السبت، ٢١ يوليو ٢٠٠٧

مبروووووووك يا هيما




ده ابراهيم مع بابا بس فى كتب الكتاب ... لسه صور الفرح بتاعه انهاردة منزلتش




ده ابراهيم فى حاله من احوال الفرح والانبساط .. اليوم ده لما رجع قالى انا تعبت من كتر السلام والاحضان والبوس



ده ابراهيم  وهو بيفقر غالبا ...ههههه


نبدا الموضوع بادب .. ونقول


بارك الله لكما وبارك عليكما وجمع بينكما فى خير
بارك الله لكما وبارك عليكما وجمع بينكما فى خير
بارك الله لكما وبارك عليكما وجمع بينكما فى خير




مبرووووووووك يا هيما .. والله وكبرت وشفناك عريس

ابراهيم اخويا ده من صغرى وانا وهو ناقر ونقير .. مكنش بيسيبنى غير لما اعيط وبرضه بضربه

اكمنى انا الصغيرة فكان بيستقوى عليه .. فلو حد شافنى وانا متعصبه يبقى ابراهيم السبب

المهم يا جماعه بعد مرور 24 من عمر ابراهيم ومرور 18 عام من عمرى لقيت ابراهيم اخويا عريس .. مكنتش مصدقه والله ... وبقيت عمه كمان

ابراهيم تزوج خليدة سناء ابو زيد .... ربنا يباركلهم يارب ويرزقهم الذريه الصالحه

وبعيدا عن الفرح وحقدى على الرجاله لانهم كانو قاعدين على البسين ... ابراهيم كان مكسوف

اه والله ولا تشوفوه وانا بدخله القاعه بيانكجنى ... اقله يا ابراهيم انا الى اانكجك مش انت ..بس يا عينى الولد كان محرج اوى وهو داخل على الستات " وخاصه ان الناس نازله فيه تصوير "

بعد ما الناس خلصو تصوير .. ابراهيم راح قايلهم يلا سبحانك اللهم وبحمدك ... ههههه

الفرح كان جميل اوى .. والزفه كانت جميله ما شاء الله وكانو الى بيسقو مجانين بمعنى الكلمه .. وكانو عاملين طرقعات وفراقيع وشرارة وحاجات من هذا القبيل

مبرووووووك يا هيما وعقبال ما نشوف ذريتك الصالحه

واهم ما فى الموضوع ان ى هاقعد فى الشقه لوحدى وهاستفرد ببابا وماما ..

 
ــــــــــــــــــــ

اكيد الموضوع مش مترتب بس لانى لسه راجعه من الفرح ومجاليش قلب انام من غير ما انزله تدوينه

مبروك يا هيما ... وعقبال الجميع



هناك ٤٠ تعليقًا:

hamsawy يقول...

alf mabrook
abd elrahman mamdoh elhosany

محمود قطب يقول...

ألف ألف مليون مبروك
لدكتور ابراهيم
وربنا يرزقه بالذرية الصالحة

حارة سد يقول...

بارك الله لهما وبارك عليكما وجمع بينهما في خير...وعقبالك يا اسماء

امنية يقول...

بارك الله لهما وبارك عليهما وجمع بينهما فى الخير

الف مبروووووووووك

الفرح خلص امتى يا مؤة؟؟

:D

غير معرف يقول...

ازيك يابلدياتي
انا قلت لازم ابارك لبلدياتي ، الفين مبروك لاخيكي ويارب يبارك له ، وعقبالك.

غير معرف يقول...

ألف مبروك لهيما وابو هيما :)

خالد أبوالفضل يقول...

بارك الله لهما وبارك عليهما وجمع بينهما في خير
الرجال أولي بالبسين من النساء طبعا وهذا لسبب بسييييييييييييييييييييط جدا جدا جدا جدا جدا
وهو أنييييييييييييييييييييييي
رجل
تهانينا القلبية مرة أخري

عمر أفندى و أبووه يقول...

الف مبروك يا عم ابراهيم ...

ربنا يتملك على خير ...و يكرمك بزوجتك اللى خارجة من خير بيت بيت ال\كتور ثناء

اسماء العريــان يقول...

الله يبارك فيكم جميعا .. وعقبالكم كلكم للى مش متزوج بس

اسماء العريــان يقول...

امنيه .. وصلنا البيت الساعه 1 كده

غير معرف يقول...

إذا ذكر إبراهيم العريان ... تذكر معه البسمة العريضة ... والإبتسامة الكبيرة ... والوجه البشوش ...غالباً ما يسميه من حوله (كارثة) بحق تنسى وأنت معه هموم الدنيا ومتاعبها ...لا تستطيع أن تفعل أى شىء وأنت معه سوى أن تضحك وهو يجلدك بسياط السخرية المضحكة ...ومع ذلك تشعر فيه بإخلاصه ووفاءه وعطاءه
أتذكر أشد ما أتذكر حينما كنا فى بناء أحد إخوانه ممن كانوا معه فى الدراسة فى محافظة المنوفية ونحن عائدون كانت المواصلات سيئة للغاية ونادرة وقليلة أضررت أن أجلس على قدميه طيلة وقت العودة وما خلا الوقت من ممازحاته حتى عدنا
أسعدك الله يا إبراهيم وبارك فيك ...فأنت بحق تستحق كل خير وكل معروف
بارك الله لكما وبارك عليكما وجمع بينكما فى خير

Saad El-Shater يقول...

الف الف الف مبروك

ومستنينكو يوم 1\8 في فرح اختي ساره

وعبال كل العزاب

مشروع انسان يقول...

الف مبروووووووووك
بارك الله لهما وبارك عليهما وجمع بينهما فى خير
وعقبال كل اللى متجوزوش

سارة بندارى يقول...

مبرووووووووك لـ د/ إبراهيم

ولسارة الشاطر

غير معرف يقول...

الأستاذه ...أسماء ..... ألف مبروك لإبراهيم ...... وتحياتي

إخوانية مصرية يقول...

ياحلاوة ياولاد سمسمة بقيت لوحده
هجيب الشنطة وجيالك اهو
الف
الف الف
الف
الف مبروك
لابراهيم
وعقبالك ياقمرة يارب
وصلحي ايميلك بقي
ومبروك النجاح
المعجزة حصلت
وعقبال السنة الجاية يارب والي بعدها
دايما في افراح وسعادة مهما حصل
لان الحياة هتفضل مستمرة

اسماء العريــان يقول...

ربنا يبارك لكم جميعا .. والله الموفق

اخ سعد الشاطر .. مبروووك لسارة وعقبال باقى ال الشاطر

عمر عاشق القرآن يقول...

الف مبروك يا دكتور هيما وبارك الله لكما وبارك عليكما وجمع بينكما فى خير

وعقبااااااااااااااااااااالنا يااااارب

ahmad senosy يقول...

ياااااااااااااه
ابراهيم اتجوز
افتكرت ايام زمان اصلى ابراهيم اعرفه من و احنا صغيرين
الف الف مبروك لهيما
و بارك الله لكما و بارك عليكما وجمع بينكما فى خير
احمد سنوسى

AbdElRaHmaN Ayyash يقول...

:D ألف مبروووك
بارك الله لكما و بارك عليكما و جمع بينكما في خير
:d و انا اقول الدكتور كان مستعجل ليه في المؤتمر
تماام كده اوي
ربنا يكرمكم ياارب

همسة قلم يقول...

بارك الله لهما وبارك عليهما وجمع بينهما في خير

معلش ياسمسم كان نفسي احضر والله بس هانعمل ايه في الظروف القهرية اللى بتضطر الواحد انه مايحضرش افراح اعز الناس عنده:)

وعقبالك ياقمر قريبااااااااا ان شاء الله علشان ماتلحقيش تستفردي بعمو وخالتو
:D :P

سلمي على العروسة لحد ما اشوفها هي والعروسة اللى قبلها ان شاء الله نجيلهم قريبا
:)

mohamed يقول...

ألف مبروك لابراهيم

بارك اللهم لهما وبارك عليهما وجمع بينهما في خير

سلامي ليه كتير وللوالد ولوالد العروس

غير معرف يقول...

فعلا الف مبروك

للدكتور ابراهيم

momken يقول...

مبروك ياستى وعقبالك ان شاء الله
تحياتى

sharkawoo يقول...

حبيبي الدكتور إبراهيم ألف ألف ألف مبروك ...

الفترة إلي فاتت كلها كانت أفراح ما شاء الله ... ربنا يبارك ...

عبال الجميع إن شاء الله ...

تذكرت من خلال الصور يوم كتب الكتاب بتاع الدكتور إبراهيم ومحمد عبدالناصر ... الف الف الف مبروك ...

ما شاء الله الصور جميلة جداً

Rehab Saber يقول...

مبرووووك يا مؤة

عقبالك يا قمرة

RelaX يقول...

oooooooooh
My first reply at your blog will be

" Happy wedding "

I wish you all happy life

nice blog...

وائل_صح ولا غلط_ يقول...

الف مبروك لابراهيم

اكيد ابراهيم كان قاعد بيضحك ويهرج ومالوش دعوه بالفرح خالص

بارك الله لهما وبارك عليهما وجمع بينهما في خير

شقاوة شعب يقول...

الف الف مبروك لاخوكى يا سمسم

وعقبالك يارب ان شاء الله

محمد عباس يقول...

بارك الله لهما وبارك عليهما وجمع بينهما في خير

الف مليوووووووووون مبروك لايراهيم

وعقبال حضرتك

أبوسويلم يقول...

بارك الله لهما وبارك عليهما وجمع بينهما فى خير
المدونة جميلة جدا وروحها خفيفة جدا
بس انا ليا استفسار على الصورة الاولى اصل ان حاسس زى ما اكون شوفت والدك قبل كده واسمه مألوف بالنسبة لى
بس يا ريت تشرفينى بالزيارة يا اخت اسماء
http://ibnbalad.blogspot.com
الكلام اللى قلته فوق ده تهريج احسن تفتكرينى باتكلم بجد

Bent Elqran يقول...

السلام عليكم ورحمة الله وبركاته

ألف ألف مبروك لأخوكى يا جميل وعقبال ما نفرح بيكى بإذن الله

وربنا يجعل أيامكم كلها سعاده وفرح دائما

اسماء العريــان يقول...

جزاكم الله خيرا كثيرااااا على المباركه .. وعقبال الجميع ان شاء الله

Mai_Jeneen يقول...

ألف مبروك يا أسماء
و لو انها متأخرة شويتين تلاتة

عقبالك قريباً إن شاء الله

ta5areef يقول...

اول مرة ادخل المدونة
الف مبروك لابراهيم
عقبال الذرية الصالحة
وعقبال كل شباب المسلمين

دكتور كسلان يقول...

بارك الله لهما وبارك عليهما وجمع بينهما فى خير
الف مبروك للدكتور ابراهيم
وربنا يرزقه بالذرية الصالحة
ويكونوا خير خلف لخير سلف
وان شاء الله يسيروا على نفس الدرب

صانعة الحرية يقول...

السلام عليكم
مبرووووووووووووووووك
بارك الله لهما وبارك عليهما وجمع بينهما فى خير
بارك الله لهما وبارك عليهما وجمع بينهما فى خير
بارك الله لهما وبارك عليهما وجمع بينهما فى خير
وانا سعيده جدا بزيارتى الاولى لمدونتك يا سمسمه

دعوة الفردوس يقول...

ألف مليون مبروك

مفاضلش غيرك ياجميل
عقبااااااااااالك

بس ايع حكايتك عندك رغبة غير عاديه في الاستحواذ على الشقه
وعلى الكومبيوتر
وعلى باباكي ومامتك كمان

بما ان الشقه فضيت كده ماتعزميني عندك ليلتيت لان والدك ده
مهما قلت مش هوصفلك هو ايه بالنسبالي وقد ايه بحترم عقله وحواره
ونفسي التقيه يوما ما

في فرحك بقى ان شاء الله

غير معرف يقول...

بارك الله لهما و بارك عليهما و جمع بينهما فى خير

غير معرف يقول...

الف مبروك للدكتور ابراهيم وربنا يرزقه بعصام عريان اخر
فمن شابه جده فما ظلم

عمار ...من المنصورة