ويارب تسافر وتاخد المعادله ...وربنا ييسر لك حياتك ويسعدك ويرزقك الاولاد الصالحين

الى فى الصورة دى مع بابا تبقى بطوط الى هى فاطمه الزهراء....بنت اختى سارة

ورسالتى ليها

يالا يا بطوط اكبرى وورينا همتك فى المذاكرة واوعى تطلعى زى خالتك فى المذاكرة ... وكل سنه وانتى طيبه يا قمر ... وهديتك هتوصلك ان شاء الله ... غالبا هتبقى لعبه يا بطوط .. متطمعيش

ورساله لاختى الكبيرة سارة العريان

كل سنه وانتى طيبه يا اختى .. ربنا يسعدك فى حياتك ... ومبروك العربيه ... وعقبال لما نشوف حفصه وبطوط وعبد الرحمن فى الجامعه ان شاء الله ... وان شاء الله هيطلعو ذريه صالحه زى خالتهم :D:D

ورسالتى لسميه اختى ... دى بقى هتبقى فى بوست لوحده يوم ميلادها

يالا نستودعكم الله ... وياريت الكل يدعيلى

دورة شباب الاحزاب

هل أنت شاب/ة وعضو/ة في حزب سياسي ولديك الرغبة في أن تلعب/ي دورًا في التحول الديمقراطي في مصر؟ .. بادر/ي فورًا بالتسجيل في دورة تدريبية جديدة لشباب الأحزاب15/4/2007

هَل ...• تنتمي إلي حزب سياسي أو حركة سياسية مصرية؟• معني بقضايا الإصلاح السياسي في بلدك؟• تريد أن تتعلم اليوم صفات قائد الغد؟• مهتم باستكشاف آليات حقوق الإنسان؟• مستعد لمواجهة التحديات والإطلاع إلي أفق جديدة؟ نَعم؟ فـــ يتشرف مركز القاهرة لدراسات حقوق الإنسان أن يعلن لك عن بدء التقديم للدورة التدريبية الثانية لشباب الأحزاب السياسية المصرية المصممة لمساعدتك علي تنمية الفكر الناقد حول قضايا حقوق الإنسان والتحول الديموقراطي، كما تهدف إلي إكتشاف قدراتك الكامنة في إحداث التغيرات وتحسين الواقع السياسي والإجتماعي. وتعتمد هذه الدورة التدريبية علي التفاعل وتبادل وجهات النظر والإقتراحات والخبرات ما بين المحاضرين وشباب الأحزاب والحركات السياسية المصرية حول الإصلاح السياسي في مصر. ستعقد الدورة التدريبية لمدة ستة أيام خلال شهر مايو أو يونيو 2007 بالقاهرة. وتتناول الورشة عدة محاور منها:• ماذا يعني بالنسبة لك كمواطن إلتزام حكومتك بالإتفاقيات الدولية لحقوق الإنسان ؟• هل الديمقراطية قيمة تعني الشباب أم لا؟ وكيف يمكن أن تشارك في تحقيقها؟• كيف يشعر المواطن العادي بأن هناك إحتراما حقيقيا لمبدأ المواطنة؟• هل مكافحة الإرهاب تستلزم التضحية بحقوق الإنسان؟• ما هي وضعية حقوق المرأة في مصر؟• كيف تبتكر أساليب للتأثير في السياسات العامة؟ • ما الذي تضيفه قدرات العمل الجماعي؟المُستهدَفون: هم فئة شباب الأحزاب والحركات السياسية في مصر (علي ألا يتجاوز سن المتقدم/ة 35 عاما). لا يشترط خبرة أو معرفة سابقة عن ماهية حقوق الإنسان للإشتراك في الدورة التدريبية حيث أن الإشتراك مفتوح لكل من لديه الرغبة في تعلم ونشر ثقافة حقوق الإنسان. ويشجع المركز بصفة خاصة كلا من النساء المنخرطات في العمل السياسي مع الأحزاب والحركات السياسية المختلفة علي التقديم، كما يشجع المركز أيضا شباب الأحزاب من محافظات مصر المختلفة للتقديم لهذه الدورة. هذا وسيقوم المركز بتغطية تكاليف الإقامة لكل المشاركين من خارج محافظة القاهرة. مُستعِد؟ علي الراغبين/ات في الترشيح للمشاركة في الدورة التدريبية، إجراء مقابلة شخصية بمقر المركز: 9 ش رستم جاردن سيتي، الدور العاشر، بدءا من 15 أبريل 2007 وحتي موعد أقصاه 29 أبريل 2007 ما بين الساعة الثانية والسادسة مساء طوال أيام الأسبوع عدا يومي العطلة الأسبوعية في الجمعة والسبت.ويرجي ملء وتقديم الإستمارة المرفقة أدناه والتي يمكن الحصول عليها من خلال موقع المركز علي الإنترنت www.cihrs.orgوللحصول علي المزيد من المعلومات يرجي الإتصال بـ الزهراء رضوان، مسئولة برنامج تعليم حقوق الإنسان، علي

027951112 أو من خلال البريد الإلكتروني zahra@cihrs.org*الموعد النهائي سيحدد قريبا.

يا جماعه اخر موعد للتسجيل يوم 29 -4 يعنى يوم الاتنين الجاى

وهما اجازتهم جمعه وسبت

ومواعيد العمل من 9 صباحا ل5 مساءا

واستمارة التسجيل ده الينك بتاعها للى يحب يطلع عليها

http://www.cihrs.org/Act_file/PDF/131_184200711829.pdf

لماذا هاعيش واتحدى احزانى ؟؟

 السلام عليكم

كما وعدت فى بوست هاعيش واتحدى احزانى .. انى هاكتب ليه انا اخترت الاسم ده

فانا ها هنا لكى افى بوعدى واكتب لكم لماذا اخترت هذا الاسم

يمكن عشان انا مخنوووووقه اوى

يمكن عشان انا مضايقه من بعض المشاكل

يمكن عشان انا مقصرة مع ربى

يمكن عشان انا مقصرة مع بعض اصدقائى

يمكن عشان مش حاسه انى واخدة حريتى الكافيه فى البوح بكل ما بداخلى

يمكن لانى مش لاقيه اى حد فاهمنى .. رغم ان كل الى اعرفهم بيقولو اننا فاهمينك

يمكن لانى بدات اقلق على حال بلدى

يمكن لانى حاسه اننا كطلاب ملناش الحق فى اننا نمارس اقل حقوقنا

يمكن خايفه من المستقبل

يمكن حاسه انى مش بتعلم صح

يمكن حاسه ان فى ذرة من الياس زرعت بداخلى

يمكن مش حاسه بالرضا عن النفس

يمكن ويمكن و.........



بس وبعدين يا اسماء

ما انتى لازم تعيشى

بايدك ولا مش بايدك لازم تعيشى

لازم تكملى بقيه حياتك الى مكتوبالك

بس ليه يا سماء تنظرى للحياة بالمنظور  ده

ليه متحوليش ذرة الياس لذرة امل انتى ممكن الى هتبتتدى تغيرى فى بلدك

ليه متتعلميش من اخطاك وتستفيدى منها

ليه يهمك كلام الناس وانتى شايفه انك صح

ليه يهمك الناس فهماكى ولا المهم انتى الى تكونى فاهمه نفسك

ليه متحاوليش انك توصلى لرضا الرحمن

ليه مقصرة مع اصحابك .. رغم ان دى نعمه انعمها عليكى ربنا

ليه متكونيش انتى بذرة تنبت الاصلاح

رغم كل هذا ورغم الاهموم ورغم الاحزان ورغم المشاكل ورغم الاعتقالات

انا هاعيش واتحدى احزانى

يا جماعه بالله عليكو اى حد يقرا البوست ده يدعيلى

عشان الواحد بجد اتخنق

هاعيش واتحدى احزانى

السلام عليكم

طبعا كلكم تتسالون لما هذا التغيير .. ؟

 

انا كنت بفكر اعمل بلوج تانى خالص واكتب فيه .. فقلت بقى عشان التوفير وعشان منعانيش زى ما عنينا فى البلوج ده ومنوجهش المشكلات الى واجهناها .. قلت هستمر فى هذا البلوج

طيب بردو هتسالونى انتى ليه غيرتى الاسم .. بصراحه شديدة انا كنت عايزة اكتب حاجات كتيرة اوى عن ى انا وخواطر ليا انا .. ومش عايزاها  ترتبط بانى بنت العريان انا اينعم انا ساظل اسماء العريان بس على الاقل ابقى نفهمه الناس انى بنقل تفكيرى انا 

خاصه انى حسيت ان فى توقعات اكتر من كده .. وخاصه بعد ما فى صحفيه امريكيه بتكلم بابا وبتقوله .. شفت اولادك عملو مدونه

قالها عملوها من ورايا والله

فقلت الموضوع والله شكله كبير .. وشكل كلام الولد اخويا الكبير صح .. وان انا مش قدها

يا جماعه انا بعلنها اهو ان المدونه دى بتاعتى انا بتدل على شخصيتى انا بتدل على انى انسانه من الاخوان اينعم انا بنت العريان وافتخر انى بنت العريان .. بس هذا لا يعنى انى العريان ذات نفسه




انا من اهدافى الى كنت عامله بيها المدونه انى اظهر الجانب الانسانى فى عائله العريان .. احنا مش كل حياتنا اعتقالات ولا كل حياتنا سياسه ولا كل حياتنا مبارك

احنا ناس عاديه .. بتاكل بتشرب وبتتجوز وبتنام وبتعتقل بردو وبنكلم فى التليفون .. وبنضحك وبنهزر

انا كنت عايزة ابين ان عصام العريان .. اب .. وجد.. وعم ..وصديق ..وفلاح ..وزوج .. وسياسى

ان العائله لا يغلبها الطابع السياسى .. العائله ساعات كلنا بجتمع ونقعد وكل القاعده تبقى ضحك وهزار

يعنى انا مش من اهدافى ان المدونه دى تبقى سياسيه

انا لما بابا جه وقالى ان المدونه وصلت للصحافه الامريكيه .. قلتله اوبس احنا كده بنعلب فى العالى ..

فانا عايزة العب على قدى .. انا عامله البلوج ده عشان انا كل ما تجيلى فوكيرة او اخاطرة او كايه او موقف او اى حاجه حصلتلى ادخل اقولها

مش هاقعد ادخل واتكلم عن السياسه والنظام ومبارك ووووو

ده لا يمنع انكم ممكن تلاقو سياسه

بس مش هيبقى الغالب علينا السياسه


ثانيا حكايه انفصالى انا واختى فى المدونه .. بصراحه انا واختى شخصيات مختلفه وكل ما تعمل تعليق فى اى مدونه تانيه اقولها متنسيش سميه العريان فى الاخر .. فهى هتعمل مدونه تانيه وانا هافضل فى المدونه دى على امل ان الناس تتفهم ما قلته

لماذا هاعيش واتحدى احزانى .؟

فى البوست القادم ان شاء الله

ارجو تفهم كلامى انا ساظل كما انا اسماء العريان ستطرح عن نفسها وعن افكارها وعن ارائها وعن عائلتها من الجانب الانسانى