الاثنين، ٢٣ يوليو ٢٠٠٧

حاجاااات كتير





اولا احب ان اهنىء حبيبة قلبى وصديقه التليفون سمية صادق الشرقاوى على زفافها

بارك الله لكما وبارك عليكما وجمع بينكما فى خير 

انا يا جماعه اول مرة اشوف سميه هو كان يوم فرحها رغم ان احنا اصحاب وبنتكلم فى التليفون من ايام مؤتمر القاهرة الدولى ..

وكانت طنط مامتها هى السبب فى تعارفنا .. جزاكى الله خيرا يا طنط .. وربنا يباركلك في سميه وتشوفى منها الذريه الصالحه





واحب ان اهنىء صديقتى العزيزة هند لان خطوبتها يوم الجمعه القادم ان شاء الله ... مبروووووووووووووك يا هند وعقبال العقد والزفاف

ملحوظه دى من اول اصدقائى الى كانو معايا فى ثانوى تتخطب .. فعقبال باقى الاصدقاء



ــــــــــــــــــــــــــــــــــ

اسفه لانى مسحت بقيه البوست

هناك ١٠ تعليقات:

دكتور كسلان يقول...

انا سعيد جدا ان انا زرت المدونة العظيمةدى
وفخور ان انا اول واحد يعلق ع البوست ده
معلهش اعذرينى ملحقتش اكملهلانى كنت عايزاعلق اول واحد
بس الجواب بيبان من عنوانه
انا اول ما قرات اسمك فى مدونة ابو سويلم
دخلت المدونة علىطول
انا كنت لسه بساله عن المدونة بتاعتك
وماصدقتش نفسى اول ما قرات الاسم
يا ريت تزورى مدونتى المتواضعة

إخوانية مصرية يقول...

اللهم امين يارب العالمين
ربنا يوفقنا جميعا يارب العالمين
ويشرحلنا صدورنا ويسرلنا امرنا
اللهم استجب
اللهم امين

خيرالدين يقول...

بارك الله له
مبروووووك لاخيك
وعقبى لك
وشكرا لزيارتك مدونتى

صاحب البوابــة يقول...

لا أدري بم أنصحك

غير اننى اعرف طريقاً مختصراًَ للعلاج

احسنى صلتك بالله

وفقط

----------

ألف مبروك لأخيك ولصديقاتك

وادعو الله ان يرزقك زوجاً صالحاً

يسعدك ان شاء الله


تحياتي اسماء

الفاتح اليعقوبي يقول...

السلام عليكم
اولا الف مبروك لكل اللي تعرفيهم
ثانيا كل مشكلة في الدنيا ولها حل بس احنا محتاجين نقف مع نفسنا وقفة جادة فعلا عايزين نتعلم نقهر قلوبنا اللي اصبحت مليئة بالفتن ونقهر انفسنا اللي اصبحت اخطرعلينا من الشياطين
الحل ان حضرتك تححي حاجات تكملي فيها للاخر وتتخلي عن حاجات عشان لاتظليميها ولاتظلمي نفسك بتكلفها
وخذي قرارك بترك اشياء وركزي في اللي حضرتك اخترتي انك تكملي فيه 0
علاقتك مع الله
ففروا الي الله -ففروا الي الله-
ففروا الي الله
حضرتك صلي ركعتين بالليل وابكي بين يدي الله بكاء شديد وتذلللي له وبعدها والله هتستريحي جدا واطلب منه فخزائ رحمته لاتنفذ

Saad El-Shater يقول...

اعنك الله ووفقك لكل خير وصلاح

ربنا معاكي واستعيني بالصبر والصلاة

.........
هل من الممكن ارسال رقم هاتف د\عصام علي الايميل
Saad_alshater2010@hotmail.com

غير معرف يقول...

ازيك يابلدياتي
الف مبروك لزميلاتك ، وعقبالك
وعايزة اقول ليكي ان الانسان قد تمر عليها لحظات يشعر بها بالضيق وعدم القدرة علي تنظيم وقته والقيام بواجباته بس لاتقلقي وحاولي تعملي اللي تقدري عليه ، وربنا يوفقك لما فيه كل الخير ، يارب

محمود قطب يقول...

جزاك الله خيرا على هذا الدعاء الجميل وهذه المناجاة الصادقة

بالنسبة لموضوع الحاجات الكتيير
المشكلة حلها سهل جدا
1)امسكي ورقة وقلم وابدائي حددي رؤيتك ورسالتك في الحياة
2)حولي رؤيتك لأهداف تفصيلية في كل مجالت حياتك
وياريت تكون الرؤية ديه واقعية وطموحة وفي ضوء إمكانيتك وقدراتك
لأن ربنا خلق كل واحد فينا علشان يقوم بدور معين حاولي تعرفي ايه هوالدور ده
3)فكري في الوسائل اللي هتحققي بيها الدور ده
4)نزلي الوسائل ديه في جدول تشغيل
5)أعملي جدول أعمال يومي واعملي تقييم يومي للمهام اللي كان مفروض تعمليها وهل بتقربك منالأهداف ولا لأ

واستعيني بالله

أبوسويلم يقول...

مبارك لصديقاتك وأسأل الله لهما البركة ولك السداد والتوفيق والهداية ولشباب المسلمين احب ان اشير الى أهمية ترتيب الاولويات لانها تنجز كثيرا وتوفر وقتا عظيما

أمين المكتبة يقول...

ياااااه
عمو صادق الشرقاوي ده صديق شخصي لي من ايام ماكنا في الرياض .. كان اكبر مني ب40سنه ولا حاجه بس كان أب لي .. كان جدي الله يرحمه دايما يكلمني عنه وعن انه كان صديقه وجاره .. راجل حبوب جدا .. معرفتش والله ان بنته اتجوزت غير من حضرتك دلوقتي !! عموما بارك الله لها وبارك عليها وجمع بينها وبين زوجها على خير وفي خير

وبالنسبة لموضوع حزنك .. فاحنا كمصريين فينا جانب كئيب كده كان الدكتور محمد عمر" بيتكلم عنه مره فبيقول ان احنا كمصريين طبيعتنا الميل للحزن وده شيء ما ننكرهوش واحنا بإيدينا نزود نفسنا بأفكار إيجابية طول الوقت ..
كنت في عمرة من اسبوع وكان شريكي في الغرفة أستاذ جامعي فاضل من اخوان السعوديه وقالي حديث غير حياتي .. قالي "يا حسام لا يجتر الإنسان الحزن فيكثره الله عليه "
ودول نصيحتين من كائن كئيب إلى حد ما
1 - حاولي تتواجدي وسط اللي بتحبيهم اول ما تحسي بحزن وهترتاحي صدقيني
2- اعملي لنفسك شخص تفضفضيله على طول اول ما تحسي بحاجه زي كده واحده من أخواتك والدتك والدك أي حد بس تتكلمي معاه بلا حدود اكنك بتكلمي نفسك
3- ارجعلي لربنا على طول أول ما تحسي بحزن زي كده وافتكري ان الشيطان من أساليبه مع المؤمنين الحزن "إنما يريد الشيطان ليحزنهم" لإن الحزن طاقة سلبية والطاقة السلبية طاقة هدم .. حسي بحب ربنا ليكي هترتاحي قوي وفضفضيله هيسمعك

حاسس اني باقول كلام كبير زي الاخوه الكبار . ماعلينا
ربنا يشرح صدرك للخير يارب