السلام عليكم
بداية انا مش عارفة ليه بقيت اتخنق من مدونتى ... المدونة بقيت مدونة اخبارية لدرجة تخنق
وما انكرش انا بصراحة ترددت كثيرا قبل ما اكتب الموضوع ده على اساس ان الناس منتظرة اخبار
لكن نفسى ليها حق فى المدونة ديه .. ولا ايه ؟
اولا كل عام وانتم الى الله اقرب بمناسبة شهر رمضان وبمناسبة الدراسة
دخلت الجامعة وانا صراحة متشوقة جداا للعمل ورؤية اخواتى واصدقائى ...
وتخيلات عن اول ايام الجامعه بما تحملها من بنات سنة اولى
واستقبال وحاجات من هذا القبيل
رحت اول يوم .. ولكن تاتى الرياح بما لا تشتهى السفن ..
لقينا الاتحاد واخد اماكننا ونفس افكارنا ومقرتنا
طبعا الحالة المعنوية عند الاخوات بدات بالهبوط ولكن تذكرنا باننا نفعل ذلك كله لله
وهم يفعلون ذلك كله ليبعدو الناس عن الله
ومننكرش احنا فرحنا اننا خليناهم يعملو كده .. فى الاول وفى الاخر ده خير للطلبة
وظهرت نوايا الاتحاد من تانى يوم .. الا وهى ان الوزير جاى اول يوم ..
وكل الى عاملينه انتهى بمجرد ان رحل الوزير من الجامعه
ــــــــــــــــــ
بالنسبة لرمضان .. بقابل ناس كتير اوى اوى تقولى مش حاسين برمضان .. ويمكن انا منهم
ياريت لكل الى حاسس بالشعور ده يقرا الموضوع ده .. خسارة .. لا اشعر برمضان
ياريت ما تنسوناش من دعائكم وما تنسوش المعتقلين
وماتنسوش مصر
ومتنسوش مبارك
ــــــــــــ
دى كانت بعض من الكلمات حبيت اقولها معرفش ليه
بس اكيد ارتحت لما قولتها
وللاسف الكلام مش منظم ولا مرتب ولا كان له اعداد من قبل
هناك ١٥ تعليقًا:
اختاه
انا اتذكر تلك الايام
عندما كنا فى اتحاد الطلبه وكنا نذهب للاستقبال
فى يوم من الايام فى اول ايامالدراسه ذهبت مبركا جدا لكى اخذ اماكن اسرة الفتح وهى كانت اسرة الاخوان فى جامعتنا ساعتها كانوا بيقولوا على نفسهم طلاب التيار الاسلامى
وبالفعل ذهبت بدرى ومعى فريق العمل وطبعا الاتحاد كان ممولنا فعاملين يفط وبانفليت وبورشورات والعديد من اساليب الدعايه
ثم فجاه تذكرت الحديث القدسى من عادى لى وليا فقد اذنته بالحرب
لم اكن اخلص فى العمل كل ما كنت اريده هو ان نجمع اكبر عدد ممكن من الطلاب الجدد دون اى نيه لوجه الله
يومها نظرت الى صديقى الذى اثق فيه
وقلت له الحديث القدسى ... هو ايضا كان يشعر بنفس شعورى
لم نكمل اليوم كالمعتاد
ابتعدت عن مكان اسرة الفتح
تركت لهم المكان خاليا
وبعدها تركت اتحاد الطلبه والنشاط نهائيا
انا اسف اختاه
كان هذا الكلام من فتره طويله
كل عام وانت بخير
لا تحزنى
على فكره
انا مازلت مش عضو فى جماعة الاخوان
بس كان لازم اعترفلك بان كلامك اثر فيا
انا اسف
كل سنة وانت طيبة
رمضان كريم
اللهم فك اسرى المسلمين
كل عام وكل يوم وكل ساعه وكل دقيه لأ وكل ثانيه وانتوا ٌرب دايما من الله والي الله..وبمناسبه رمضان بفكركم بالفوازير اليوميه وهي عباره عن خلق وصحابي بطريقه شعريه .ولسه أدامكم فرصه تجاوبوا علي الأسئله اللي فاتت لإن كل فزوره ممكن تجاوب عليها خلال عشر أيام
كل سنة وإنتي طيبة يا أسماء وأبانا عصام بخير وبصحة جيدة
وتقبل الله منا ومنكم ومنهم الصيام والقيام والقرآن
حمدا لله على سلامة .. أسماء المدوِنة ـ بكسر الواو
افتقدنا تدويناتك
كما نفتقد أباك
أعاده الله سالما غانما هو وجميع المعتقلين
ولا تحزني لما أصابكم في الجامعة
قال تعالى : إن الله مع الذين اتقوا والذين هم محسنون
وقال : إن الله يدافع عن الذين امنوا والذين اتقوا والذين هم محسنون
كل عام وانتى بخير
وربنا يفك اسر جميع المعتقلين
وثبت اهليهم
بالنسبه
لبداية الدارسة وللاتحاد
( فاما الزبد فيذهب جفاء واما ما ينفع الناس فيمكس فى لالرض..)
ودى دعوة ربنا
هما يشتغلوا يومين ويناموا
المهم احنا لا نــنـــام
وياريت يكون شعرنا فى الفتره دى
العمل الجاد
مصحوب بالامل فى نصر الله
كل سنة و انى طيبة يا سمسمة
و احب اقولك
يا صاحب الهم إن الهم منفرج
ابشر بخير فإن الفارج الله
و ربنا يوفقك و يوفقنا فى الكلية
خير ان شاء الله
وسنة دراسية متميزة باذن الله
وربنا يفك فيها كربك وهمك
وعملك مع الناس هينسيكى همومك
لان انشغالك بيهم هيجعلك
تهتمى بيهم حتى عن نفسك ساعات
وكما تدين تدان
فما تفعليه مع اخواتك ووالاخذ بايديهم
سيرد لك فى الدنيا قبل الاخرة
بالتوفيق
وحشتيني ياأسماء
من واحد رمضان مش سمعت صوتك وانتي عارفة ايه اللى بيحصللي لما مش بسمع صوتك :)
كل سنة وانتي طيبة ياجميل وسنة دراسية سعيدة ان شاء الله تعالى ويارب نفرح خروج عمو قريبا ان شاء الله تعالى
اوعي تنسي تسلميلي عليه وتوصيه بالدعاء :)
انا الحمد لله يا اسماء بدات اشعر برمضان لان العزايم بدات انا باهزر طبعا المهم انتى بداتى تحسى برمضان تعالى زورى عمك عصام عبد المحسن وانتى تحسى بيه اوك مستنيه الزياره يلا سلام
اختك
نيره عصام عبد المحسن
الاخت اسماء العريان
طبعا ماحدش ينكر اثر الحزن وغياب الوالد بس بجد والد يستحق الافتخار بيه تعرفي انا من الشرقية الناس العامية كانوا ايام الانتخابات الرئاسية بيقولو الو عصلم العريان دخل ضد حسنى مبارك هو اللي هينجح ربنا يصبركم ويثبتكم ويجعله في ميزان حسناته وينتقم من الظالمين امين
عى العالم ديه مش بتزهق
كل سنه نفس الحوار
وهمه اسبوعين و مش بنشوف خلقتهم
و الى الاخ حزين
انت رجل فى زمن قل فيه الرجال
كل سنة وإنتى طيبة يا سمسم و بالنسبة لشغل إتحادات الطلبة ده أنا أول يوم أروح فيه الجامعة لقيت طلبة لبسين وشاحات وعملين يوزعوا فى كتيبات طبعا دول إتحاد طلبة حكومى وعرفت بعد كده إن دى اول سنة يعملوا فيها كده بعد موضوع طلبة الأزهر على طريقة الإخوان والشيوعيين بتاعة زمان ....فاكراها
وبالنسبة لرمضان أنا فعلا مش حاسة بنفس روحانيات زمان يمكن بسبب الأحداث إللى إحنا عايشينها لكنه بكل تأكيد مختلف عن أى رمضان
وده الفرق ما بينا وبينهم يا أختي العزيزة
هما بيعملوا للوزير واحنا بنعمل لرب الوزير
أول ما يغور الوزير وتعدي الزيارة ترجع ريما لعادتها القديمة
عشان كده الناس قرفت منهم
ولا تنسي قوله تعالى ( إن الله لا يصلح عمل المفسدين )
فاللهم أنهم قد أكثروا فيها الفساد فاللهم صب عليهم سوط عذاب
وألف مبروك على خروج بابا وربنا يتقبل منه وسلامي بجد ليه
إرسال تعليق